الف الحمدالله على سلامتك يانجوم الليل
ماشاءالله كنتي عند اهلك ..هده بحد ذاتها نعمه من الله
والقرفه والزيت ان شاءالله اجربها
ومشكوره على نقل تجربتك استفدت منك ..وانا مجربه الولاده من قبل بس ولادتي الاولى ابدا ما سويت شئ حتى الدعاء مادعيت زي الناس
نجوم الليل
الحمد لله على سلامتك وسلامه حمودي والله يكتبلك الاجر ان شاء الله بس بسألك أذكر انك قلتي انك من مكه
حابه اعرف في اي مستشفى ولدتي لاني ان شاء الله بولد عند اهلي ومحتاره في اي مستشفى ولادتي الاولى كانت في حراء ومحتاره الان
الحمد لله على سلامتك وسلامه حمودي والله يكتبلك الاجر ان شاء الله بس بسألك أذكر انك قلتي انك من مكه
حابه اعرف في اي مستشفى ولدتي لاني ان شاء الله بولد عند اهلي ومحتاره في اي مستشفى ولادتي الاولى كانت في حراء ومحتاره الان
الصفحة الأخيرة
أخباركم كروووشات وأمهات اولاً احب اقولكم وحشتوووووووووووني احس صار لي سنة عنكم مو شهر
صراحة كرشة التاسع مرة تعبتني بس الحمد لله انتهينا منها
لا آكل ولا انام ولا حتى اقدر اجلس والمشي مرررررة متعب من الثقل
المهم بقولكم اول حملي كان سبحان الله بينزل وفي استراليا الدكاترة ما يوصفو حبوب التثبيت بس كنت متوكلة على ربي
احصن نفسي وجنيني وسادحة على ظهري اول 3 أشهر غير الوحام والغثيان :09:
وغير النفسية تزداد سوووء بالغربة اكثر بس الحمد لله :(
نصيحة للحوامل الجدد اللي عندهم غثيان عليكم بالموز بصراحة قرأت عنه قبل الحمل انه مفيد للغثيان والتقلبات الهرمونية اللي تخلي مزاجنا ابداً مو رايق
كنت الصباح او مااصحى اغصب نفسي على كوب موية وبعدها بنص ساعة فاكهة وغالباً كان الموز
صح معاناة مع االامساك بس عندك عصير البرتقال او ملعقة زيت زيتون او ملعقة عسل يكفي واحد منهم على الريق
واذا ما نفع قمر الدين كنت آكله عادي او الفاكهة المجففة
الأشهر الأخيرة صرت آخذ منقوع التمر الهندي ( الحمر) على الريق بس أحليه بسكر مع موية دافية
بعد كذا أبدأ فطوري عادي
غير الفيتامينات اللي آخذتها من اول يوم حمل حتى آخر يوم
ادري طولت عليكم بس بجد ما صدقت اني اقدر اجلس من غير كرشة تحكمني اللهم لك الحمد
خلاص بقولكم على الولادة
أول شي ترا حملي باستراليا والولادة بالسعوديه
اول ما قمت من النوم يوم الخميس 24/2 نزل علي دم قلت فرجت هذي اول علامة
رحت المطبخ طلبت من مامتي قرفة قالت اخيراً وتحمست ياقلبي عليها وسوت كل المشروبات الدافية اللي تحمي الطلق وتوسع الرحم
اول شي حليب بالقرفة ــ بدأ الطلق بعده بساعة
بعد ساعتين مغلي ورق الزيتون مع التمر ــ زاد الطلق وصار كل نص ساعة
وبعده أخدت منقوع اليانسون مع البابونج ـ احسه جاب لي النوووووم
بعدها دهنت جوزة الطيب مع زيت السمسم ظهري وبطني ــ وزاد الطلق صار كل ربع ساعة
بعد كذا العصر جات وحدة تزور امي بالصدفة قامت دهنتني بزيت سمسم دفته على النار مع فكس وقرفة وزنجبيل وجوزة الطيب كلها مطحونة
وبنفس الوقت عطوني حليب بالقرفة والزنجبيل
حسيت نفسي فار تجارب بس بعدها ما صرت اتحمل الألم قلت ابغى المستشفى خلاص صار كل خمس دقايق الألم
طبعاً طول هذي الفترة من الظهر لحد العصر وانا امشي بالبيت ما جلست
المغرب دخلت المستشفى طوارئ بدأو تحاليل وتخطيط وسونار كان الرحم فاتح بس 1 ونص
استغربت على بالي انه اكثر بس قلت الله يصبرني الالم لحد ما يفتح
كتبو لي تنويم حاولت امشي بالممرات ما قدرت من الألم
رجعت غرفتي أبغى انااااااام من التعب والالم نفسي انام عشان مااحس بشي
نمت وانا جالسة واول مااحس بالطلق احاول اعمل مساج لظهري وفخذي وشوي يخف
الساعة 3 الفجر مرررررة ما تحملت الطلق وناديت عليهم على طول جو وقاست طلع 4سم
اخذوني على قسم التوليد واعطوني مغذي وزاد الطلق قاست الدكتورة طلع 5
بعد نص ساعة فتح 8 وقالت الدكتورة خلاص ولادة بس المشكلة ان الجنين فوق لأني سادحة على ظهري قالت خليك على جنبك وفعلا بس قلبت ونزلت الموية وبدأ ينزل الراس بس رجعت على ظهري ووقف الطلق عطوني قطرات عشان يزيد الطلق
حاولت ادفع ما قدرت لأني مرة تعبت بس طاقم التمريض ذاك اليوم كلهم عند راسي
الي تمسح على راسي والي تشجعني وتقول خذي نفس ودفي لأنهم شايفين راس البيبي بس مافي طلق المهم دفيته آخر شي وخرج للدنيا محمد شفته وقلت الحمد لله
بس طول الوقت وانا أدعي : ( يا خالق النفس من النفس ويا مخرج النفس من النفس ويا محي النفس من النفس ويا مخلص النفس من النفس ياالله خلصني )
الاستغفار و لا اله الا أنت سبحانك اني كنت من الظالمين
ودعيت لكم حبيباتي ربي يهونها عليكم ويسهلكم ولادتكم واللي مريضة او ربي مارزقها يعطيها باللي تتمنى والي ولدها او بنتها مرضى الله يشفيهم
والحمد لله على كل حال
بروح اشوف حمودي يصيح