:26::26::26:
احمدك ربي وأشكر نعمتك علي عطيتني من فضلك أغلى لوولوتين ....
رناد ورماس أحلى بنوتين
وأخخخخخخخخخخخخخخخخخخخخخخخخخخيييييييييييييييييييييييرا ولدت بالسلامة وأمس طلعت من المستشفى
أشكرك كل من سأل عني وحواء الحنان مشكورة ياقلبي حيييييييييييييييييييييييل
واي نونومون وأنا بالعملية كنت واعية تذكرتج وإنتي تقولين أهم كل شي يهون لما تشوفين عيونهم وقمت أبكي فرحانة والله هان علي تعب 12 يوم قبل الولادة في المستشفى و9 شهور حمل صعبة حمدلله الذي تتم بنعمته الصالحات :42::42::42:
:26::26::26:
احمدك ربي وأشكر نعمتك علي عطيتني من فضلك أغلى لوولوتين ....
رناد ورماس أحلى...
طبعا الطلوق شلختني من بداية الأسبوع ال 35 مع إني ماكنت عارفة انها طلوق وصدفة رحت أسوي تخطيط وطلع فيني طلوق تقريبا توصل لي 80 وتنزل قالولي دخول طلعت على مسؤوليتي المهم ثاني يوم نفس الشي بس زادت لي 100 وزفتني الدكتورة الهندية زف عمري مانزفييت مثله :22: ولما فحصتني لقت عنق الرحم مفتوح 2سم قالت دخول وغذا رفضتي تطلعين على مسؤوليتج يا مجنونة
دخلت وحطوني تحت الملاحظة ولما ارتفع الطلق عطوني ابرة وقفت الطلق وريحتني حيل ساعتها عاد :30:شفت الي يمي يولدون وشفت اشلون يطقون ابرة الظهر :p:p وكل ما انولد ياهل قلت للمرضة يييبييه بشوفه
صعدوني الجناح وطبعا تعرفت على الكل فيه ومر يومين ورجعت الطلوق ورديت لغرفة الولادة ونفس الشي وردو صعدوني ولما يا دكتوري قللتله خلالالالالالالالالالاص بولد قال ماكو ولادة إلآ بعد 36 أسبوع وانا ابكي من ابرة الهلوسة وحلف والله ماحمل مرة ثانية وامي تهدي فيني وانا مستمرة :p وحمدلله قرروا لي عملية في 28/12 بعد 12 يوم في المستشفى وبيوم العملية وأنا طبعا فرحانة حدي جني بروح حفلة جان تقولي السستر يمكن تتأجل عمليتج ساعتها طقيتها اصوته وبكي أولد يعني أولد وحمدلله مع الضغوطات والتبديعات نزلوني وجهزوني للعملية ويوم حطو التخطيط لقو الطلق حيل عالي وانا موحاسة من فررحتي واي وركبولي البربييييش أكره شي بالموضوع ودزوني غرفة العمليات طبعا أحلى ما فيها ليتاتها ؟
وقالي الدكتور ابرة ظهر وعطاني اياها دكتور هندي ايده خفيفة وماشاء الله شوي وماكنت أحس بشي أرفعو الغطا علي عشان ما أشوف وسوت العملية دكتورة ودكتور ما شاء الله شطار اتصدقون بوقت العملية كان ببالي وايد اشياء بسولف وياهم بس كنت احس لساني مربوط :p
والساعة 3:37 طلعت رماس حبيبتي وخذوها غرفة ثانية بكيت وين بنتي قالو الحين تشوفينها والساعة 3:40 دقيقه طلعت رناد وشفتها وعقبها يابو رماس واي بنات لحظة ما تنوصف مع أني من تأثير البنج كنت أرجف من البرد وأسناني اتطقطق .
عقبها خيطوني تجميلي من داخل وودوني الإفاقة وأنا أطقطق من البرد حطو على كنابل ودخلو بينهم هوز مثل السشوار تدفئة يالله دفيت وأكسجين وحمدلله ربع ساعة وقالوا رفعي ريلج وقدرت ارفعها وقلت عطوني تلفون وكلمت ريلي على طول طمنته علي وقلتله :p ترا بيضان وحلوين بس وحدة قرعة قام يضحك علي ويقول اهم شي سلامتج :p
وحمدلله طلعت من الإفااقة ولا بويهي بالمصعد ريلي وأخوي ولما دخلت الجناح لقيت بنتي وخواتي وامي وبنات عمي مستقبليني وخالتي وبنتها حسيت اني غالية :p ونسيت كل الي مريت فيه وحمدلله كانت الآلام اقل بوايد مما كنت أتصور وياتني وحدة من العلاج الطبيعي علمتني اشلون اتحرك واتعامل مع الجرح ومع إصراري حمدلله مااحتجت إلا لمسكن واحد ومن ثاني يوم مشيت وتحركت وبديت أسوي تمارين الجرح وكاني معافية في آلام بس قليلة جدا
أنصحكم يا كويتيات لا تطوفون ولادة الصباح اتيننننننننننننننننننننن ومريت على 3 أجنحة ما شاء الله طاقم تمريضي مميز شي عجيب حبيتهم وقررت ما أولد إلا هناك:p
وهذي كل الحكاية