ozooof :

القروب صار مره مايحمس هجروووووه البنات ع الواتس والبيبي يوم قربت ولدتنا تركوه ��

القروب صار مره مايحمس هجروووووه البنات ع الواتس والبيبي يوم قربت ولدتنا تركوه...

عبـيـر 2011 :

(( الحلقة الثانية من زيارة العسكري في الرياض )) طبعا اول دخول لي عند طبيبة النساء والولادة طريقتهم مختلفه عن جدة تماما طلعت لدور النساء والولادة وسألت الريسبشن عندي موعد وين اروح ؟ قالت روحي قسم المواعيد قلت انا اليوم عندي موعد قالت ايوه في قسم المواعيد استغربت ورحت واعطيت الموظفة الورقة وعندها ممرضتين اخذوا الوزن وطلبت كرت المتابعه..قلت ماعندي كرت اول زيارة المهم اعطتني علبة تحليل وقالت سوي تحليل قلت صلحت الاسبوع الماضي قالت كل زيارة لازم تحليل بول تكرمون اخذتها وخلصت وسلمتها ورحت اسأل في الرسيبشن الثاني لاني سمعت اسمي ينادونه قلت في نفسي غريبه وش هالسرعه المهم قالت مو اسمك لان ملفك مابعد وصل يمكن وحده زي اسمك المهم انتظرت لين نادو اسمي وبصوت يالله ينسمع واختفت الممرضه اللي نادت مع الزحمة ماقدرت اعرف شكلها ولا وين راحت رجعت سألت في الرسبشن وقالت انتظري لين تناديك مره ثانيه قلت طيب نادوا بصوت عالي جلست وانتظرت لين نادوني وكالعادة اختفت وانا يالله امشي مالحقتها ولا ادري وين اختفت قلت للحريم وين الممرضة ؟؟ قالت روحي اخر غرفة رحت لقيت ثلاث مكاتب كل مكتب عليه ممرضه ومستلمه مراجعه تحقق معها خخخخخخ طبعا معلومات عامه عن صحتي وولاداتي واللي فهمته ان هالحركة للمراجعات اول مره بعد ماانتهى التحقيق قالت روحي غرفة 15 انتظري لين ينادون رحت وانتظرت ولمن دخلت الا فيه طبيبه سعودية وممرضه سعودية الممرضه دخلتني وراحت اول ماسلمت قالت الدكتوره انسدحي ع السرير واكشفي بطنك ماعندها وقت المهم اطالع في السرير محيوس مانظفوه من بعد اللي قبلي وكمان مافي طريق اطلع عليه ولا درج تخيلو فيه زباله وطاسه كبيره خخخخخخخخخخخخخخخخ على اليمين مافي مجال ادخل وع اليسار جهاز لاصق ع السرير مدري وش هالجهاز ماركزت بس اعتقد سونار تنحت قدام السرير بعدين سحبت السونار وطلعت وانبطحت وكانت معاناه خصوصا للدباديب هم يعرفون اكيد خخخخخ لمن تنسدحين على ظهرك ولا في مجال تمسكين شي وحامل بالشهر الاخير المهم جت الممرضه وحطت الجل والجهاز ركزته بس تحت عند الراس وشالته وخلاله تسألني الدكتوره وهي جالسه على مكتبها عن ولاداتي كانت تسأل متى ولدتي وكم وزنه وكل مااجاوب ترد باستهزاء ... انتي متأكده اقول ايه وبعدين تعلق باستهزاء...يعني عيالك جو بالترتيب كذا 35 و36 و37 ؟؟ قلت ايوه وترجع تقول انتي متأكده ؟؟ اقول اييييييه وجت الدكتوره الخطيرة اللي مافي مثلها... جابت المتر تقيس كرشتي وحددت الراس بيدها تحت وقالت قومي قمت وجلست وقامت تسأل عن اسباب ولاداتي المبكره المهم اعطيتها موجز وعلقت تعليق غبي جدا جدا جدا قالت: حملك الاخير مانزلت موياتك مستحيل قلت : الا نزلت قالت : مستحيل تصبر الدكتوره عليك لين الاسبوع 37 قلت: انا اتابع اسبوعيا منسوب المويه وكانت كويسه لين ولدت قالت: لا لا اصلا من الناحية العلمية ماتجي قلت : يادكتوره انا كنت اتابع في ثلاث مستشفيات منها العسكري فقيه وكلهم نفس الكلام قالت: لا مو مويه ذي افرازات انا يوم شفت اصرارها الغبي والا لازم تطلع صح وكل الدكاتره غلطانين وانا ياصاحبة الشأن كأني بقرة مااميز بين الافرازات والمويات سكت صراحه لاني مو محتاجه اثبات منها المهم ماطمنتني ولا قالت لي نتيجة تحاليلي قالت وش نوع الحديد اللي تاخذينه قلت مااعرف اسمه قالت اللي علبته خضرا قلت لا علبته اصفر واحمر قالت الحديد 10 ونص خذي حبتين في اليوم المهم جيت اقولها عن الالم اللي معي والطلق اللي جاني طنشتني وسألتني كم سؤال وقالت لازم تسوين تحليل سكر المهم قالت الممرضه بعد اسبوعين احط لها ؟ قالت الدكتوره لا خليه قريب بعد كم يوم لان احتمال تولد الاسبوع الجاي ؟؟؟؟؟ وقالت خلاص روحي ضبطي مواعيدك بكل برود لا تجاوب على اسئلتي ولا تعلمني على اي اساس تقول بولد الاسبوع الجاي طلعت قلت في نفسي انطمي لين يجي موعدك مع طبيبتي في المستوصف وطلعت اخذت المواعيد وبسحب عليهم مابروح موعد السكر يبون يشربوني جلوكوز ويرفعون سكري قبل الولادة انا عارفه نفسي الحمد لله وماني محتاجه تحليل الجلوكوز وسلامتكم طولت عليكم :)

(( الحلقة الثانية من زيارة العسكري في الرياض )) طبعا اول دخول لي عند طبيبة النساء...