غزلان الجنة :

مساااااااء الخيرااااااات خواتي (صدق خواتي وغاليات ) أتمنى تكونوا كلكم بخير والله يتمم على الكراريش حملهم ويسهل ولادة التواسع ويرزق كل محرومة يارب يا كريم. أشكر كل وحدة من خواتي سألت عني في غيابي .. والله سؤالكم فرحني وأشكر كل وحدة باركت لي .. وعقبالكم يارب أعتذر ما قدرت أرد عليكم بسرعة لأن الغرفة اللي أنا فيها ما فيها نت. بس شحنت الكنكت بس ما أدري ويش فيها مو راضية تشتغل بس بحاول أعدلها حتى أقدر أتابع أخباركم ما شاء الله قعدت أتصفح لقيتكم ماشيين كثير بالصفحات .. أبغى أعرف وين وصلت آخر مرة قبل لا أولد .. بس مو ذاكرة بس لفت انتباهي مجنونة تنتظر الولادة .. هذا بالصفحات اللي مريت عليها بس ما كملت للأخير فما أدري ولدت أو لا. على العموم بقول لكم قصة ولادتي عشان مجنونة وبعدين أكمل التصفح. وقبل القصة أبارك لكل وحدة فكت الربط أو دخلت شهر جديد الله يكمل على الجميع حملهم ويرزق المحرومين يارب. الحين بقول لكم الأكشن حقي يوم الأربعاء تاريخ 16 /1 ومن بعد المغرب بدأ معي الألم لكنه كان ألم خفيف يروح ويجي ومو منتظم أنا ما اهتميت فيه ، ظنيته ألم عادي مثل كل مرة وبعدين بيختفي. استمريت على هالحال والساعة 12 بالليل نمت وعلى الساعة 2 الا ثلث قعدت من النوم على رفسة قوية من البيبي ، فتحت عيوني على طول .. ثانية الا طق .. انفتح كيس الجنين وتطلع الفيضانات . غرقت المنام اللي نايمة عليه وكلما حاولت أتحرك أو أقوم يزيد الماي . طبعا هذي أول مرة أحس بانفجار الكيس والفيضانات ، لأن حملي السابق واللي قبله كان ما ينفتح. الدكتورة هي اللي كانت تفتحه لي .. المهم في هاللحظة عرفت ان الموضوع جد والمعركة بدأت.. وبدأ الخوف والرعب من اللي جاي.. قمت وأنا لامة ملابسي اللي علي .. ماسكتها وهي تقطر ماي ويسيل على رجليني، وأخذت جوالي وملابس نظيفة وعالحمام. في الحمام غسلت وقعدت في حوض الحمام وبدأت أعبيه ماي حار وأنا قلبي يخفق من الصدمة والخوف اتصلت على زوجي وقلت له يجيني حتى يوديني المستشفى لأني جالسة عند أهلي من بداية حملي وهو عند أهله. فقلت في نفسي أقعد في الماي الحار شوي على ما يجي .. يمكن يسهل لي الولادة. طبعا في هالوقت ما كان في طلق ولا ألم. اتصلت بعدين على أختي وكانت نايمة في الطابق اللي فوق وأنا تحت وقلت لها تنزل تنام مع بنتي لأني بروح المستشفى. >>> اللي يشوفني وأنا قاعدة في بانيو الحمام وماي دافي وجوال ومكالمات بنص الليل ما يقول هذي بتولد.خخخخ نزلت أختي وطبعا ما عرفت تنام بعد قلبي تحاتيني وقعدت تدعي لي. المهم دقايق وطلعت من الحمام .. ما طولت تدرون بما ان ماي الجنين طلع لازم ما أتأخر عالمستشفى. أغراضي كانت جاهزة من زمان وشنطة البيبي بعد لأني لما رحت أفك الربط أخذت أغراضي معي للاحتياط. جا زوجي وطلعت له الأغراض بس قبل ما أطلع رحت المطبخ .. وأخذت لي فنجان وعبيت ثلاثة أرباعه عسل طبيعي حتى أشربه لأني قريت أكثر من مرة ان شرب فنجان عسل طبيعي وقت الطلق يسهل الولادة .. وقلت خلني أجرب .. العسل مفيد في كل الأحوال ان ما نفع ما ضر. ونسيت أقول لكم .. أنا قريت من بنات المنتدى عن منقوع الحلتيتة وفايدتها في انها تفتح الرحم بسرعة وكان المنقوع جاهز عندي. لأني جهزته من قبل ورحت به المستشفى يوم فكيت الربط .. قلت لو جاني طلق هناك أستخدمه .. بس ما احتجت له في ذاك اليوم لأن ما جاني طلق. بس هالمرة انفتح كيس الجنين يعني اترقب الطلق والولادة .. قعدت أفكر في الحلتيتة وترددت كثير في استخدامها بس بعدين قررت ما أستخدمها .. خفت النتيجة تجي عكسية. المهم طلعت لزوجي في السيارة وبيدي فنجان العسل .. وألم الطلق بدأ معي وطبعا كان خفيف .. وقعدت أشرب في العسل شوي شوي، وجبت معاي غرشة ماي .. كلما جاني غثيان من حلا العسل شربت ماي. ربع ساعة والا أنا واصلة المستشفى .. كانت الساعة 2 وربع . ما مداني أخلص العسل كله لكن ما بقى منه الا ربع. وكان كل طلقة تجيني أشد من اللي قبلها . دخلت على الدكتورة وسألتني كم سؤال وبعدين كشفت علي من تحت وقالت الرحم مفتوح 3 سم .. طبعا أنا فرحت ان الرحم فاتح 3 والألم ما كان قوي مرة .. لا كان محتمل. قمت من على السرير وقعدت انتظر الممرضة اللي بتوديني فوق ولاحظت ان الألم قاعد يزيد ويختلف من طلقة للثانية ركبوني غرفة الطلق وكانت الساعة 2 ونص تقريبا ركبوا علي جهاز التخطيط والمغذي كنت أدعي يارب ما يأذن الفجر الا ولدت طبعا ولادتي المبكرة كان الطلق عندي من المغرب ليوم ثاني الساعة عشر الصبح وولادتي الثانية ببنتي كانت مدة الطلق أقل بس طولت فيها شوي. المهم كانت الطلقة يزيد وقتها وشدتها شوي شوي لكن محتمل ، وكنت آخذ نفس في كل طلقة وأحبسه لحد ما يروح واذا راح قمت أدعي وأستغفر وأكرر سورة الزلزلة والقدر جت 3 ونص وصار الألم شديييد والطلق حااااااااااااااااااااار لكن كنت أصبر نفسي على الألم وأحاول ما أصرخ وجت الساعة أربع وصوتي بدأ يطلع من الألم جت أربع وعشر تقريبا وما اتحملت الألم .. ناديت السستر .. وطبعا بكل برود جاتني قلت لها أبغى مسكن مو قادرة.. قامت تطالع التخطيط ونادت على الدكتورة على طول جت الدكتورة وقالت لي نامي كويس .. يعني على ظهري لأني كنت نايمة على جنب .. لأني حسيت الألم مع النوم على الظهر يصير أعظم. المهم كانت الدكتورة تبغى تكشف علي ومجرد اني عدلت نفسي على ظهري حسيت براس الجنين صار على الباب يبغى يطلع صرخت على الدكتورة .. دكتورة ولادة ولادة خافت الدكتورة وما كشفت بس دخلت صبعها بشويش ولقت الراس بيطلع وعلى طوووووووول صرخت علي: يلا افتحي رجل يلا ادفعي .. كانت دكتورة فلبينية على ما أظن وبدأت أدفع وأدفع وهي تحاول توسع المنطقة بيدها .. كان مؤلم وكلما راح الطلق وهي تقول ادفعي أقول لها ما في طلق تسوي نفس الحركة تحط اصبعها على طرف المنطقة وتبدأ توسع ويجي الطلق على طول وأدفع لين طلعت بنتي وكانت الساعة 4 وثلث. آآآآآآآآآآآآآآآآآآآآآآه الحمد لله وأخيرا وبعدها طلعت المشيمة وخيطت الجرح .. بس خلصت الا والأذان يأذن حمدت ربي وصرت أبكي خلصت ولادتي والله استجاب دعائي كنت دايم أدعي وأقول ياربي لا تطول علي الطلق .. ودي يكون بس ساعتين وكان حلم وأمنية وفعلا طلقي استمر ساعتين بسسسس بس كان طلق حاااااااااااااااااااااار يعني ما كأنها ساعتين كأنها أكثر سبحان الله صحيح العسل مفيد ما شاء الله قوى الطلق وفتح الرحم بسرعة في مدة قصيرة . وهذي كل القصة .. عقبال ما تحكون لنا قصة ولادتكم مجنونة بما انك لسا ما ولدتي ( حسب علمي) ومن زمان فكيتي الربط عليك بالجماع. بصراحة استحيت أقول لكم اني حليت الواجب في هالليلة وأظنه هو سبب الطلق اللي بدأ معي بعد المغرب. وطبعا حليت الواجب عن عمد لأني أدري انه يجيب الطلق وخصوصا ( السائل المنوي) عذرا . مع اني ما لي خلق للواجبات .. بس كنت أبغى أولد وأفتك. بس ما توقعت النتيجة تجي سريعة كذا. أم برنسيس لفت انتباهي سؤالك عن الجزء اللي طالع لك من فتحة الشرج هذي حبيبتي البواسير بس واضح من كلامك انك في المرحلة الأولى ةهذا ما يخوف أبد بعد الولادة بروح من نفسه انت ما عندك امساك بس بسبب الحمل وضغط الجنين طلع لك. أنا البواسير اللي طلعت لي في حملي هذا مخيفة مع اني ما عندي امساك بس من الحمل.. وتوقعت تطور أكثر مع دفع الولادة .. بس الحمد لله الله قدر ولطف وخفت كثييييير بعد ما ولدت ولله الحمد والحين ما أعاني منها. بس بما انها تألمك الحين خذي لك مرهم أو تحاميل نيوهيلار واستخدميها هذي تخفف حجم البواسير وتخفف ألمها وهو عبارة عن أعشاب طبيعية .. فما منها خوف أبد. وما تشوفي شر.

مساااااااء الخيرااااااات خواتي (صدق خواتي وغاليات ) أتمنى تكونوا كلكم بخير والله يتمم على...