انا اليوم جايبة حلا روعة و خفيف لا بعد شكله راقي
والاحلى من جذية ما يريدله وقت:
اول شي الصور عشان تتحمسون:
والحين المقادير و الطريقة:
المقادير عبارة عن شرايح عجينة السمبوسة
قطر
خلطة الجبن
( عبارة عن 1 ملعقة حبن المراعي السائل و 3 ملاعق حليب مكثف )
مكسرات للزينة
الطريقة:
ناخذ يا حبايبي شريحة السمبوسة و نقصها من النص
ومن كل شريحة قصيناها نقطع حوالي 1 سم حق الشريطة الي راح انلفها على الفيونكا
ناخذ الشريحة ونطبقها مثل المروحة
بعدين نمسكها من طرف ونلف الشريط عليها و نلصقة بالحليب او عجينة الطحين و الماء
وبعدين نقلاها في الزيت الحار
انخليها حوالي 1 دقيقة على كل جنب
وبعد ما نطلها من الزيت انحطها على ورق عشان يمتص الزيت
وبعدين انخليها في القطر
واخر شي لكم الحرية في الديكور
اتمنى انها تعجبكم
ويالله كثروا من الدعوات الحلوة
بس يسلمو على كل حال :)