مساء الخير للجميع
كيفكم أن شاء الله بصحه وسلامه
أشتقت لكم كلكم ياغوالي بس العائلة الكريمة مريضة هالأيام
وأنشغلت عنكم والحمد لله على كل حال شتاء + مرض + حمل + مرض الأبناء + دوام = حاله نفسية الله يبدلها بالراحه والسعادة والصحه الدائمة :44:

مساااااااء الخير ..

الف مبروووووووك التجمع الجديد وعقباااااااااال الولاده ياارب وحنا وبيبياتنا بصحه وعافيه

دودي مبروك البنوته وربي يحفظها وتشوفيها بحضنك يارب


شموخ حبيبتي لا تزعلي نفسك عشان شي ما يسوى

انا اشوف من كلامك انه باقي لزوجك سنه الين يتوظف وبعد مايتوظف بيتزوج

طيب يعني عندك فتره كافيه لتشغيل كيد الحريم

شوفي ياقلبي للمعلوميه ((ترى اغلب الرجال هذا اذا ماكان كلهم يقولون نبي نتزوج وليت عندي حرمه ثانيه )) بس مو كلهم صادقين اوقات يكون كلامه لغرض في باله ومايكون له اي علاقه انه فعلا بيتزوج

لكن واضح من كلامك انك متأكده فهنا جاء دورك

اول شي انتي حامل اهتمي بنفسك وبصحتك واهلكيه طلبات (ابي اكله معينه __ابي مقاضي للبيت دجاج لحمه الخ الخ __ابي سوق اجهز للبيبي __ابي مستشفى خاص لان هالمستشفى بعيده مواعيده ومن حقي كأم وكأنسانه اني احافظ على صحتي وصحة جنيني __ ابي ملابس لي كرشتي كبرت هع هع __ ابي اغراض لبنتك البنت تبكي تبي لها لعبه مثل البنات الي بعمرها __)) اعطيتك امثله على كيف تهلكينه طلبات طبعا الغرض من هالشي ابيك تحسسينه انه البيت له مسؤوليه وله طلبات وانه يالله يقدر على بيت واحد كيف بيفتح بيت ثاني ويبي عيال كثير وهو وحده ماقدر على طلباتها واحتياجاتها


والشي الثاني ابيك تتغيرين تهتمي بنفسك كإمراء تحددي جدول للطبخك والتنظيف ووقت لتدليع نفسك ووقت لترفيه

والشي الثالث تهتمي فيه كزوج وتدلعيه وتتدلعي عليه البسي وتكشخي وخليه يتولع ببنته قولي اليوم تصيح ويوم جيت سكتت يالله بنتك مره متعلقه فيك عساك ماتفارقها ولا لحظه الله يخليكم لبعض ومن هالكلام الي يجننه هع هع

واخر شي لا عاد تجيبين طاري زواجه الثاني خليه ينشغل فيك وفي بنتك وفي الي جاي بالطريق عيشي بعالمكم انتم

اشغليه اشغليه كل يوم سوي شي يشغل وقته


وانا اوعدك اني ما انساك من دعواتي ولو حابه مساعده لا يردك الا الكيبورد هههههه

وعليك باللدعااااااااء وبالذات في السجود وفي القيام

يارب تسخر قلب زوجك لك ياااارب

ياقلبي إنتي أنا أقترح إن كل أسبوع تمسكه وحده وأنا أول وحده تمسكه إلى يوم الجمعه الجاي وبعدين تجي

عضوه بعدي وبروح ألحين أرجع لصفحات عشان البنات إلي يحتاجون إضافات


أخباركم صبايا إيش مسوين
أنا الحمدلله بخير وموعدي يوم الإثنين مرررره متحمسه عشان أشوف جنس الجنين

مساء الخير ،،

أخباركم عساكم بخير ،،
مبروك التجمع الجديد عساه تجمع خير وبركه يارب ،،

بنات وش رايكم بالزنجبيل زين للحامل ولا لا ،، تعرفون الحين وقت شتاء ونحتاج شيء يدفينا
وانا أحب الحليب بالزنجبيل سويت سيرش وسألت عمنا قوقل ولقيت ناس يقولون مضر وناس يقولون مايضرش
وش راي ذوات الخبر فديتهم ،،
*********
رأي !!
ماله داعي ينحذفون البنات الي سجلوا بها التجمع ومشاركاتهم قليله
مع أحترامي الواحد يراعي ضروف الناس !!
الشيء الثاني اي وحده تبغى تضيف نفسها لها التجمع ترسل للي ماسكه الملف
عقب تنضاف لتجمع اذا انفتح من جديد او ترسل اختنا هدى او أي وحده تمسك التجمع الجديد للمشرفه وتسوي تعديل لصفحة الأول
اما تنحذف وش تحسون به ترى ماهو وظيفه رسمي !!
رأي لايفسد للود قضيه >> أحلفي