m-princess :

أملي كبير.. شوفي تجربتي وان شاء الله تستفيدين منها أنا كنت أعاني من الامساك وكان همي كل يوم اني ادخل الحمام مرتاحه والحمدلله ارتحت بفضل من الله طبعا أنا حاطه علبه فازلين وقفازات في الحمام علشان اذا كان فيه امساك ادهن المنطقه جوا وبرا وارتاح بدل ما ادفع يصير ينزل من نفسه لان الدفع أكبر خطأ لأي حرمه لأنه ينزل الأرحام وطبعا انتبه يجي من الفازلين قدام عند المهبل فأمسح الزايد بمناديل ديتول المعقمه بس عن فتحة الشرج ما امسح بها المهبل أبدا (لازم أتكلم بصراحة علشان المعلومه توصل صح) أولا غيرت نوع حبوب الحديد والفايتمينز اللي كنت اخذه كنت استخدم حديد اللي لونها أحمر من الحكومه والله لايوريك امساك فظيع مآآره حتى مع الملين مافي فايده كان الامساك زي الحجر احس فيه ببطني ومتعب القولون وجاب لي جرح في الشرج وبواسير المهم وقفته هو والفايتمنز اللي كانت ماتيرنا كمان تسبب لي امساك وجلست من الشهر 2 لنص الشهر6 ع ملين بالليل اسمه أجيولاكس وبرتقال فريش أو أي فاكهة ع الريق وشوربه شوفان ومبتعدة عن الرز بدون ما اخذ لا حديد ولا فايتمنز وكان هذا غلط طبعا لين صارت تجيني دوخة من قلة الحديد فرجعت للماتيرنا بس صرت مع الملين بالليل كمان ملين بالصباح اسمه بيني فايبر غير الخضار والفواكه لين نص السابع قال لي الدكتور لا تستخدمي ملين لأنه يتعود جسمك عليه وتموت أعصاب الامعاء اعوذ بالله ويصير لازم ملينات أقوى وأقوى قلت بس الحديد والفايتمنز يسبب لي امساك قال خذي هذا النوع ممتاز مايسبب امساك اسمه فيروجلوبين feroglobin‏ عباره عن حديد وفيتامين ب وزنك وفوليك ونحاس للحوامل والمرضعات ولتساقط الشعر وفعلا وقفت الماتيرنا وصرت اخذ هذا الدوا بس مع نظام ملينات طبيعي كالتالي: طبعا كل ماجعت أكل نوع أو اثنين من الفاكهة تفاح برتقال موز كيوي+عنب <خطيرات للامساك والدكتورة قالت لي أي نوع فاكهة تحبيه أكثر كولي منه ع طول الوقت.. نجي للوجبات: ع الريق بعد صلاة الفجر 7تمرات + عصير فريش برتقال تفاح أي شي + كوب مويه عادية مو بارده +الفطور العادي وأرجع أنام اقوم الظهر قبل الغداء لازززم كوب موية عادية+ تفاحه+ 2طماطم+خياره +الغدا رز ودجاج او لحم او اللي يكون العشا آخذ الحبوب في نص الأكل وأشرب بعدها عصير فيتامين سي اي عصير برتقال تفاح اي شي سواء فريش أو معلب زي نادك أو المراعي لأنها الأفضل بالنسبه لي هذا غير شرب الموية بكثره مو بس لما أعطش يعني باختصار أكل الفاكهة والخضار قبل الوجبه مو بعدها زي ماحنا فاهمين غلط والحمدلله رب العالمين صرت اروح الحمام مرتين باليوم وبدووون مشاكل ماشاء الله والحمدلله وطبعا أكتشفت ان هذا النظام موجود وحنا غافلين عنه في القرآن الكريم والسنة الشريفه: (وفاكهة مما يتخيرون ولحم طير مما يشتهون) الواقعة (وأمددناهم بفاكهة ولحم طير مما يشتهون) الطور قدم الله عزوجل الفاكهة قبل اللحم وقال النبي صلى الله عليه وسلم: (إذا أفطر أحدكم فليفطر على تمر فإنه بركه فإنه بركه ) رواه الترمذي طبعا التسمية قبل الأكل والشكر بعده الحمدلله الذي أطعم وسقى وسوغه وجعل له مخرجا فسبحان الله ...

أملي كبير.. شوفي تجربتي وان شاء الله تستفيدين منها أنا كنت أعاني من الامساك وكان همي كل يوم اني...