شمووووووووخه
كيفك؟؟
ايش هو المنتج اللي تقولي عنه ؟؟

صباح الخير

كيفكم كروشات

دندووووش طلي هلي يا قمر الزماااااااااااان <<<<<

صباح الخير صبايا

آسفة تأخرت عليكم .. و ما شفت شي من اللي راح عليّ..

رحت مبارح على الدكتورة ومجرد ما حطت الجهاز على طول قالت لي انه ولد .. وقالت لي اموره تمام بس المية اللي حواليه كتيرة بزيادة
المهم قالت لي لو المية بقيت كتيرة بعد اسبوعين لازم تعملي فحص رباعي نتطمن على الجنين

طبعا طلعت من عندها و قررت اعمل الرباعي لاني ما رح اقدر استنى اسبوعين

رحت على استشاري ومتخصص و عمل لي الفحص .. اول كلمة قال لي انه ولد .. وانا مش مهتمة بصراحة لاني خايفة
حكالي المية هاي بتعمل تشوهات في المعدة لكن تأكد انها سليمة الحمد لله

بس مع الفحص بيّن معه كيسين ماء في دماغ الجنين .. قال لي انه في احتمال كبير انهم يروحوا لحالهم خلال 4-5 أسابيع ولازم نعيد الفحص نتطمن

ما فهمت شو مخاطره لو لا سمح الله ما راح .. عرفت منه انه الاكياس بتضغط على قنوات السائل الدماغي بس يعني ما عرفت شو هالحكي معناه فعلياً .. سألته عن كذا شغلة وضل يحكي لي انت بس ليه بتسبقي الاحداث توكلي على الله و تفاءلي انهم يروحوا وخلص ..

بصراحة ما زعلت او بكيت ابدا لكن طول الوقت عم افكر لو لا سمح الله انولد والكيس في الدماغ موجود شو ممكن يعمل .. ما بدي أدور في غوغل و اشوش أفكاري ابدا ..
قررت أضل ادعي واوصي الكل يدعي لي انه الموعد الجاي تكون الاكياس اختفت من ربنا هيك .. وطبعا الصدقة أكيد .. وباذن الله بعد الفحص بنشوف شو بيصير ..

الشغلة التانية انه المية الكتيرة حوالين الجنين ممكن يكون معناها سكري حمل عندي .. أو خلل في الكلى او ما بعرف ايش كمان .. المهم انه في تحاليل دم رح اعملها اليوم و اشوف شو بيصير

عموما انا ما عندي مشكلة لو سكري لو ضغط مو مهم ... بس بدي تدعوا لي يروحو الاكياس اللي في الدماغ هاد اهم شي ..

صحيح شفنا وجهه بالسونار الرباعي و سبحان الله فيه شبه كبير من جنى وزيد .. مع انه لسه مو كتير واضح بس الملامح مبينة نوعا ما ..

طبعا هاي المية الكتيرة سبب حركته اللي طووول الوقت ما عم تهدا .. و كمان سبب انه بطني كبر كتير فجأة ..

سمعت انه السوائل لو بقيت كتيرة لازم يسحبوها .. حدا عنده فكرة عن هالحكي ؟