زهور الأسلام :

هههه :) الله يعطيك آلعافية فور أيفر كلام رآئع مآ شآء الله مراسلات آلسلام دوووم مبدعآت فديتكن :26:

هههه :) الله يعطيك آلعافية فور أيفر كلام رآئع مآ شآء الله مراسلات آلسلام دوووم مبدعآت فديتكن...

فور روز :

ذوق : جنونه .. جنونه اصحي خلاص عيب عليك انا عندك ضيفه بالغرفه .. جنان : لفت وجهها بصعوبه للجهه الثانيه مطللللللللق ذوق : بسم الله ؟؟ جنونه انا ذوق .. جنان :(وهي نايمه ) مطلق تكفى دور على بيتنا ثالث واحد جنب المحطه ما يحتاج احد يقيس الشحاطه :hahaha:.. ذوق : بسم الله جنونه قومييييييييييييييي مطلق تزوج جنان : صحت بقوه لاااااااااااااااا تزوج مين ؟ لايكون انت يالنسره ؟؟ ذوق : ههههههههههه .. اللهم سكنهم مساكنهم هي وش فيك ؟؟ وش مطلق اللي خطفته منك جنان : اجل اكيد حلم !! ذوق : الا كابوس.. ماااااااالت عليك بغيت اقولك وحشتيني وانت على طول تقولي لي يالنسره ؟ مسكين الي بياخذك امه داعيه عليه لو جاء يصحيك برومنسيه وربي ليتحطم الرومنسيه في وادي وانت في وادي تقولين لها مع السلامه .. جنان : وحش يطلع لك ويربيك ان شاء الله عشان تعرفين تتكلمين سعودي .. خلاص عرفنا انك هنا وتتريقين مع وجهك روحي بنااااام مانمت امس . ذوق : اوه وصرنا نسهر وعيوننا يؤرقها السهر من كان يصدق جنونه المجنونه اللي النوم عندها ابوها وامها تسهر ؟؟ جنان : خلاص بطلنا نوم آآآآآآف .. عدلت جلستها .. انت يا بنت روحي برا ابعدل شكلي .. ذوق : هاهاهاها لا تعدلين شي انا اصلا احس نفسي آخذ اجر وانا مستحمله شكلك بعد النوم . جنان : آآآآآآف من هالحاله يعني ما ياخذ الواحد راحته في هالغرفه ؟ قامت وغسلت وجهها وجت لقت ذوق تقرأ بمجله عندها .. ذوق ذوذو ذواقه ذوقي .. ذوق : نعم هلا خير والله ترى بغير اسمي ذبحتيني تراي جالسه جنبك واسمعك مو بعيده عنك . جنان : ادري بس لاتلوميني اذا تجننت بعد .. تخيلي كنت عند مطلق في القلعه لكن الظروف ماخلتنا نكمل زواجنا حتى شحاطتي الزينه ما مداني آخذها منه شلون امشي بشحاطه والثانيه لا ؟ الظاهر ما بتزوج ابد ؟؟ ذوق : اها يعني انتي الحين عاقله ؟ يا بنت الحلال مايصير الا اللي ربي كاتبه لك سواء تتزوجين والا لا . جنان : ذوق اقولك بتسمعين اللي يتكلم جوا صدري والا كيف ؟ ذوق : بسم الله الرحمن الرحيم يممممممه من يتكلم .. هومطلق والا غيره ؟ ترا اعرف انـ .. جنان : هع هع هع والله انك موصاحيه ذوق انا اتكلم عن الهم اللي داخل صدري مو جني . ذوق : آآآآآف الحمدلله على بالي .. احم احم طيب وش اللي جوا صدرك ووده يتكلم ؟ جنان : ياذوق امس بنت خالتي تملكت وهي اصغر مني تقريبا ب 5 سنين .. شايفه القهر ؟؟ ذوق : بالله مبروووووووك ما شاء الله ومن بياخذها ؟ جنان : اقول ذوق وربي مو فايقه لك اقولك مصيبه البنت تملكت وانا بااااااااااقي تعرفين يعني ايش ؟ يعني بتبدأ المقارنات ويبدأ الكلام اللي ماله داعي آآآآآآآه ياقلبي على حالي اويلاه .. ذوق : لا حول ولا قوه الا بالله وانتم ما عندكم الا الحسد و المقارنات والحكي اللي ماله داعي طيب افرحوا لهالمسكينه شوي وخلوا الأحقاد على جنب .. اقول جنونه .. اذا شفتيها على الكوشه اقرصيها بركبتها يقولون بعدها على طول تنخطبين خخخخخخخ . جنان : هاهاها معليش والله كان ودي اضحك بس مره ثانيه ان شاء الله هذه ما تضحك . ذوق : ياشينك جنونه انا ودي اعرف الحين ليييييش متضايقه خلاص خلي كلام الناس يروح في حاله ولا تسمعي كلام احد . جنان : ذوق ابعرف انت عايشه في الدول العربيه ترى عادي اجيب لك الخريطه عشان احدد لك موقعك ؟؟ ذوقي البنت عندنا اذا تزوجوا اللي بعدها وهي لا تعتبر عجووووووز ..(غرقه عيونها ) يمه !! يا ويل حالي ويلاه والله اخاف يجي اليوم اللي الحريم يقولون لي يا خاله ويصبون لي القهوه لا مستحييييل .. ذوق : هههههه الله يقطع سواليفك .. جنان : ويقطع سواليفي ليش الله يخليني .. ذوق : خخخخخ خلاص ماقلنا شيء انا عندي حل .. انت في بالك فارس والا لا ؟ جنان : والله لو عباس ماعندك اشكال .. مو شرط فارس أي شنب والسلام . ذوق : !!! هههههههه جنونه اقصد فارس احلامك ذاك اللي مواصفاته في كل حفيظه نفوس عند ابويه وابوك وولد الجيران وسواقهم طوله 170 واللون قمحي والعينان عسليتان حتى لو عيونه بيض قالوا عسليتان والعلامه الفارقه شامه خخخخخ جنان : آآآآآه يا ذوق اويلاه على حالي ودي اغمض عين وافتح الثانيه والاقي ولد عمي قدام عيوني يقولي روحي يا مره جهزي لنا العشاء . ذوق : هههههههه امممممحق من حلم .. على الأقل احلمي لك بشي زين يعطيك ورده بسمه نظرة .. جنان : ياذوذو ليش اتخيل ؟ انتي مأثره عليك قراءه هالروايات واللي فيها الحرمه خليجيه .. ماتجيب عيال ..وتهزئ الرجال.. وتمسح بخشته الأرض.. و تاكل ثوم وهو بعد يحبها ومو قادر يتحرك من جنبها .. مشكله هالبنات لاجت الوحده تكتب روايه تقوم تطلع كل ابو الرومنسيه اللي ربي خلقها فيها والمشكله انها تطبقها على مجتمعنا والبنات يصدقونها آآآآآه يا ويل حالي وانا منهم .. تدرين نفسي اشوف روايه بمنتدى يكتبها رجل ابعرف وش ممكن يكتب ؟ معقوله هم بيسوون مثل البنات ؟ والله ما اظن انا حتى منتدى رجالي لحاله ما لقيت دايم الحريم محاشرينهم فيه والا الحريم لا عندهم منتديات نسائيه فقط .. يمكن من خلال هالروايات اقدر اتعرف على فارس احلامي احلم به يتقوزني ويستتني ويستر عليه وظل راجل ولا ظل حيطه و.. ذوق : وما اتمخطري ويا حلوه يا زينه يا ورده من جوا جنينه لللللللوش .. جنونه احس اني في مسلسل وانت بطله فيه قال اتستت قال انت من جدك المنتديات عاد ؟ ودك تتعرفي على رجال بمنتدى ؟ والله والله ما ضيع البنات غير التعارف على الأولاد بهالطريقه يتعرف عليها ويسولف معها على انه حبيب وخفيف دم وشخصيه ولما تخرج معه تلقاه مشخص بالسياره البانوراما اللي مأجرها والساعه والنظاره جوروج ارماني هو واصحابه قاطين فيها كل يوم واحد ياخدها في موعده والبنات تغرهم المظاهر ويضيعون ويطيح الفاس بالراس .. جنان : يمممممه والله انك صادقه اعوذ بالله .. لحظه خلني اخذ شهيق ونهيق عشان التوتر يخف .. اخذت نفس عميييق وذوق ميته ضحك عليها وعلى تعبيراتها ذوق : فديت الشهيق بس ... جنان : اووووف طيب وش اسووي ؟ امممممم .. لحظه جاتني فكره .. وش رايك نشوف زاويه النصف الآخر مدري نصف دينك اللي في المجلات تجي ؟ اللي يعلنون فيها ناس بيتزوجون ؟ ذوق : بس لازم تحطين مواصفاتك وشروطك ..مشواااار جنان : والله مواصفاتي فارعه الطول بيضاء والا بلاش عشان ما اكذب (لوني اوبامي فاتح ) الشعر كستنائي والعينان زيتيتان الأب سعودي والأم فرنسيه من بانكوك اريد زوجا شعره اشقر مموج عيناه حالمتان رومنسي يقدس الحياه الزوجيه والسوق ماياكل كثير يهتم بالرجيم راتبه لا يقل عن 20000 ريال والأفضل يكون طيار (احسن عشان مو كل يوم اطبخ لا مره او 2 في الأسبوع بس غدا والعشاء من برا بعد خخخخ ) جسمه رياضي والبشره برونزيه والخشم طويل لأجل تحسين النسل خخخخخ . ذوق : ( حطت يدها على راسها ) الله اكبر عليك ؟ اجل بيضاء وزيتيتان مدري زيتونتان وتبي طيار بعد والله على المواصفات اللي حطيتيها ماكان جلست لليوم كان انت مخطوبه من يوم ولدتك امك .. حرام ياجنونه الكذب . جنان : هع هع هع يا بنت الحلال وسعي صدرك يعني بحط صورتي عندهم مثلا ؟ اذا جاء النصيب ما راح يرفض انت بس اطلعي منها وهي عامره على بالك حتى هم صادقين اتحدى واحد فيه المواصفات اللي يقولها (مسكت مجله وقرت لها ) الإسم : ..... العمر : 24 .. وسيم موظف براتب 15000 يريد الزواج من بنت جميله بيضاء مثقفه متدينه تهتم بلبسها غير مسرفه ( كيف تجي هذه تهتم بلبسها وما تسرف ؟ ) رومنسيه حتى عند الإستيقاظ ... بالله صدقتي واحد حلو وراتبه يا كبره وصغير للحين ما تزوج ؟ لا ويبيها غير مسرفه القعيطي .. ذوق : هههههه يا بنت اتخيل شكلك وانت تصحين زوجك برومنسيه احس انك بتاخذين معك عجرة اخوك سالم .. تقولين له اصحى لأخلي هالعجرة تيبب(تزغرد ) على ظهرك خخخخ جنان : هاهاها ما تضحك يا بنت نوير وان شاء الله باعرس باللي يجنن البنات كلهم . ذوق : ههههه آمين وترا الوسيم سوقه هالأيام طااااايح يعني بتاخذينه على الفرازه .. جنان: والله فريزر ثلاجه ما تفرق اهم شيء اتزوووووووج وبس . آآآآآه يا ذوق نفسي اكون حرم فلان .. ذوق : يا بنت والله حالتك صعبه مره اقول جنان وش طابخين اليوم ؟ جنان : ...... ذوق : جنونه ؟؟ جنان :............ ذوق : احم احم .. عاااادي ما كأنه طاح وجهي ولااااااااشيء عادي يعني . جنان : ذوق انت غبيه والا غبيه اقولك انا متضايقه وامس سهرانه وحالتي حاله وانت تسألين عن الغدا ؟ ذوق : والله ودي اغير جوك بس ...... اقولك عندي حل .. ولد عمك هذا وش عاجبك فيه ؟ جنان : انه الوحيد اللي ماتزوج بعد وعنده سياره كشخه والصيفيه اللي فاتت سافر برى . ذوق : جنان ؟ انت من جدك ؟ وش دخل هذا بهذا ؟ جنان : انت تعرفين عمري ما سافرت واذا تزوجته بيقولون ان زوجي سافر برى . ذوق : يعني ياخال ابوي حك ظهري ؟؟ جنان احس انك مو طبيعيه الناس كلها تسافر .. كان نفسي اسمعك تقولين انك تحبينه لأنه رجال طيب وكريم وماعنده سوالف حريم ويقدر بنت عمه مو هالخرابيط ؟؟ جنان :( تتربع ) والله هالزمن ولى وراااح ما عاد عندنا الا هالمقاييس ودي انه يكون فري يوديني كل مكان وما يمنعني من احد وما ازور اهله كثير ولا اعيد معهم .. ذوق : والله على هالنيه ما راح تتزوجين تيس مو رجال .. وش حلاة البنت اذا قربت من اهل زوجها وساعدت زوجها على برهم تاخذ اجر وتكسب محبتهم .. هذا حالك وانت ماتزوجت لو متزوجه وش بيصير ؟ احيانا اقول انه احسن ماتتزوجين لأنك مجرمه هذا وانا احكيك عن معامله زوجه اخوي السيئه لنا وانت تصبريني والحين بتسوين مثلها .. اقول والله ضاق صدري من هالجلسه اروح بيتنا احسن ..لبست عباتها وجت بتخرج ... جنان : مسكتها بيدها ,, تعالي هنا والله ما تروحين بس المشكله اذا ما عملت لك هيبه عند اهل زوجك وما سفهتيهم ما لك قدر عندهم .. لازم تربينهم فرد فرد بيت بيت دار دار زنقه زنقه ذوق : انت ضايع معك الحكي اشوفك على خير ,, يالقذافي على غفله .. جنان : ههههههههههههههههههه وربي تهبليييييييييييين اذا زعلت تعالي هنا بس والله اني امزح ياخبله اجل انا اذم زوجه اخوك واسوي مثلها ؟؟ لا والله وانا بنت عزوز واخت سالم وامي منيره واخواتي 5 الكبيره متزوجه ولد ... ذوق : غطت فم جنان بيدها خلاص تكفين والله حافظتهم كل مره تقوليها خلاص بأجلس .. جنان : ذوذو احيانا احس ان ربي ارسلك لي صديقه صندوقه يعني احط اسراري عندك واقفل عليها مع خشمك عشان ما تطلع . ذوق : ههههههههه يا حظي اسمها صدووووووقه .. وبعدين تعالي احنا للحين ما لقينا طريقه نزوجك فيها وانت مع وجهك تتريقين .. جنان : وانا بيدي حل ؟ تدرين والله ما فيه غير اني أحاول آخذ رقم ولد عمي هذا من جوال اخته واعترف له . ذوق : ؟؟؟؟؟؟؟؟؟؟؟؟؟؟؟ (مفهيه فيها) .. وش بتسوين ؟؟؟ جنان : اخطب لعمري وش اسوي ؟ يعني انتظر لمتى ؟ لين وحده تاخذه مني وتروح ؟ ذوق : احلفي ؟؟ واحلفي بقوه بعد .. تكلمينه وش تقولين له ؟ جنان : اقول له اني احبه وابيه يتقدم لي مثل سلمى صديقتي سوتها ونفعت معها وما فيه مانع اخليه يشوفني بس بالغلط يعنني ما شفته خخخخخ .. ذوق : جنونه ترا البنت اللي ما تصون نفسها محد يصونها واللي ما تحترم نفسها وتقدرها محد بيحترمها ؟؟ اوكي عارفه انك تحبينه وودك تتزوجينه لكن مو بهالطريقه اذا نفعت مع وحده وثنتين وعشر من صاحباتك مو ضروري تنفع معك ابد ؟؟ جنان : طيب وش اسوي قولي لي .. ذوق : جنان اولا انت تحبين ولد عمك لأسباب تافهه .. ثانيا .. جنان : يالييييييييييييييل انفتحت الندوه الثقافيه عند ذوق وش بيسكرها ؟ ذوذو اخلصي علي ترا راسي بينفجر من التفكير ذوق : خلاص خلاص .. طيب فيه احد يدري ان عينك عليه ؟ جنان : احب التناحه انا .. بالله هذا موضوع ينقال لأحد ؟ واهملالي صدق واهملالي وهذا اللي يقال يقال انها بتساعدني .. ذوق : جنان بالله عليك حسسيني مره وانا اكلمك انك بنت مو واحد من الشباب اصحاب ماجد اخوي وش هالمصطلحات تدلعي قولي شيء يدل على انك انثى ... جنان : اها قولي كذا من الصبح .. تبيني اتميع واتسيح واقولك قلبو يسلمو .. انت مرررره ختيره . واااااع لاعت كبدي ياذوق وش هالمصاخه وربي كأني اكلم بزران مو بنات لا .. وألف لا هذه مو من قيمي ولا عاداتي وتقاليدي ولا من ... ذوق : بس بس بس اعوذ بالله اكلتيني بقشوري .. جنونه حبيبتي كل بنت لها دلع رباني يعني من الله سبحانه وتعالى يعطيه الأنثى وانت قضيتي على شويه الدلع هذه من كثر جلساتك مع اخوانك الشباب .. حتى شكلك وتصرفاتك ولبسك اللي مافيه ريحه الأنوثه مع انك حلوه .. جنونه روحي طالعي شكلك بعد النوم والله دماااااااار وانا مستحملتك عشان الأجر بس .. فيه بنت بالشكل هذا ؟ احيانا احس اني جالسه مع واحد من اخواني مو صديقتي المفضله جنان : حممممر وجهها من القهر .. هاهاها مفضله والا المحفوظات انت ووجهك تتريقين علي ؟ وش اسوي ؟ مع مين اجلس ؟ اخواتي كلهم تزوجوا وانا صغيره ربيت مع العيال وما اقدر اعيش الا كذا .. ذوق : يا جنونه ياقلبي يا كثر اللي تربوا مع اولاد هذه رنا زميلتنا البيت كله شباب بس هي انوثتها طاغيه عليها بشكل يحسدونها البنات عليه . جنان : جلست على السرير على ركبه ومسنده يدها على راسها .. يا ويييييل حالي ياذوق ودك اصير مثل الدلوعه رنا والله لأبطي عظم .. عز الله ما تزوجت .. ذوق : هههههههههه يا بنت الحلال ان شاء الله راح تتزوجين بس اسمعي كلامي .. اولا ... انزلي السوق واشري لك تنانير وبلايز وجاكتات بنوتيه واتركي عنك الملابس الأسبور حتى في الزواجات الله يهداك ما اشوفك تلبسين الا بناطيل مع انك عارفه انها حرام .. وصرتي ما تعرفين تمشين الا فيها .. هذا غير الجزم الرياضيه اتحدى افتح درجك والاقي صندل واحد .. جنان : وش اسوي والله ما اعرف امشي الا كذا احس يوم امشي على كعب كأن دبوس في رجلي ما اعرف امشي وهو الوحيد اللي عندي وعطيته الشغاله .. ذوق : (عصبت ) والله من الفلاحه بدل ما تسنعين نفسك تسنعين خلق الله .. والله يا جنانوه اذا ما تعدلت ما اقول لك وش تسوين حلوه ذي بتتزوج وتاخذ على فستان الزواج جزمه رياضيه .. هذه نهايه العربجه وتشجيع النوادي .. جنان :( تستهبل بالدلع ) لا لا لا حلاث ما اسوي الا الي تبينه بس قولي افكارك يا ختيره هاهاها وضمت ذوق (مثل بنات هاليومين اللي ما يصافحون بس يضمون ) وااااي ذوقي لا تضميني بقوه ترا اذوب .. والا اقولك ضميني مو قدام الناس خلينا في البيت احسن هاهاها .. ذوق : هههههه ابعدي عني وربي ما يليق عليك غير صفقه اليد هههههههه .. جنان : هع هع هع وربي لاعت كبدي . ذوق : لااااااا الا هع هذه اول شيء تغيرينه هع مره ولاديه .. بالله بكره زوجك يقولك نكته تقولين هع ليه واحد من اخوياه ؟ اسمعي الكلام اللي يجمد على الشارب . جنان : هع هع هع اما يجمدعلى الشارب من وين جبتيها هذه ؟ ذوق : لاااااا وربي خربتيني ما كنت اعرفها انت علمتيني . جنان : (ابتسمت ابتسامه انتصار) ههههه عشان تعرفين انه مو انتي اللي تتحكمين بنفسك هذه تجي مع الإحتكاك .. ذوق : اقول يا فيزياء خلينا نكمل درسنا .. المهم .. اول شيء اختلطي بالحريم مو كل ما جوكم ناس وانت مع الصغار والا في الحوش تسولفين بالجوال ؟ لا اجلسي سولفي مع الحريم اعرفي كيف يسولفون وش المواضيع اللي يقولونها مو زي ذاك اليوم جالسه مع الحريم وتتكلمين عن المحترفين في الأنديه الرياضيه وليتك ختمتيها بشيء زين الا جالسه قدام التلفزيون تستني الدوري الأسباني كأنك ولد .. ثاني شيء بكره ان شاء الله امرك واخذ هالملابس في كيس كبير ونتصدق بها على الأيتام الشبااااااب ونروح للسوق نشتري من جديد ملابس بناااااات .. اي مناسبه تعرفين انه ما فيها منكر روحي لها تلبيه الدعوه فيها اجر روحي اتكلمي عن اشياء تهم البنات اقري في النت والكتب كوني مثقفه مطلعه تعرفين كل ما يقال لك شاركي الناس افراحهم وهمومهم واقترحي عليهم حلول لمشاكلهم .. جنان : وجهها احمر من اللي تسمعه ما تصورت نفسها بهالشكل بعيون الناس .. قامت فجأه قالت / ايوه انا نصحت وحده في علاقتها مع خطيبها كانت تشتكي من بروده تدرين وش قلت لها ؟ ذوق : بفرح .. هاه وش قلت لها ؟ (ذوق ماسكه الضحكه) جنان : قلت لها صارحيه قولي له انت ما تحس ؟ على الأقل اذا جيت تزورني كذا اتفاجأ وانا داخله عليك صير مفهي عرفت ؟؟ كذا كأنك ماتشوف الا انا وحركات .. ذوق : انفجرت الضحكه ما عاد تقدر ههههههههههههههه ههاهاهاهاهاها (قالت وهي تمسح دموعها من الضحك) .. وش النتيجه ؟ جنان : ( كانت تحك راسها )والله انا قلت اللي علي واللي يمليه علي ضميري وهي ؟ اممممم قال لها مو انا اللي تتحكم فيني مره وما احب الخفه الزياده ؟؟ وسكر السماعه في وجهها ذوق : وربي كنت حاسه كويس اللي ما تركها .. جنونه حبيبتي مو كل شيء يجي بالقوه .. احيانا ممكن كلمه صغيره تعبر عن كل شيء .. لازم تتركين كل الأشياء اللي تكره الناس فيك .. الصراحه حلوه لكن مو بهالطريقه ممكن تقوله هذا الكلام نفسه بس بطريقه غير ممكن بنظره اوبابتسامه جذابه .. جنان : الا كذابه مو جذابه ليش اطالع بوجهه وهو مو معطيني وجه ؟ ياليييييييل بطلت اعرس اذا قبل الزواج اترك لبسي وشكلي وسواليفي وهواياتي بعده وش يصير ؟ ذوق : ايوه صح على طاري الهوايات .. قد سمعت ولد هوايته تنسيق الزهور والطبخ والخياطه ؟ جنان : اما عاد والله لو تصير اني لأسوي اللي قلتيه كله هع هع هع ذوق : ( مغمضه عيونها من هالضحكه البشعه ) وش قلنا عن هالضحكه ؟ بعدين انا اقول كذا لأن هوايتك هي كره القدم والتحليل الرياضي ومتابعه مباريات دوريات العالم كلها .. جنان: دوريات ؟ هع هع هع اقول بس خليك على الطماطم والخس وش دراك بالدوري الأسباني اللي يرد الروح ؟ اويلاه .. من جد فن ذوق : انت ما فيك امل .. وش رايك تاخذين لك من ثياب اخوانك وتروحين معهم الإستراحه صدقيني والله تصيرين شيخ الشباب هناك مره تنبسطي. جنان : والله ؟ اجل شورك وهدايه الله .. هذه النصايح السنعه والله انك على قوله الشاعر (يو فرندي من تمورو لين وي نفطس سوا ) وانا اشهد . ذوق : ما شاء الله وش هالحماااااس ؟ اقول اعقلي اذا تبين تتزوجين .. انا عارفه انه في صدرك قلب حنون ومشاعر دافئه والا ما كان حسيتي باحتياجك للزواج اسمعيني سوي اللي قلت لك عليه واستغفري كثير يا جنونه وربي مع الإستغفار بلاوي كثيييييييييره ومشاكل معقده تنحل .. ولا تستعجلي على نصيبك .. اذا الله كاتب لك الزواج راح تتزوجي واذا ما كتب لك لا يمكن تتزوجي المسأله كلها رزق من الله تعالى يعطيه من يشاء ويمنعه عمن يشاء .. اتركي جلسه البيت والمباريات وتعالي معي للتحفيظ اشغلي وقت فراغك وتونسي مع البنات هناك اجواء ترد الروح صدقيني راح تتغيري بشكل ما يوصف .. ومن عارف يمكن وحده هناك تعجبينها وتخطبك ؟ افتحي النت خذي منه دورات تعلم على الفوتوشوب او التصوير او الرسم او الطبخ اي اهتمام نسائي شاركي في اطباق خيريه او ندوات ومحاضرات او سخري نفسك للعمل الخيري خلي لك بصمه في المجتمع المهم لا تجلسي في البيت وتفكري في ارزاق علمها عند الله وحده .. جنان : ما دام فيها خطوبه اجل من بكره بداوم خخخخخخخخ امزح .. ذوذو الله يسعدك ياقلبي وربي ماني عارفه لو انت مو معي وش كنت بسوي ؟ كثير لما كنت اشكي لهم همي يقولون اخرجي للمجمعات والبسي العبي اللي تلفت النظر واتعرفي على شباب حنا العصر اللي فيه الحب قبل الزواج .. لكن فيه صوت داخلي يمنعني ويقولي حراااااااام يا جنونه وين بتروحين من الله ؟ اللي يعلم خائنه الأعين وما تخفي الصدور .. لكن الحين خلاص ما عاد بخلي اكبر همي الزواج انا بريح راسي منه من كثر ما افكر فيه صرت اتخيل اني متزوجه وعندي سته بزران خخخخ .. ذوق انا بأسمع كلامك وان شاء الله يكون هو الحل الصحيح .. ذوق : الحمدلله رجعت لعقلك يلا انا ماشيه تأخرت تبين شيء ؟ جنان : ( رافعه يدينها ) روحي يا بنيتي يا عساني ما ابكيك انتبهي على نفسك من الطريق لاتسرعين فالموت اسرع . ذوق : (تضحك لأنها تقلد العجايز )ههههههههه من جد مهستره الله يرفع عنك .. مع السلامه . حبيباتي ... الله تعالى خلقنا للعباده وليس للزواج .. مو شرط كل انثى على وجه الأرض لها ذكر (بفتح الذال والكاف) وانما لا بد ان يكون لكل انثى ذكر (بكسر الذال وسكون الكاف ) نعم ذكر حسن يتكلم عنه الناس يرفع شأنها عند الله تعالى .. الزواج رزق يعلمه الله تعالى يسهله لمن يشاء ويمنعه عمن يشاء اذا كل وحده منا حطت الزواج هدفها الوحيد تكون غلطانه راح يجي يوم وتكره هذا الهدف لأنها ممكن بكره تتزوج لكن مو بالطريقه اللي خططت لها .. لازم تخططين لحياتك ولبكره بنظره اكبر واشمل .. عشان ما تتحطم آمالك وأحلامك على صخور الواقع .. اتمنى يكون عجبكم موضوعي اللي حبيت ادخل فيه البسمه والفرحه واغير جوكم .. ولا تنسوا تدعوا لي ياحلوات .. احب ان اقدم تحيه بحجم السماء للغاليات على قلبي سمكه بريه وmmm1408 الجنود المجهوله لهذا الموضوع واقولهم الله يعطيكم العافيه يالغاليات على وقوفكم جنبي ومساعدتي وصبركم على كثره طلباتي احبكم في الله يا حبيباتي :26:.. أختكم فور روز ..

ذوق : جنونه .. جنونه اصحي خلاص عيب عليك انا عندك ضيفه بالغرفه .. جنان : لفت وجهها بصعوبه للجهه...

بايعتهالربي :

اسلووبك رااااااااااااااائع ماشاء الله ربي يحرسك وربي يسعدك ويرزقك بماتتمنين

اسلووبك رااااااااااااااائع ماشاء الله ربي يحرسك وربي يسعدك ويرزقك بماتتمنين