صباح الخير مربوطات
حبيباتي امس المنتدى دخلت اشوف سوالفكم
وكتبت ردي بس المشكله ما قدرت احط ردي لانه المنتدى مو راضي حضرته ومعلق:44:
حفظت ردي في الوورد
واليوم قمت الصبح عفاري الله يحفظها صحتني وقلت بدخل اشوف المنتدى المزاجي
والحمدلله حطيت الرد وضبط معاي
حبيت اشرح لكم معاناتي معه المنتدى :35:
المهم فديتكم
امس كان عندي موعد عن دكتورتي شافت البنوته قالت لي راسها تحت وحاولت اتشوف بالتصوير الرباعي بس بنوتي الله يحفظها حاطه يدها على وجها مستحيه من امها هههههه:35:
المهم انا سألتها قلت لها دكتورة متى راح اتسوين لي العمليه ان شاءالله قالت لي ايه صح انتي ولادتج قبل بعمليه..
لانه دكتورتي ما تولد طبيعي ..
قالت ان شاءالله بعد 10 او 12 يوم من التاسع وان شاءالله ما نتعرض لاي مشكله انا وهي خايفين انه يكون عندي سكري حمل ..
لانه بعفاري كان عندي سكري حمل ..
وصح بنات كان عندي فحص سكري نفس يوم الموعد موعدي عند الدكتورة الساعه 3 وانا صار لي موقف صج انقهرت نسيت بوكي في البيت لانه امس نزلته من الشنطه وخذي فلوس منه وخليته ما اعرف وين وخذيت شنطتي على بالي البوك داخل الشنطه والله وصلت لين باب المستشفى وخاصتا المشوار نص ساعه من البيت قلت بجهز كرت الموعد وبطلع البطاقه الا اشوف البوك موب موجود قلت لولد اختي ارجع للبيت قال ليه قلت له نسيت البوك قال بذمتج ولا تمزحين قلت له والله نسيته
ورجعنا البيت واتصلت في الخدامه اتجيبه بسرعه وجابته ورجعت للمستشفى اول ما دخلت خليتهم ياخذون مني فحص لاني صايمه من امس الساعه 11 وخذوا العينه الساعه 12:35 وبعدين شربت الجلوكوز يلوع بالكبد وانتظرت للساعه 1:35 وخذوا العينه الثانيه ودخلت على الدكتوره وخلصت والساعه 2:35 خذوا العينه الاخيره
المهم نرجع للدكتورة كشفت علي من تحت جابت بوز البطه وسوت لي مسحه لاني اشكي من الماغص
وبالمره هي تبي تتأكد من التهاب البكتيريا قالت الحمدلله عنق الرحم ما شاءالله نظيف وشمت ريحة بوز البطه قالت زين مافيه ريحه
وقلت لها اني استخدم الكانستين قالت ايه ممتاز راح اصرف لج منه بعد واستخدميه كل اسبوع تحميله ..
وطلبت منها تصرف لي ابرة الرئه قالت اوكي راح اصرفها لج خذي اليوم جرعه وبكره جرعه ويكون نفس الساعه يعني لو الساعه 4 العصر الجرعه الثانيه 4 العصر بعد ..
وصرفت لي فيتامينات واسبرين وتحاميل كانستين
وقلت لها اني راح اداوم ناويه يوم الاحد تاريخ 3-4
قالت لي دوامي بس لو تعبتي لا داومين قلت لها اوكي وان شاءالله خير يارب
وعطتني موعد على الشهر الجاي 26-4 اول يوم في الشهر الثامن بيكون لي
وعطتني بعد موعد تاريخ 17-5 و30-5
لانه بياخذون مني فحوصات قبل عمليه الولاده وقالت احتمال اتولدني بتاريخ 6-6 او 8-6 شكلي بختار 6-6 تاريخ حلو هههه:27:
دعواتكم لي ان شاءالله ما يكون عندي سكري حمل:27:
صباح الخير مربوطات
حبيباتي امس المنتدى دخلت اشوف سوالفكم
وكتبت ردي بس المشكله ما قدرت احط ردي...
وماعليك الا العافيه ان شاءالله
والله يتمم عليك بخير
,,,,,,,,,,,,,,,,,,,,,,,,,