ام برنسيس
مبررروك الولاده
ويتربى بعزك وعز ابوه ان شاء الله

وعقبال لناا يارب

• قصة ولادتي ..

طبعا الاحد وانا نايمة الصباح نزل علي موية قدر فنجال مع شوية مغص وراح بسرعه ..

المهم قلت اكيد ولادتي هاليومين .. وبدأ الرعب ..

بالليل نمنا .. :35:بس ظليت منسدحة على ظهري علشان احبس ال...:time: جوى لمدة اطول كود يحرك شي

والمهم .. نمت وصحيت الفجر حشرانه عادي مع الم ظنيته من البول اعزكم الله

رحت الحمام ولقيت في الفرشدايز ليونه مع لون كنه رايح وردي

طبعا اندهشت لاني لما كنت نايمه حلمت انه نزل مني افرازات وردية مع دم واقول خلاص ولادة

ويوم صحيت وشفتها عرفت اني كنت اتألم وانا نايمه وهو سبب الحلم

بس ما كنت متأكده ان هذا دم لانه كان رايح لوردي مو واضح

بس العجيب انه الالم اللي كنت احسبه من الحشره لازال مستمر حتى بعد ما فضيت المثانه

المهم خلصت وغسلت وقمت اتنشف لقيت بالمنديل افراز قليل شفاف بس فيه شعيرات دم فاااتحه

هنا دقت ساعة الخطررررر ..

وقلت اها بدأ الجد يلاه يا حلوه اجمعي انفاسك وانطلقي مع الطلق في سباق مع الوقت لولادة سريعه

طبعا كنت متفائله ان ولادتي بتكون سريعه ومريحه لان عندي ضعف عنق الرحم

المهم وقتها كانت الساعه 6 الفجر ..

توضيت وصليت الفجر وهذا اكبر غلط لاني كنت في حالة ولادة وما تجوز الصلاة

لان معاي دم والم طلق يعني يعتبر دم نفاس .. لو كان بدون دم كان وجبت الصلاة ..

المهم .. رحت وانتظرت زوجي جاء من المسجد وعلمته ان معاي دم والم

والالم صار يزيد ويرووووح ويجي كل نصف ساعه الى كل عشرين دقيقة

هو فرررح مره :arb: وانا جاتني ضيييقه مررره :44: ههههههه

هو اخذ ترمس قهوة وتمر ووداها معاه العمل من الفرحه

وانا ما قدرت انام على سريري جبت مخدة وبطانية ونمت على الارض

والالم يروح ويجي .. عاد اقول لزوجي ليه انت قليل ادب ؟؟ انا متوجعه وانت فرحان وماخذ قهوة ومبسوط

قال اكيد بصير مبسوط لان ساعة الفرج قربت الحمدلله والالم هذا مطلوووب علشان تولدين

يعني مو الم مرض .... كني اقتنعت شوووي بس ما بينت خخخخ

المهم تعبت من نومة الارض وطلعت سريري وحطيت طراحة وبطانية تحتي اخاف تنفك الموية واعدم الدنيا

حاولت انام بس المغص ماخلاني مع انه مره خفيف نفس الم الدورة في بدايتها

صرت اناظر الجوال كل ما جاتني مغصه وكانت كل نص ساعه الى عشرين دقيقة

المهم صرت اغط بالنوم واصحى مع المغص الين 11 ونص الصبح

صحيت ورحت الحمام اعزكم الله ولقيت دم احمرررر بس قليل مع افرازات بنية

قلت خلاص ما بدهاش لازم اروح الطوارئ اخاف اولد بالبيت خخخ

مسكينه على بالي الولادة بهالسهوولة

المهم اتصلت على زوجي وجاني طيران .. واخذت شنطتي واخذت فنجال عسل اصلي

ما نسيت نصيحة غزوووله ههههه وصرت اكل منه واحنا بالطريق

وصلت 12 وربع ظهرا وكشفت علي الدكتورة قالت مقفل

انا جاتني ضيييييييييييييييقه غير طبيعيه :44: قلت افا كل ذا ومقفل ؟؟

قلت طيب فيه دم قالت عادي انتي بالتاسع

قلت طيب ورجعت البيت وصرت امشي في المجلس وادور بخطوات متباعده وسريعه شوي

مشيت 10 دقايق ورجعت ارتحت وتغديت وبعدها مشيت كمان عشر دقايق

وبعدين شغلت سورة الزلزلة وخليتها على التكرار

ونمت معاها نومه خفيفة بعد اذان العصر

كلمتني وحدة من صاحباتي وقالت لي ادهني بطنك بجوزة الطيب بعد ماتدقينها وزيت زيتون يحمي الطلق

