السلام عليكم..
كيف حال صبايا استراليا؟!! ان شااءلله بخير..
انا ان شاءالله بجي استراليا رحله عمل مع زوجي وممكن تكون من شهرين واكثر..
لذا طبعا حبيت اسألكم كم سؤال...واتمنى الاجابه عليها لو طولت عليكم وثقلت.. بتقولون ارجعي اقري الكلام اللي قبل بقول بديت فيه ومليت
اولا :بالنسبه للحجاب عارفه عبايات ملونه وشغلات زي كذا..بس مااعرف وش الموديلات اللي هناك..
ياليت وحده تصور لي حجاباتها..لاني بصراحه ابد مو مقتنعه(عيت تخش مزاجي) شفت اللي بالمحلات هنا في الرياض..
تفته وشغلات حست انها غباء!!مع احترامي الاقمشه حساسه مره بالنسبه للنظافه وشكلها غلط بعد!!
اذا فيه قماش حلو تنصحوني فيه ياليت تقولون لي عنه..وكيف شكل عبايه الجينز؟؟قريت فاحد المواضيع عنها هل هي دارجه للحين؟؟حسيت انها ممكن تناسب لاني معي بنت رضيعه وتحوسني الله يصلحها...
ثانيا: ابغى اسأل عن حليب الاطفال والشغلات هذي هل نفسها اللي عندنا تكون هناك متوفره؟خصوصا نوع بريميم كير(مره بنتي مرتاحه عليه)
لان معي بنتي رضيعه..وشايله هم حليبها,,وهل فيه امكانيه اشحن معي لها اللي يكفيها هل المده اللي بجلسها تقريبا؟
لاني سمعت انه حاليا ممنوع شحن الاكل والشغلات هذي..بس ماتأكدت من الخبر..
ثالثا:الاكل برضو فيه امكانيه شحن؟او لا؟
رابعا:الاجوااااااااااااااااااااااااء كيف؟؟؟؟هالوقت؟برد حر؟اذا برد وش اللبس؟اخذ شتوي ثقيل او لا؟لانهم قالو على قباليه شتاء فمااعرف كيف البردد هناك وانا رايحه للعاصمه هناك..
وبالنسبه لي اذا برد مره..كيف تلبسو البالطوات مع العبايات؟!!
او بس تكتفو فيها..لاني افضل تكون عباايه اريح نفسيا قد جربت بطالو في سفراتي كذا مره وماارتحت لها ورجعت للعبايه ..
ومررره اسفه لاني كثرت الاسئله واذا تذكرت برجع اسال..
السلام عليكم..
كيف حال صبايا استراليا؟!! ان شااءلله بخير..
انا ان شاءالله بجي استراليا رحله...
اشتهيتها يابيسو
الله يعطيك العافيه ياشيف بيسو
وان كان عالخضره انا مره اموت في الطبيعه<<<ماحد طلب رايك
بس تبغي الصراحه على قد ماسمعت في القولد كوست برضو اسمع ان ملبورن احلى<<بتنجلد منك
تعالي وجربي روحي حوالين ملبورن زي جبال الداندونج ولا فيليب ايلاند ولا البفينق بيلي وقريت اوشين كلها مناطق فيها طبيعه ومناظر ترد الروح والله
لكن ملبورن نفسها ماعجبتني خخخخخخخخخخ
ماعجبني غير الحدائق والمساحات الخضراء المرزوعه في ضواحيها وكمان نهر يارا
بس برضو كل واحد وذوقه ناس تحب ناطحات السحاب وناس تحب البيوت الريفيه<<مثلي
بس الله يعز بلدنا ماقدر اعيبها ابدا فيها خير الحمدلله يغطي عسلبياتها ..صح عندنا صحاري وجو جاف بس الحمدلله احنا في نعمه ادخل اشتري ولا اطالع حلال ولا لا لاني عارفه انا في دولة مسلمه وان كان عالطبيعه راضيين بالبحر وشوية خضرة مع شوية هواء يرد الروح <<<كأني بطلب طلبيه
الله يرزقنا كل مانتمنى في جنة عرضها السموات والارض
ويكفيني فخرا ان البيت الحرام والمسجد النبوي على هذه الارض المباركة أدامها الله وحماها<<<حسيت اني ابغى اتكلم فصحى كأني في مؤتمر ولا حفل اليوم الوطني