الثقيلة1406 :

مساء الخير اخباركم برد على البنات الي متذكرة ردورده لجين الف سلامه على بنتك وتقوم بسلامه مير ميد سلامتك وحافظي على الحميه وتكون فيها كل شي من خضار وفواكه نظر عيني اسم تالا حلو بس احسه يصلح على اهل سوريا ولبنان وهذيك المناطق لان تعرفين احنى الحريم نعرف ندلع ونادي الاسم صح بس تخيلي رجال ينادي الاسم والله يخربه ويطلع غبي ولا يعرفون يدلعون ولا شي ههههههههه وعاد انتي بكيفك شوفي الي يريحك ام سلمى لا الجو بارد هذي الايام الله يخفف علينا معليش يابنات اعذروني ماتذكرت غير ذولي المهم اخباري امس كنت في احسن نوم شوي يجي ولدي الكبير فيصل وينادي ماما قويم سلطان كله دم واسع جدته تنادي بعد هي من تحت واخو زوجي طلع فوق يقول لزوج قوم ود ولدك المستشفى خلص دمه واقوم ركض واروح اشوف الحوش كله مسبح دم وراس سلطان مفتوح من عند جبهته فوق خشمه الله ستر على عيونه واقول له وش فيكم مين طيحك قال احمد وهو يبكي وجدته ماسكه راسه والحمد لله وقف الدم ونزل ابوه وراح المستشفى وسوا له اربع غرز والحين مربط على راسه ومسكين احمد من كثر الخوف راح نام قلت له ماراح نسوي لك شي قال لا بنام قلت له نام بكيفك وكيف طاح لعبو في الحوش وخلاص بيطلعون فوق وتعرفون الاطفال الله يهديهم كل واحد بيطلع قبل وبغلط دفه وطاح على حافة الدرج واليوم احسن وقام يضحك ويلعب وانا كل اموري تمام بس طفشت كل مااجي بنام تقوم الحلوه وترافس وتلعب الى مايروح النوم ويطير وتنام وانا اجلس صاحيه على هذي الحال كل يوم وباقي لي خمس ايام وادخل السابع الله يسهل علينا يارب

مساء الخير اخباركم برد على البنات الي متذكرة ردورده لجين الف سلامه على بنتك وتقوم بسلامه مير...