واذا فتح الرحم قالت لي تبخري بكف مريم رهيييب يفتح الرحم بسرعه

على المغررب دهنت بطني وظهري زي ما قالت لي وطلعت امشي بالشارع مع زوجي مشيت عشرين دقيقة بس وكان برررررد

اذن العشاء قلت لزوجي ودني لاختك باشرب عندها قهوة زنجبيل بنانخة

واروح لها والاقي سلفتي عندها واجلس اشرب واتونس معاهم وكل ما جاتني طلقة تجمدت مكاني

وحاولت ما ابين لهم .. عاد هم حسووو فيني بس ساكتين

وانا اقرأ في نظراتهم الشك وميته ضحك عليهم في نفسي خخخ

المهم بغيت اجيب العيد واعلمهم بس قلت لا لا لا خليني متماسكة احسن

لان يقولون ما تعلمون احد اذا جاكم الطلق علشان لا يبرد

وفعلا صار كذا مع بنت خالتي اهلها علمو ا لناس انها تطلق وظلت تطلق اسبوع وما فتح الرحم غير 2 سانتي

ومع الطلق الصناعي ثلاث ايام اخرها عملية الله يكون في عونها

المهم .. طلعت من عندهم بعد ما زاد الم وصار كل 7 دقايق الى 5 دقايق

ووصلت الطوارئ عشره ونص الليل وكشفت قالت 2 سانتي

تبين تنويم ؟؟ قلت لا وراي خدامة ما تعشت وودي اروح اتبخر بكف مريم يقولون زين

وارجع ادراجي واتبخر بكف مريم بس ما طولت تحته لاني كنت خايفه شوي

واجلس اتوجع طبعا زااااد الالم بس محتمل نوعا ما

الين 2 اخر الليل واصحي زوجي واروح قالت 2 ونص الى 3 روحي امشي

قلت نوموني مقدر اتحمل قالت لو صار 4 سانتي على طول اطلعك كشك الولادة

ليش جيتي بسرعه ؟؟ ليش ما انتظرتي الين الصبح ؟؟ الحريم ما يجون الا قدهم مستوين

قلت اخاف اولد بالبيت .. ماني رايحه زوجي عنده عمل الفجر<< خراطه

واذا رجعت بيتي مين يجيبني ؟؟

قالت طيب روحي الحمام وتعالي اكشف عليك

طبعا المناقشات اخذت نص ساعه الى 45 دقيقة والالم مستمررر

المهم رحت الحمام اكرمكم الله وجيتها قالت طيب 3 سانتي باكلم الاخصائي واشوف

طبعا قال الاخصائي اوكي راح استقبل الحاله نوميها

قلت لالا اخصائي ما ابي :mad: << نفس موال فك الربط

قالت الاخصائي للضروورة لكن اللي يباشر حالتك الطبيبات قلت طيب اوكي

وعلى بال ما تخلص اوراقي رحت امشي بالمستشفى مشيت عشرين دقيقة

طبعا بخطوات متباعده وسريعه نوعا ما وكل ما جاتني الطلقة وقفت وتمسكت بالجدار ودفيت على تحت لين تروح

المهم طلعوني التنويم 4 و25 دقيقة وسدحوني ياخذون الحرارة والضغط ويوم جيت اقوم الا بووووم فكت الموية

وجلست تسررررررب يا سلام ..

