صباح الخير ..
سمعت شوي عن المظاهرات عالتلفزيون بس ما بتوقع أبدا تكون الأمور متل ما في بلاد تانية ... يمكن متل ما صار عنا ... مظاهرات بتطلب باصلاحات وشغلات عادية و الحكومة رخصت وسمحت لهم يطلعوا و الامور كانت الحمد لله مسيطر عليها تماماً... مو أي بلد بيصير فيها نفس الشي .. ربنا يحميكم ويديم عليكم نعمة الأمان والله انها أكبر نعمة بعد اللي شفناه في بلاد تانية ما في متل الأمن والصحة ربنا يتمم علينا و يديم هالنعمة ..
أم سلمى شاوررررما مسممة هههه متزكرة لما صارت قصتها بالأردن ... :) سلامتك الحمد لله اجت على هيك تنزكر ما تنعاد
كلي انوثة .. عن جد اجرام .. حزام كهرباء على البطن هههه ... بس انا عن جد بتضايق من صوته هاد تبع النبض ..
أخت تعبت اسمي .... مش معقول اخدتي من وقتك الثمين لتردي علي .. انا ما شفت الرد طبعا مو فاضية .. سكرتيرتي المتخصصة بالنت (غير تبعت المسجات والتلفونات) قالت لي انك رديتي علي هههههه
يسلموا ايديك وبشوف قصة حمادة الباهر بتعرفي الاجانب لما ينطقوا ما احلى نطقهم .... و جرين لاند كافيه موقعه - الكورنيش الشمالي، شمال جدة..
مبارح متت وانا أتحزر سوق القصمان مكتوبة بطريقة عجيبة :D
نوني الحلوة .. سلامات .. ممكن لما تاكلي سكريات تزيد المية شوي عندك (سكريات يعني حلو او خبز او رز)
التحاميل مزعجة :( بس لما تاخديها لازم تبقي نايمة على ضهرك عشان ما ترجع تنزل ..
محبة مكة لا تحطي شي عالبارد مو ناقصكم مرض ... فعلا يوم شوب ويوم برد الله يجيرنا من الأمراض ما عم يلحق الواحد يتحسن ..
ومبروك التجهيزات ان شاء الله النزلة الجاية بتتوفقي بكل شي ..
الياسمين .. حبيت مخدتك بدي منها :)
والله يجعل حلمك خير ... انا عن نفسي ما بأيد تفسير الأحلام الا ان كان الحلم واضح انه بشارة ... الله يجيب لك الخير يا رب
ما حد يفهمني .. يا حبيبتي الله يعين والله كلنا النفسية تعبانة مع الحمل بس المشكلة مو دايما في حدا يراعي .. و زوجي لو غاب 4 ساعات وما رد على التليفون اكيد بعمل افظع من هيك كمان ....
مرة صارت معي و انا اخدت سيارتي ورحت على مكان دوامه كانت الكهربا مقطوعة وتارك موبايله في مكتبه ونازل على المصنع .. وانا كنت اتصل على موبايله ما حدا بيرد و على تليفونات الشركة كلها ما حدا بيرد .. اول ما خطر ببالي انه المصنع احترق او صار فيه شي لانه كان كله مواد خطرة هههههه عن جد احنا الستات قلبنا رقييييق ... بعد ما يئست من الاتصال رحت عنده على الشغل مع انه بعيد عنا حوالي 30 كيلو .. ومو شايفة الطريق من البكا و لا هو بيتصل على موبايلي ... الله لا يوريكي البهدلة اللي سمعها مني هداك اليوم و من يومها و هو يحرّم يترك موبايله في أي مكان من ورا هالقصة ...
قصصنا كتيرة الله يعينا و يقوي قلوبنا شوي .. :)
دلعي غييير .. الله يعينك ... اسمعي طالما طلب فلوس مقابل الطلاق والولد فصدقيني فراقه عيد ... وعمك الله يسامحه كمان .. بدل ما يصلح ابنه بده يبلي بنات الناس فيه ... ربنا ييسر امورك و اهم شي اذا صار وانفصلتي اثبتي حقك بحضانة الولد و لا يكون له اي حق يطالب فيه بعدين ..
بس لو تستني لبعد الولادة بتكوني روقتي احسن
ليدي ... ان شاء الله النفسية تتعدل بعد الولادة :) وجارتك شو بالنسبة للغسيل عالفجر :|
ام بسوم ورلول .... ربنا يقيمك بالسلامة ويهون عليك يا رب
جود احلى.. حبيبتي انت كمان تقومي بالسلامة بس بالدور بالله لا تتخانقوا ..
احلى .. صحتين وعافية على هالفطور الصحي .. بس ما بستخدم الشوفان بالأكل ابدا مرات بيخطر ببالي اجربه بس ما تشجعت ما بعرف ليه
مناسبتي سلامتك ... اظن انها اعراض عادية كلنا عم نحس فيها تقريبا..
بقية الكروشات الجميلات صباحك سعيد
صباح الخير ..
سمعت شوي عن المظاهرات عالتلفزيون بس ما بتوقع أبدا تكون الأمور متل ما...
اكلمكم من الدوام ياالله يعين الجميع كيف الشهور الأخيرة احس انو بدأنا نثقل وانا عن نفسي رجعت النفسية سيئة بس احاول اقراء ادعية الهم والحزن وبداء القلق من الولادة أما التعب والثقل حدث ولاحرج الله يكتب الأجر كامل ولا يحرمنا
الله يكتب لنا الولادة الميسرة ويرزقنا الأجنة تامين الصحة ويارب يطلع اللي في بطني ولد صحيح متعافي اتمنى كذا عشان يسير عندي بنتين وولدين :)