الله يرزقنا بالذريه الصالحه ياكريم...اختي الغاليه احب اتغير ... أسأل الله الكريم رب العرش العظيم أن يجعل لك من كل هم فرجا ومن كل ضيق مخرجا ...بالنسبه للإجهاض أنا من رأي تدقين على دكتورتك وتسألينها إذا ممكن تصرف لك حبوب قابضه للرحم
أنا إذا سقطت يعطونيها وهي تساعد على طرد التكتلات من الرحم ....
وبعدين تعالي وش سالفة البروست والطلعات ... أنتي لازم ترتاحي وتعاملين نفسك زي النفاس وتأخذين فيتامين وحديد عشان
تعوضين اللي خسرتيه من النزيف ..

صباح الخير

حبوبه الغاليه الله يربط على قلبك ويصبرك ويعوضك خير وهذا كله ابتلاء وامتحان من الله والمؤمن مبتلى اصبري واحتسبيه عند الله وقولي اللهم اجرني في مصيبتي واخلف لي خير منها

وقولي الحمد لله عندك عبد المحسن الله يحفظه و يحفظلك زوجك لأنه واقف معاكي ومخفف عنك مصابك ويارب تفرحي بالبنوته عاجلا غير اجل ...........واهم شي لاتسوي تنظيف وروحي للشيخ الأنصاري يعطيكي علاج مكون من سدر وعسل وحبة بركة وزيت وماء كلها مقري عليها تستخدميها لمدة شهر وترجعيله وخلي زوجك يأكل من العسل ممتاز وب400 ريال تكفيكي الكميه لأكثر من شهر بس العسل ممكن شهر
وعندك دكتورة راويه في عيادات محمد الكافي بجوار مزايا مول ممتازه حرمه كبيره وفاهمه وكأنها دايه........وخذي إنت بالأسباب وتوكلي على الله

حور الكون طنشي وكلام الحريم مافي اكثر منه والباب اللي يجيك من الريح سده واستريح ووكلي امرك لله

بنت العروبه وسعي صدرك الرجال مره حلا ومره هم ومهما تكلمتي ماراح يحس فيكي بس إنت حاولي تتكلمي معاه في وقت يكون مزاجه عال العال وإن شاء الله تحملي بدون مراجعات

لبونه الله يتمملك حملك ويسخرلك زوجك والرجال مرات يقطوا الهرجه هذا كبرها ما يعملو حساب ...بس صدقيني مو من قلبه

ونصيحه لكل المجهضات سوا كل التحاليل الازمه وريحوا 3 شهور فبل المحاوله للحمل وخذوا حمض الفوليك ولا تنسوا الرقيه والدعاء والصدقة ويارب يفرح قلوبكم بالذريه السليمه

انا امس كنت عند الدكتور عشان اطمن عالبنوته .......
والحمد لله الوضع كويس ..بس عمر الحمل بالسونار 34 اسبوع و3 ايام والمفروض 36 بااالضبط بس قال عادي واحنا نعتمد على الدوره في حساب الحمل ....وقلي كل شي تمام لاتخافي بس زوجي قعد يقوله فهما يادكتور في البيت بس قلقانه وشايله هم وكل شوي تقولي وديني اعمل سونار ...قاله الدكتور تدلع عليك بس الله يهديه رجع وقاله هي خايفه عشان ولدنا الأول طمنوها وجا تعبان ...وانا من اول ماسكه نفسي دموعي على طرف عيني وبس انفتح الكباس وصرت ابكي والدكتور يقول لاحول ولاقوة إلا بالله وقال لزوجي راعيها إنت عارف الحامل وهرموناتها وقالي لاتقلقي ورجع يفهمني عن وضع ولدي .... وزوجي وجهه صار اسود شوي يبكي معايه وخرجنا ووصلت البيت بدون كلمه ...........
حاسه اعصابي مشدوده وبس تعبانه وودي ابكي طول اليوم ودي اولد واشوف البنت بصحتها وافرح

عروبة الله يسخر لك زوجك ويلين قلبه عليك من غير شر
ويا رب يرزقك ربي الذرية الصالحة ويعوضنا جميعا كل من في التجمع قريب
انه على كل شئ قدير

الحمدلله والشكر له وحده