كوبونات الراقية تسجيل الدخول

أم حتوما
أم حتوما •
بنات السونار لاقدر الله لو مضر ماكان الدكاتره يسونه كلهم بلا استثناء
أمنية عمري
أمنية عمري •
تخيلوا يابناات أنا من حملت وكل يوم تطلع لي حبة في وجهي ..

وكل ماقمت الصبح بس اجلس اطالع وجهي وادور موقعها .. وحتى وجهي ورقبتي مسمممممرة ..

بعكس حملي ببنتي تماماً .. كنت محلووة ماشاء الله وخدودي منفخة .. والكل كان ملاحظ علي ..

حتى بعضهم يقولون ليتك ماتولدين عشانك سااااامنة ووجهك مليان ..

ورحت لدكتورة الجلدية وقالت مااقدر اعطيك اي شئ بسبب الحمل ..

والحبوب هاذي بسبب هرمون الحمل ..

قبل 5 أيام طلعت لي زي الورمة في رقبتي وبعد يومين طلعت لي ورمة فوقها وامس طلعت ورى أذني !!!

المهم قلت لزوجي عنها لانها تألمني إذا التفت ..

ويوم جاء من الدوام كنت واقفة جنبه ورفع يده انا قربت زيادة احسبه بيضمني ..

تفشلت الا هو يقرب وجهي ويطاالع فيه .. قال : ورى وجهك كذا ؟!! طالع فيه حبوب ..

قلت : من الحمل ؟؟

ويتمقل فيه زياااااادة ومولع لمات الغرفة كلها كأنها كشاف ويناظر

ويقول يوووووووووووووووووه وجهك طالع فيه حبوب ؟؟

كأني عايشة مع أبو الجيران يعني توه يلاحظ !!!

المهم .. وهو يغير ملابسه وهو يكرر نفس الكلمة .. قلت : ياخي من الحمل ؟

قال : لااااا وش معنى حملك الأول ماصار لك كذا ؟!! ودي اقوم وافلقه بشئ ..

قلت : كل حمل عن الثاني يتغير ؟؟

قال : بس ولو وجهك فيه حبووب عالجي ؟؟

قلت : يعني أنا ودي أنا ماعندي مشكلة ودني ..

قال : إنتِ فاضية .. المهم .. قام ويخربط .. وقام يدخل مواضيع مالها دخل ..ونفس طريقة كلامه زعلتني ..

انا مو ناقصة اللي فيني يكفيني .. أنا أصلاً ضايق صدري من الورمة اللي طلعت لي وضيق صدري بكلامه ..

ورحت حطيت له العشاء ورحت لغرفتي وجلست أصيييييييييييييح .. عجزت اسكت دموعي تنزل غصب عني ..

انا إنسانة حساسة وما احب احد يفشلني خاصة إن هالشئ مو بيدي ..

ولاول مرة من كثر الصياح نمت قبله ..

حتى بنتي جتني وشافتني منسدحة وشهقت : ماما نمتي ؟ وانا مارديت عليها .. لانها مستغربة انام الساعة 1 ..

ويوم جت الساعة 3 دخل هو ينام واقوم واطلع من الغرفة ..

وكنت ميييتة من الجوع ليتني تعشيت قبل لا يجي .. وأكلت ساندويتش جبن وعسل وكوب حليب ..

ودخلت التجمع هنا وجلست الين أذن وصليت ورحت انسدح عالكنب اللي جنب الغرفة ونمت ..

ويوم جت الساعة 9 إلا واشوفه واقف فوق راسي ويقومني .. قومي تبيني أوديك للدكتور عشان الورمة ؟؟

المهم .. لانه حس إنه جرحني بكلامه البارح قمت وترووشت ولبست ورحت ..

وكشف علي الدكتور قال : هاذي الغدد اللمفاوية عندك متسكرة وهي اللي سببت لك إنتفاخ ..

واحد قال تحتاجين عملية .. والثاني قال مضاد حيوي بيفيدك بس انتِ حامل وهو قوي ..

وقام هو ونط تكلم : يادكتور شف وجهها فيه حبوب ؟؟

بغيت اقوم واذبحه المفروض انا اللي اتكلم مو هو ..

المهم .. قال الدكتور ما اقدر اعطيها شئ حاليا عشان الحمل وكتب لي غسول للوجه ..

وكتب لي حبوب حقت الغدة .. وأنا والله محتارة استعمل هالحبوب وإلا لاا ؟؟

مع العلم يقول إنها ما تأثر عالبيبي ..ويوم طلعنا قال الدكتور ماعنده سالفة ؟؟

وشلون يكتب لك حبوب وإنتي حامل لاتستعملينها تسبب تشوهات ؟..

والحبوب اللي في وجهك أصلاً هاذي من الحمل ولاتستعملين لها شئ الين تولدين ..

قلت : ووين كلامك البارح مو تقول روحي عالجي ؟؟ وإلا بس تحب تجرح الناس ..

وسكت يعني هو عاارف بس ما ادري ليه يستهبل وهاذي السالفة كلها ..

والله بعض الأحيان اتمنى إني تجيني ولادة مبكرة بسم الله علي عشان اولد واعالج وجهي ..

بس الحمد لله .. والله لا يحرمنا من الذرية ..

طيب الحين وش رأيكم استعمل الحبوب اللي كتبها لي ؟؟
وخانوا العشره !
وخانوا العشره ! •
مبروك التجمع الجديد ان شاء الله تجمع خير للجميع

ومبروك للناجحات وربي يوفق اللي ينتطرون النتايج

امنيه ياقلبي الدكتور اللي رحتي له طبيب جلديه والا طبيب نساء؟

وربي لايضيع لك تعب ويتمم حملك بخير وتفرحين بضمة بادد :39:
انا مامر علي الغدد اللمفاويه بس الافضل استعمال العلاج باستشارة طبيبة النساء
لأنها تعرف أكثر عن اضرار الادوية وقدامك العافيه يارب
أمنية عمري
أمنية عمري •
وخانوا العشره ! وخانوا العشره ! :
مبروك التجمع الجديد ان شاء الله تجمع خير للجميع ومبروك للناجحات وربي يوفق اللي ينتطرون النتايج امنيه ياقلبي الدكتور اللي رحتي له طبيب جلديه والا طبيب نساء؟ وربي لايضيع لك تعب ويتمم حملك بخير وتفرحين بضمة بادد :39: انا مامر علي الغدد اللمفاويه بس الافضل استعمال العلاج باستشارة طبيبة النساء لأنها تعرف أكثر عن اضرار الادوية وقدامك العافيه يارب
مبروك التجمع الجديد ان شاء الله تجمع خير للجميع ومبروك للناجحات وربي يوفق اللي ينتطرون النتايج ...
هلا بك .. انا رحت لدكتور جراحة ورحت لدكتور جلدية وهو اللي كتب لي الحبوب ..

حتى رحت للدكتورة اللي اراجع عندها حملي وشافت الحبوب

وقالت : إن شاء الله ماتضر..

بس ما ادري وش فيني مااحب اكل ادوية وانا حامل .. :44:

وجزاك الله خير عالدعوة الحلوة ..
أمنية عمري
أمنية عمري •
غن اذنكم ابطلع ,, استودعتكم الله ,,