احلى لولي :

صباح الورد الله على ذكريات الطفوله مع الصباح البارد بنات مدينة فهد بسال كم مره سوا لكم سونار لاني موعدي الي فات سويت وكان تاريخ7-1وطلبت مني الدكتوره اعاده في الموعد الجاي 5-2وش السبب مع انها طمنتني تقول كم شي الحمد الله ؟ باي اسبوع ادخل السادس؟؟؟

صباح الورد الله على ذكريات الطفوله مع الصباح البارد بنات مدينة فهد بسال كم مره سوا لكم...

نونو مووون :

انا عن نفسي كرشتي بدأت من انا في السادس.. وسارت اضعاف مضاعفـة في السابـع الى بدايـة التاسـع.. ===========.. بناااااات دعواااتكم اليوم تعطيعمـة الاولاد حقت الشـهرين.. يامســرع الايام والله..

انا عن نفسي كرشتي بدأت من انا في السادس.. وسارت اضعاف مضاعفـة في السابـع الى بدايـة...

عجايب2009 :

الله يحفظهم لك :39:

الله يحفظهم لك :39:

عجايب2009 :

(((يوميات عجايب2009)))) قمت العصر واناشايله هم وحده من اقارب زوجي والده ولازم اودي قهوة وحلا ومعجنات وخرابيط طبعا الحلا زينته من البارح :cook:والمعجنات خليت الشغاله تصلحها ومن قمت لبست واخذت القهوة ورحت قسم كل الوقت الي جلسته ساعتين وكنهم سنتين :time:واي تعبت وارجع للبيت على المغرب واحط فراشي كني عجيز مالي بالدنيا ولا يوم واتسدح واتبطح لين تعشيت الساعه9 ويمسكني ذاك المغص والتحجر ولا خف انا انهبلت وهبلت بيحي ليش لان انا مواعيدي وملفاتي كل شي بالرياض وين وين مدينة فهد بينا400 كيلو ولاول مره اروح للمستشفى العام الي بمنطقتنا وكشفت من تحت قالت الرحم مقفل وهنا ارتحت وشافت روسهم كانت على جنب مايسمعن قايلتلهن خليكن تحت بس ارويكم فيهم بناتي مايسمعون الكلام وصرفت لي تحاميل توخذ من فتحة الشرج لمدة 3 ايام تقول للتقلصات وبما اني عارفه انها ميكانيكه مو دكتور رميت ورقه الحبوب باقرب زباله:35: ورجعت للبيت ويحيى معصب يقول فاتني الفليم عشانك تتطرين اكيد انك قريتي بحواء ان وحده ولدت بالسابع وقلتي ايه انا مثلها وعدت ادراجي ورميت في نفسي ونمت.................... ((((((ذكريات من الماضي))))))) كان عمري10 سنوات وشعري ناعم وقصير امي اذا طال قصته الله يهديها يمكن عجزانه تمشط شعري تقول اذا كبرتم طولوا شعوركم وكانت تسريحتي المعتادة للمدرسة هي تسريحة((عبسي)) اذا تذكرونه الي مع عدنان ولينا تربطه امي من فوق ومن النعومه يطيح مع جميع الجهات ويبقى الي بالوسط واحنا كنا بمنطقه مايعترفون بالقصير كل البنات الي معي جدايل ماشاء الله انا الوحيده الي قصير :27:ومنقهره ومرة جت وحده من جارات امي وكان شعرها لااله الاالله تحت الارداف وكثيروامي مثلها بس انه ناعم وقليل وتقول لامي ليش ماتحطين فازلين على شعرك والله حلو وامي تقول لو يطيع ابو الشباب قصيته وانا سمعتها واركض واتربع عند امي اسمع عن الفازلين ويوم جاء بالليل واروح واخذ الفازلين حق الايدي والارجل وهي كانت تقصد تونك بالفازلين بس ماعرف انا الاهالفازلين واحط على شعري خصله خصله حتى تشبع شعري بالفازلين وانام وانا احلم اقوم بكرا وشعري يسحب وراي ومن قمت الفجر واتسبح وانظف مافيه فايده وامي اطلعي وش فيك تاخرتي عشان تروحين مع ابوك للمدرسه واطلع وتشوف امي شعري واخذ علقه قويه:icon33: لم انساها الى الان ويروحون للمدرسه وتحط امي راسي بالمغسله وتنظف بلا جدوى واخر شي حطت تايد لان الفازلين لازق بشعري وبعد اويلاه وضرب وهواش وتفريك بالشعر نظف بعد ماكسرت رقبتي وهددتني ياويلك اشوفك تسمعين سواليف الحريم :mad:وصرت لمدة اشهر وخواني بس يضحكون علي ويعلقون يام فازلين:hahaha:..بس وش اسوي احلم بشعر طويل ولهلا ماتحقق الحلم.........:44:

(((يوميات عجايب2009)))) قمت العصر واناشايله هم وحده من اقارب زوجي والده ولازم اودي قهوة وحلا...