بسم الله الرحمن الرحيم
سلااااااااااااااااااااااااام بنات هذي اول مشاركه لي بمنتدى الطبخ وانا دااايم اقرا لكم ولمواضيعكم واجرب كل شي الحمدلله بما اني عروسه نجحت اتقن بعض الاكلات بس صار لي مشكله
ههههههههههههه ما اتذكر التصوير غير في اخر لحظه ويكون التصوير فاشل مدري ليش
جربت الكاميرا الجوال كلششششششش مافي فايده
ع العموم احب اشكر كل العضواااات بلا استثناء لاني استفدت منهم كثير
وطبخاتي اغلبها من المنتدى مع بعض التعديلات عشان كذا لا يزعلون اللي ما اذكر اسمائهم لاني وربي ما اتذكر الا قليييييييل جدا وعادة يكونو بالحلى..
:: فاصل ::
مره تعرفون حلى مرة الدب المملوح الحلى الفاخر عاد كتبت طريقته ع ورقه وعلقتها بالثلاجه الا زوجي يدخل المطبخ ويقرا حلى مـ مرة لا مرت ههههههه مرة الدب المملوح
ويفقع ضحك
قال انتو الحريم عجيبات وش هذا الحلى
قلت لاااااااااااا بس اسم العضوه الله يجزاها بالخير كذاااا
عاد معجبه الاسم هههههههههه يوم اروح لامي ومعاي الحلى يقول لها عمه لا يفوتك حلى مرة الدب المملوح هههههههه
صرتي مشهوره انتي ودبك :)
نعوووود
عزمت صديقاتي المقربات مره بالجامعه نمون ع بعض واختي وكان العشاء هذا خفيف جدا بس الحمدلله شبعناااا لانها طعمه السلطات والمقبلات..
والحلى كان كفايه بس خساره ماصورته!!:44:
اول شي سلطة المكرونة بالجزر
المقادير:
مكرونة اصداف او اي شكل ثاني المهم تكون صغيره
6 ملاعق مايونيز
ملعقتين من صوص الكول سلو وممكن تستخدمين الرانش
5 ملاعق زبادي وهذا سر الطعم
نص ملعقه ثوم بودره او ثوم طازج مبشور انا استخدمت ثوم طازج
كوب جزر مبشور
ملح
كمون
فلفل احمر بودره
ملعقه كبيره زيت زيتون
الطريقه:
اسلقي المكرونة في ملح وماء وشوي زيت
بعد كذا تحطيه بصينيه وتضيفي عليه الجزر وباقي المقادير
تحركيها جيداااا وتضعيها في الثلاجه
وبالهناء والشفاء وهذي صورة الطبق سوري ماصورتها غير قبل التقديم لأن انكسفت اصورها وسط الناس بعد التزيين وكانت عزيمه بس يلا المرات الجايه احلى اطباق لعيونكم
وهذا رابط لصورة أكبر
ملاحظه: ماما كانت تضيف عليها بليله + ذره وتطلع طعمه موووووووووووووووت
ثاني شي سلطة الباذنجان المذهله
(احبهاااااااااااااااااااااااااا ومره طعمه ماينشبع منها)
المقادير:
علبتين زبادي
حبتين باذنجان مقطعه مكعبات
حبتين بطاطس مقطعه مكعبات
4 فصوص ثوم مبشوووره
كزبره مفرومه فرم ناعم
ملح
ليمون
كمون
فلفل احمر
ملعقه طحينيه انا استخدمت النخله
خبز مقطع مكعبات ومقلي
الطريقه:
نقلي الباذنجان والبطاطس
وبعدها نخلط المقادير السايله وهي الزبادي والطحينه ونضيف لها الثوم والملح والكمون وفلفل احمر بودره والكزبره المفرومه ونبقي منها شوي لتزيين الوجه
نرص الباذنجان والبطاطس في الصينيه ونضيف لها الصوص نغطي جميع اجزائها وبعدين نزيينها بالخبز المقلي والكزبره ونقطع حلقات طماطم ع الوجه
وهذي صورة الطبق
وهنا صورة أكبر للطبق
وبالهناء والشفااااء
ثالث شي سلطة خضرا بالفول الاحمر والذره
المقادير:
خس مقطع
طماطم (استخدمت بيبي طماطم)
جزر مبشور
خيار مقطع حلقات رقيقه
نصف علبة فول احمر
نصف علبة ذره
ملح – كمون- فلفل اسود- زيت زيتون- زعتر – فلفل احمر – ليمون
الطريقه:
قطعي السلطه واضيفي لها المكونات وحركيها جيدا بدون الذره والفول
رشي الذره والفول ع الوجه وقطعي حلقات ليمون للتزيين
وهذي صورة الطبق
وبالعاااااااافيه على قلوبكم
وآخر شي وليس بآخر فتة الحمص السوريه (امووووووت عليها)
المقادير:
خبز ابيض مقطع مربعات
علبه بليله جاهزه
علبة زبادي
4 ملاعق طحينه سايله
4 فصوص ثوم مطحون
فنجان ليمون
كمون
ملح
الطريقه:
اسلقي البليله لمدة 5 دقايق ويكون فيها مويه شووي عشان ماتصير الفته ناشفه لأن الخبز يمتص المويه
وبعدين ضيفي لها الطحينه السايله وحركي باستمرار عشان ما تتقطع
وبعدين ضيفي الزبادي واستمري بالتحريك باتجاه واحد عشان مايفرط اللبن معاكي
بعد كذا نضيف الثوم والملح والكمون والليمون ونستمر في التحريك
آخر شي نضيف الخبز ونستمر بالتحريك شوي لحد ماتتمتزج المكونات
نحطها وقت التقديم في الصينيه ونضيف لها صنوبر مقلي اذا توفر وبقدونس مفروم وفلفل احمر بودره
وهذي صورة الطبق بس ما اضفت الصنوبر لعدم توفره
وهذي صورة أكبر للطبق
وبالهنااااااااااااااااء
ياريت اشوف تعليقاتكم ع شغلي المتواضع