بنات كل وحدة تقولنا وش نظام أكلها بالنفاس
وش الأدوية اللي تستخدمهالنفاسها
يالله ياحلوات خلنا نعرف نظام كل وحدة فينا
بنات كل وحدة تقولنا وش نظام أكلها بالنفاس
وش الأدوية اللي تستخدمهالنفاسها
يالله ياحلوات خلنا...
مع سبع حبات حبة سوداء أحاول أطحنها بأسناني ماأبلعها على طول
فترة العصر أشرب أعشاب عباره عن قشر قهوه وشمر وزنجبيل وقرنفل وكمون وقرفه ونانخه
خالطتها بمقادير متساويه ماعدا الزنجبيل والقرنفل أقل طبعاً أنا خليتهم سوا لأن تسبدي لها قاع ماقدر كل شوي أشرب شي أحط شوي منها في ترمس صغير مع سكر نبات وخليها نص ساعه بعدها أشربها طبعاً يابنات مطحونه وقشر القهوه محموس قبل الطحن
هالخلطه أستخدمها النفاس كله وقت العصر ولا المغرب على حسب الفضوه
والمره أشربها كل ثلاث أيام مقدار فنجان
وأتوضا بأرطى تبع عطارة بن حسين مخلوط معه قشر رمان وملح ومدري أيش بس روعه وبعد أتوضى بمره مع الملح
العشرين الأخيره أبتدي أسوي تمره معبوطه بزبده أو سمن وأضيف لها ملعقه صغيره رشاد مره في اليوم والعشر الأخيره أركز على لهم الرشاد ملعقه صغيره مره في اليوم
وعلى فكره أنا أولد في بيتي فأحتاج نظام بسيط ومفيد والنتيجه الحمد لله مبهره
في فترة النفاس لابد من العصيده يومياً أنا أسويها وحطها في بوادي صغار معدن تكفي خمس أو ست أيام ماتخرب في الثلاجه في البروده العاليه والصباح أسخنها وأضيف لها زبده أو سمن وفلفل أسود الطريقه هذي مريحه ومفيده جداً لأنها عباره عن بر وتمر أفضل من المراصيع كثرتها تنفخ البطن أنا أحيانًا أخليها عشى بعد وأذا قفلت معي وصرت جايعه ولاعندي وقت آكل شي صحي أسوي كأس حليب وأصبه على قرصان هذا كورن فليكس حق النفاس يفك أزمه الشي الثاني أنا مايحصل لي عصير طازج وهو معروف زين للدم والبشره عشان كذا أشرب عصير المراعي العوض ولا القطيعه
ويستحسن توفرين عندك كليجا وقرص عمر وبيتي فور تمر
كلها تسد وقت الجوع وأفضل من حلا الحريم وفطايرهم
والشوربه البيضاء سهله ومغذيه طريقتها مويه مغليه تبشرين عليها جزر وكوسا وتضيفين عدس منقوع وبعدها شوربة شوفان إذا أستوت أضيفي لها حليب سايل وشوية ملح وكمون وفلفل وبعضهم يحطون معها ماش تراها سهله وسريعه بس يابنات هذا اللي عندي إذا ذكرت شي بقوله إن شاء الله ) وحده ريضه :27:
أيه والحلبه جربتها أربعين يوم تجنن لارطوبه ولاخرابيط هاللي يقولون روعه من كل النواحي
على فكره يابنات في العشر الأيام الأخيره أسوي كبو قشر بصل ومره وخوا جوا ومحلب أن ماكنت واهمه بس مرتين أو ثلاث ولاحظوا يابنات تراي ماألهم إلا رشاد العشر الأيام الأخيره وتحاميل البوثيل أحرص عليها آخر النفاس رهيبه تسحب المويات وباقيا النفاس