.
.. فريق .. ¨°•..♥..~ مُرَاسِلات السَّلام ~..♥..•°¨.. للخير وبالخير أتيناااكم..
,,
بسم الله الرحمن الرحيم
من هناك من واحه المحبه والخير .. من واحه الألفه والسلام .. من واحه الضحكه والبسمه ..
اطل عليكم من واحتنا الترفيهيه مراسله كالحمامه أنشر لكم عبير حبي ووفائي وإخائي ..
أرسم الضحكه على افواهكم والفرحه في قلوبكم غايتي رضا لله تعالى ..
إيه افتخر لقالوا الناس عانس ** وافرح إذا ما جزت للخاطب ظلال
اضحك وانا اسمع سيرتي في المجالس**واعرف عيون الناس ماترحم الحال
حالي مثل من هو على الباب حارس ** يحفظ كنوز ما تقدر بالأموال
صعبة يجي إنسان ما هو بفارس ** ياخد بنية ينضرب فيها الأمثال
ولا يجي طايش وجاهل مدارس ** أكبر طموحه خط بيجر وجوال
صدره من أمراض الدخاخين تارس ** زود على التنباك منحط الآمال
ولا يدور براسه اليوم هاجس ** يبدأ يغني كل هاجس وموال
النفس في خشمه ودايم يعامس ** يقول أنا لي شارب وألبس عقال
خبرني كيف أحيا مع إنسان لاقس ** وشلون أجاري لعبة إنسان دجال
هذا كلام بصوت كل العوانس ** خذها شموخ وعز مع روقة البال
إيه افتخر لقالوا الناس عانس ** ما دام ما هو من تقدم برجال
المتردده :فور روز ليش هالمقدمه ؟
روزي : وش اسوي ؟ مو على اساس اننا مراسلات للواحه الترفيهيه نضحكهم ونونسهم يامال الهنا ؟
المتردده : طيب ضحكوهم مو يضحكون عليكم يا مال الصلاح ؟
روزي : يا بنت الحلال وسعي صدرك وان شاء الله بيضحكون لما احكيهم هالحكايه ..
المتردده : طيب وش لزوم القصه ؟ قولي لهم اللي عندك وخلصينا
روزي : لأني عارفه هنا ياكثر المتهورات اللي سرعتهم 1000000000
اول ما تكون عندها مشكله من اي نوع كان عاطفيه نفسيه روحيه
على طول تدوس بنزين وتنزل لها موضوع في عالم حواء مثلا
اذا كانت متزوجه وزوجها عصب عليها مره اما انه عنده مشاكل في العمل
والا مع اهله والأخت عندها طلب واصرت عليه واتهور زوجها وقالها كم كلمه في الصميم
على طووووووووول على عالم حواء تنزل موضوعها ..
وبعد نص ساعه تمسح دميعاتها وتستهدي بالله وتروح تشرب لها كم فنجان قهوه
وبعد ما تخلص تتذكر موضوعها وتروح تشوفه ..
وعينك ما تشوف الا النوووور من الردود ...
اللي تقولها انت ما تخافين الله ... ثقيله دم على بالي عندك شيء مهم ...
يوه كيف صابره والله لو يقولي كلمه رحت لأهلي وخليته هو وعياله ..
شكلك ما عندك شغل فاضيه .... وهكذا .... واذا كانت بنت وغلطت واتمنت يدعون لها تتزوج او صار لها موقف مع زميلتها ياويلها ويلاه انت ما تستحين ..
قل الأدب هالأيام .. بنات هاليومين يطاردون العرس ...
والمشكله انها بعد ما تهدأ وتروق وتشوف بس عنوان الموضوع
تقول هذه مو انا اكيد وحده ثانيه مستحيل ما اصدق ان كل هالكلام انا اللي كاتبته ؟؟
المتردده : معقوله هذا الكلام ؟ تكفين قولي القصه خلينا نشوف وش نهايتها ؟ .....
بس لحظه لحظه خليني اجيب الفشار والبيسي عشان اركز عدي لين 10 وانا عندك ..
روزي : 1 - 1ونص - 2 - 2وثلاثه أرباع 10 هههههههههه