هذي وصفه سويتها على طريقة مامي وطلعت يمييييييييي وربي ماعلمني الطبخ غيرها ادعولها يابنات بطولة العمر الله يخليها لي الشيف مامي :cook:
المقادير:
كما في الصوره (حبه بطاطس + حبة طماطم + بصله + 2 فص ثوم + حبه فلفل اخضر)
كما في الصوره (ملعقة صغيره فلفل احمر بودره + ملعقه كبيره تومريك وهذي صورته مدري ايش اسمه بالعربي + 3 حبات ماجي صغيره بس اللي بالسعوديه ممكن يستخدمو كرتونة ماجي كفايه + فلفل ناشف احمر نص ملعقه)
صورة التومريك البودره الصفرا اللي بالمقادير
واللحمه مقطعه شرايح رفيعه كما في الصوره
وهنا حبة البطاطس قطعناها شرايح طويله عشان نقليها
والشباتي طبعا صورته بعد ماسويته ونسيت اصور لكم الكيسه حقته لان انا اشتريه جاهز الخبز ومثلج كعجين وانا اسويه بالمقلاه ماياخذ وقت وحلو مره..
الطريقة:
1-نفرم البصل بالفرامه لين يصير ناعم
2-نقطع الطماطم مكعبات
3-نبشر الثوم بشر ناعم او ندقه دق ناعم
4-نقطع الفلفل الاخضر الى شرائح صغيره جداً
5-نضع ماسبق في المقلاه بعد ان نضيف عليها قليل من الزيت
6-نضيف اللحمه والبهارات ونحركهم حتى يستوو
7-انا بصراحه اضفت مويه عليها عشان تستوي بس قليل المويه عشان تصير اللحمه مقلقله احلى واطعم كشاورما..
8-لما تقرب اللحمه تستوي نكون مقطعين البطاطس شرايح ونقليها ونخليها ع جنب
طبعا اكون مجهزه كاتشب + طحينه + شطة تباسكو واخلطهم مع بعض عشان يصيرو صوص
نتابع الطريقه اكون مجهزه الشباتي العدد المطلوب وادهنه بالطحينه + الكتشب +التباسكو واضيف الشاورما والبطاطس المقليه والف الشباتي
وبالهناااء
وهذي صورتها بعد ماخلصتها وسوري مافتكرت اصورها غير بالاخير يوم حطيت العشا لي ولزوجي :)
وبالاخير لكم مني ارق تحيه واعذب سلام يا احلى حوائيات..
وياريت اشوف ردودكم وتجربوها صدقوني بتعجبكم
تحيه طيبه واي سؤال انا حاضره واعتذر لو التصوير رديء لانه بجوالي والف سلام لكم
أحبكم :39:
تحيه وياريت يعجبكم الطبق