كان في الغرفه مرافقه لزوجة اخوها وما شاء الله جلست شوي الا اتصلوا يبشرونها بولادتها

عاد سألتها متى راحت الكشك قالت الساعه 11 او 10 وولدت 4 الفجر اووووف كل ذا في الكشك؟؟

بغيت انجلط من الرووعه قالت لا بالعكس ما طولت غيرها تجلس بالايام تطلق

قلت لها طيب وانا الحين 3 سانتي متى ابولد ؟؟ قالت يمكن تقريبا على 10 11 الصبح

قلت هااااااااااه اييييييييييش لالالالا ان شاء الله ما يأذن الفجر الا انا والدة

المهم بعد ما فكت الموية جابو تخطيط الطلق والنبض وحطوه ابو ساعه كذا

على الساعه 5 ونص جات الدكتورة وكشفت قالت ما شاء الله من 4 الى 5 سانتي

انا فررررحت قلت يا سلام اكيد بأولد بسرعه

اخذوني على كشك الولادة وانا مرعوووووووووبه والالم كلما له يزييييييييد بس محتمل

المهم دخلوني الكشك على العربية ويوم شفت سرير الولادة جاني خوف غير طبيعي

قالت سستر التنويم وسستر الكشك يلاه قومي اطلعي على السرير

قلت لحظه وصارت لحظات والله يمكن جلست ربع ساعه وهم يحاولون يقردنوني اطلع وانا اقول لحظه لحظه لحظه

عاد سستر الكشك جاتها ضيقه وراحت قالت اذا طلعت نادوني

وسستر التنويم تبيني اطلع علشان تاخذ مسحة مني وتاخذ الكرسي وتروح

وانا متأزززمة نفسيا من هنا الطلق ومن هنا الخوف من الولادة

وبعد جهد جهيد طلعت على السرير وحطولي جهاز النبض والطلق اللي ينرررفز

حشرني مرررررررره وضايقني مرررررره والمشكله ان بطني كان متكعبل مو مستوي

المهم وبدأ الملل والالم والساعه قدامي جات الدكتورة 6 تمام وقاست قالت من 4 الى 5 نفس الشي

وجلست اصيح ابي مسكن ابي اكسجين ابي اي شي

طبعا كل ذا خايفه من الالم لا يزيد اكثر والا هو ما زال محتمل بس شديد << مدري كيف جات

والسستر تهديني طيب طيب راح اعطيك كل شي انتظري وهي كذابه

اعطتني بس اكسجين عادي بدون مخدر وصرت اشفط بدون ما احس ان الالم يروح

انا كلما جاتن يطلقة اخذذت نفس شهيق وزفير بنفس الطول

احسه يهدي مرررره .. يعني اخذ شهيق ينفخ بطني ويخف الالم واطلعه وهكذا

المهم ناديت الدكتورة وانا اصارخ عليهم واجر شعرررري ابي مسكن ابي مسكن

قاست الدكتورة الساعة 7 واربعين دقيقة قالت 5 سانتي

جاني احبااااااااااااااااااط :44: ساعه واربعين دقيقة وهو نفسه ما فتح الا شي بسيط

والظاهر السبب الخوف اللي كنت فيه

المهم قلت للدكتورة ابي مسكن يا دكتورة وامسك يدها بغيت ابوسها بس اشوى اني مسكت نفسي

قالت طيب عطوها ابرة باسكوبان << ارحمتني خخخ

انا حاطه المسكن ببالي من بدري لاني يوم سقطت الله لايعيد الشر مع الطلق الصناعي اعطوني ابرتين مسكن

ونمت بعدها ما حسيت بشي وعلى بالي الحين نفس الشي

المهم اعطوني اياها وحسيت بشوووية تسكين مو مره لانها وحده بس واظن مو نفس اللي اخذتها قبل

