بسم الله الرحمن الرحيم
هذي قصة اخذتها من امي صراحه فيها عبرة خصوصا للاخوات اللي ازواجهم معقدينهم من ناحية الشكل او الطبخ او التعامل
القصة ياطويلات العمر
فيه وحدة جميلة مرة:27: تزوجت واحد عادي وكانت تحبه وهو يحبها
خلينا نسميهم ام سعد اوابو سعد
المهم
وكانت وين ماراح وين ما جاء يسمع كلام الناس عن زينها وجمالها
وهي فرحانه بمدح الناس لها:icon28:
وكانت مرة جالسة معه ولاحظت انه ما قد مدح جمالها
قالت له ابو سعد وش رايك فيني
قال انتي حلوة بس خشمك كبير:01: مخربك شوي الحرمة خذت على خاطرها ولاعاد صارت تفرح بنفسها عند الناس زي اول
وكل يوم تناظر في ذا الخشم هو كبير والا لا:01:
المهم مرت الايام والسنين وعايشه هي وزوجها احلى عيشة ولازالت عقدة الخشم الكبير ملازمتها
وفي يوم من الايام
توفى زوجها ابو سعد:06::icon36:
وجلست تصيح تصيح وتذكر محاسنه عند الناس وفجأه جاها ابليس:30: وقال نسيت يوم انه يقول ان خشمك كبير
وكان ذيك الساعه بجنبها زوجة ابو ناصر صديقة الحميم مرة اللي مايخبي عنه شي :39:
وقالت ام سعد لام ناصر ابو سعد الله يرحمه ماقد حسني بكلمه الا اذكر اول سنة من زواجنا قال لي ان خشمك كبير
عاد ماشاء الله الحريم مايسمعون سالفه الا وينشرونها وام ناصر الظاهر انها خايفة ان ابو ناصر ياخذ ام سعد عقب مامات ابو سعد
راحت لزوجها وقالت له شفت ام سعد تقول ان زوجها الله يرحمه كان يعايرها ان خشمها كبير>> (يقالها تذمها يعني وش تبي فيها لو فكرت تاخذها)
قام وضحك ابو ناصر ;)وقال يووووووووووه ذكرتيني بسالفه قديمه
هذي الله يسلمك اول ماتزوجها ابو سعد كان يسمع مدح الناس فيها وفي جمالها ولاحظ انها مستانسه وبدت تشوف نفسه عليه
فهو جاء في باله فكره انه يحطمها عشان ماتشوف نفسها عليه وقال لها انت حلوة بس خشمك كبير (وهو مو كبير اصلا ) وبالفعل نجحت خطته وراح غرورها:booo:
المهم راحت ام ناصر وقالت لام سعد وقالت لها عشان تحلل زوجها وتبيحه
وش رايكم بالقصة
مو الحين نلاحظ ان فيه بنات يشكون من ازواجهم ومن تحطيمهم
الحين اقولهم عرفتوا السر من ابو ناصر
(الرزان) @alrzan_4
محررة ماسية
يلزم عليك تسجيل الدخول أولًا لكتابة تعليق.
vip151
•
ههههههههههههههههههههههههههه قصه حلوه تسلمين عليها وصج على قولت أبوي الله يرحمه اللي يحبه يذمك
الصفحة الأخيرة