ام فضولي
ما كنت ملاحظه انه يخفف الالم بس يبدو انه يهدي اعصابك صراحة ما ادري ايش فايدته
اتمني لك ولادة سهلة يارب وكل الكروشات:27:
ام فضولي
ما كنت ملاحظه انه يخفف الالم بس يبدو انه يهدي اعصابك صراحة ما ادري ايش فايدته
اتمني لك...
هلا خلاصة
بالنسبة للربط انا هاي طريقتي ,بس مدري صح ولا لأ .بس انه الوالدة معلمتنا ما نربط على طول بعد الولادة لانها تقول الرحم بعده مفتوح وموزين نربط على طول لانه بير ص عالرحم,بس نبدا من اليوم الخامس او السادس و,ويوم نبدا الوالدة ما تخلينا نشده وايد وايد لا ,يعني بالبداية شوي خفيف بعدين نبدا نشد كم يوم ,و وبعدها نشد زيادة لين آخر الايام,وعن نفسي حسيت ان المشد والربط وايد مهمين خاصة باول ولادتين ,لو لحقتي على عمرج من البداية ما راح تطلعلج كرشة هاي من تجتربتي ومن نصايح الوالدة الله يحفظها ,دوم تقول اللي ما تهتم بعمرها من اول ولادة وثاني ولادة مارح ينفعها شي عقب,,وبرغم اني بولادتي الثالثة ما كان عندي هاك الحماس الاولي للربط فكنت ما اربط كل يوم نفس قبل ,بس الحمدلله ما طلعتلي كرشة على قولة كل من يشوفني ,والصراحة انا مو من الناس اللي يسوون اي نوع من الرياضة بعد الولادة
خواتي اللي يسألن عن مستشفيات الولادة
انا حاليا اراجع بمستشفى بورتلاند الخاص عن طريق ملحقيتنا هني ,يعني هم اللي يسوونلي مواعيد وكل شي ,ولا انا ما عندي اي خبرة بمستشفيات لندن ,بس يوم سألت عنها كذا حد وحتى مدرستي البريطانية الكل يمدح هالمستشفى ويقول انها الافضل لانهم متخصصين بالولادة وامراض النساء وعلاج الاطفال لين سن 16 سنة,,ولانها خاصة فطبعا فيها دلع من حيث نوع العرفة اللي تطلبينها بعد الولادة لو تبين عادية ولا ديلوكس ولا جناح -مثل الهوتيل -بس انا الصراحة لين الحين ما شفت الغرف برغم انهم يخلونج تشوفينها بس تسوين موعد حق التور في المستشفى,وانا اراجع عند دكتولرة كاثرين بعد اكدوا لي انها من احسن الدكاترة عندهم وطبعا هي بتحضر وقت الولادة بالاضافة للميدوايف,وبعد ما تربين خبروني انه الميدوايف تي البيت تشيك يوميا علي وعالبيبي لمدة اسبوع او عشرة ايام مو متأكدة بالضبط-يعني نفس المستشفيات الحكومية-بس الحلو ان تطعيمات البيبي بعد ما ينولد وعلاجه لين ما يكبر لو حبيتي يكون عندهم ,لانهم متخصصين بعلاج الاطفال وعندهم خبراء زينين,
اما اللي سألت عن مستشفى الشيخ زايد -الله يرحمه- فأتوقع تسألين عن مستشفى كروميل لانه صار تبع الامارات
والي اعرفه انه ما فيه قسم للولادة ,حتى المترجمة يوم سألتها عنه قالت نفس الكلام واي وحدة حامل ملحقيتنا يخلونها تراجع بالبورتلاند
بس انا اشوف انه مستشفياتهم الحكومية بعد ممتازة ,والكل يمدحها حتى المترجمة اكدت لي هالشي,وتجارب البنات بعد ,يعني لا تحاتون اهم شي الولادة ربنا يسهل علينا الولادة ونربي ونحن بخير يارب
صح بنات بغيت اسالكم الشمر واليانسون نفس الشي ولا لاغير ,لاني سويت بحث بجوجل وبعضهم يقول غير والبعض يقول نفس الشي ويوم طلبتهم من الدكان العربي عطاني اياهم على شكل علبة فيها اكياس نفس شاي ليبتون مكتوب عليها شمر وبين قوسين يانسون فاللي تعرف تخبرني الله يجزيها كل خير