Dandosh :

مسا الخيرات جميعا ً... طار الكلام كله من راسي بعد ردك يا أحلام أم ... و الله بعرف القلق بيسوي كتير بس بالله عليك لا تعيديها حرام عليك تركت اولادك وخوّفت زوجك وأهلك و تعبتي نفسيتك مش حرام هيك .... الله يسعدك يا رب توكلي على ربك وخلي إيمانك بربك هو اللي يسيطر على تفكيرك بدل مخاوف ما بتجيب الا الهم ... صدقي ما في احسن من الواحد يتوكل على الله ويترك كل شي لربه مهما زعلنا وعملنا وبكينا وتعبنا ما في غير اللي ربك كاتبه ... الحمد لله مرّت على خير ... أكيد انت حسيت انك تسرعتي بس والله انا من خوفي عليك بدي انبهك لا تتصرفي بعاطفتك وتنسي الجوانب العقلانية أبدا .. الحمد لله رب العالمين انك اطمأنيت و ربنا ما يضيع تعبك أو تعب اي وحدة منا .. ورجاء حار لا تزعلي من كلامي انا والله حطيت نفسي مكانك و انا فعلا لا زلت في مكانك و ما في دكتور طمنّي على البيبي و مع هيك الحمد لله نفسيتي طيبة وأهم شي صحتي ونفسيتي وسلامة اولادي و بعدها بفكّر في البيبي والله أعلم الاقي الاكياس لسه على الدماغ او لأ . والله أعلم ألاقي سبب مش كويس لزيادة المية حواليه أو لأ... بس طالما الزعل والمعرفة ما رح تغير شي خلص متوكلة على الله وما بايدنا الا الدعاء و ربنا باذن الله ما بيخيب من توكل عليه .. طولت كتير انا اسفة وعن جد سامحيني اذا كلامي زعّلك .. :26:

مسا الخيرات جميعا ً... طار الكلام كله من راسي بعد ردك يا أحلام أم ... و الله بعرف القلق بيسوي...