كيفكم صبايا انا ماعدت ادخل التجمع بس اتابع من بعيد لبعيد وحتى تجمع الانابيب اشارك فيه من وين لوين لانه خلاص شكله هو الخيار اللي قدامي الحين .

اخر اخباري

سويت تلقيح صناعي في مستشفى سعد كخطوة اولى قبل الانابيب الشهر اللي راح لكن الحمدلله على كل حال فشلت

راح اسوي الانابيب ان شاء الله بس للحين ماحددنا متى الله يسهل ويكتب اللي فيه الخير

السلام عليكم
كيفكم حبيباتي
كنت ابغى ادخل اشكي حالي بس جا شي اهم مني الان
بنت اختي الحين في المستشفى جاها طلق وهيا لسا في الخامس وكلنا حاسيين انها عين لانها ماشاء الله ماتشتكي من شي قبل ومريحه نفسها .. ابغى اعرف في امل انو البيبي يثبت وماينزل لانو كمان معاها نزيف والدكتورة تقول لازم ننزل البيبي قبل يتصفى دمها .. تخيلو من امس الليل الى الان وهيا في اللام طلق وكل شوية يعطوها مسكنات الين تجي دكتورتها الاساسية الساعة 8 الليل
والله مرة خايفين عليها خصوصا انو اول حمل لها وهيا لسا عمرها ماكمل العشرين سنة
طمنوني الله يخيليكم مرة قلقانة عليها وهل في خطر عليها ؟؟

كتبت رد شطوله وانمسح

بكتب إلي أتذكره

فرحت كثيير لشرايين الحمدلله ان ربي عوض صبرها خير

وهدى ضاق خلقي عليها يعني كمل البيبي 9 شهور كاملة في بطنها وجهزت له وتشرت وصارت ام خلااص ناقصنها بس الولادة وبعدين توفى ببطنها

ربي يعوضها ويصبرها

زين ماقالوا لها وش أسباب الوفاة

______________________________

منى ربي يطنكم عليها يارب

ماادري وش اقولك في حالات يقدرون الدكاترة انهم يسيطرون عالوضع ويوقفون الطلق المبكر وحالات لا والله ما يكتب للحمل يتم ويصير اجهاض اسم الله على بنت اختك

حاولوا تعرضونها على دكتورة ثانية وثالثة ورابعة

واذا ربك كاتب لهالحمل يتم وكان من رزقها ربي بيثبته ان شاءالله

اقروا عليها الرقية دايما والمعوذات

ربي يحميها ويحمي جنينها ويحرسم ويثبت لها يارب

وطمنينا عليها

_____________________

حمالة الفرح لا عاش الي ينساكي حبيبتي

ومبروووك الكتكوت ماشاءالله

يعني خلاص بدأ يقول ماما وبابا

وان شاءالله تخاوينه قريب ببنوتة عسل مثل امها

او ولد كتكوت وحلو مثل ابوووه

___________

بنوتة شو هذا بروتين اس

خبرينا عنه اكثر

وهو سبب اجهاضاتك يعني

والا سبب الاجهاض الاخير بس

ربي يعوضك يارب

_______________________

رووح زوجها

ربي ييسر لك وتحملي بدون أنابيب يالله


وماشاءالله كلامك ان دل فإنه يدل على ايمان قوي برب العالمين

وربك ما بيخيبك ان شاءالله
__________________________

رنووومة

ماشاءالله عليك انتي بعد ايمانك قوي وربك بيعوضك بإذن الله

ربي يصبر احب اتغير

كم اجهاض يعني تقريبا صادها

وشون نفسيتها

وهي تدخل التجمع ألحين لو شلوون

تكدرت كثيير عليها