المهم الالم ما زال موجوووود .... وصرت اغفي بين الطلقات ويقومني الالم

الساعه 8 تماما قالت مفتوح 6 سانتي وبعدها بدأ الدف اللاارادي

صارت الطلقات مره الم زي المغص ومرة مغص مع دف

احس بدف غير ارادي مرات اتنفس بسرعه كني اطفي شمعه علشان ما ادف ومرات غصب عني ادف

المهم قلت للدكتورة تراني احس بدف ولسى بس 6 سانتي قلت دفي ما في مشكله

قلت طيب وصارت اذا جاتني الطلقة اجلس وافتح رجولي وادف معاها

الين الساعه 9 قالت 7 سانتي والالم يزيييييييييد

الساعه 10 قالت 8 سانتي وانا جانيالم في بطني جهة اليسار مع العطشششش

قلت شكلها الكلية واصيييح عليهم ابي موية ابي موية

جات سستر فلبينية وجابت موية في قارورة صغيييييييرة قد الاصبع السبابة

وخلتني ابل ريقي بس بغيت انهبل يعني الم وعطش وما في مويه زي الناس

المهم الساعه 11 وربع صار 9 سانتي قلت ياربي الين متى ؟؟ يعني الين 12 دوبه يصير 10 ؟؟

المهم بعد 10 دقايق يعني على 11 و25 دقيقة جاتني دكتورة مصرية

اللي كشفت علي وقت فك الربط تذكرونها ؟؟

يوم شفتها خفت قالت هاه ازيك عامله ايه؟؟ قلت دوب الدكتورة كشفت 11 وربع وكان 9

يعني روحي مو الحين تكشفين قالت طيب خليني ابص << انا هنا خفت بس قلت هي خاربه خاربه

المهم بس دخلت اصبع واحد حتى ما دخل جوى الا قالت خلاص خلاص لا تدفي

قلت ليش قالت الراس قريب وهي لسى ما جهزت عدتها قلت غصب ادف قالت صكي رجولك

المهم وتنادي سستر سعودية اخلاقها زفت

وراحوا يركبون رجل السرير لانه وحده فيهم كانت مو فيه

وانا جاتني ضيقة هذا وقته ؟؟؟؟؟ المفرووض من بدري

المهم ورفعو رجولي وقالت اذا جات الطلقة دفي بقوة على تحت

قلت طيب ودخلت اصابيعها وصارت تحوس عند راس البيبي تحاول تقربه مدري وش تسوي ؟؟

المهم قلت راحت الطلقة من الخوف قالت طيب مو مشكله المهم اذا جات لا تفوتيها دفي بقوة

وصرت ادف مع كل طلقة بقوووة وصياح من قوة الدف غصب اصيح من 11 ونص الين 12 الا ربع طلع احلى بدر بالدنيا

وانفششش الكرررش وراح المغص

جلست الين 12 وعشر ونزلت المشيمة الحمدلله

وجا وقت الوجع ..... وقت الخياطه

واعطتني ابرتين مخدر ما شفت لها فايده

صارت تخيط وتجررررررر الخيط بقوة كنها تخيط رقعه

وانا اصيح مع كل غرزة الين خلصت ونظفوني من برى طبعا ما دخلو شاش ولا شي

وقوموني على الكرسي وبعدها على سرير الملاحظة والمكان باااااااااارد وانا ارجف

وجابولي بطانيتين واكل بارد زبادي وكريمه وايدام بس بارد شربت شاهي مع خبز وبس

وجلست الين 5 قالو يلا ه قومي سوي بول علشان تكشف الدكتورة

بغيت انهبل خياطه وكشف؟؟؟؟؟؟ قالو لازم

المهم اعطوني ابرة في العضل فولتارين مسكنه لالم الخياطة

وفعلا رحت الحمام اعزكم الله وجلست انتظر الكشف وانا خايفه

بس اللي خلاني اتشجع اني بعد الكشف باطلع التنويم واشوف بدررر عيون مامتووو

والحمدلله ما عورني الكشف ... وطلعت التنويم مع احلى نونووو بالدنيا

تمت

هلا شموخ العناد ... حبيبتي هذا ردي على ملاحظاتك




1- كريم دلاسين مرتين في الاسبوع الا اذا كان الافرازات كثيرة استخدمه يوميا<<يوميآ لمدة كم ؟؟؟ اتوقع مو اكثر من سبع ايام انتبهي
ايوه حببتي على حسب لجرعة سبعة ايام .. بي هو قال لي اذا الافرازات كثيرة استخدميه لمده اسبوع فقط وفي هذه الحاله تعتبر علاجية ...............واذا خفيفه مرتين من كل اسبوع حتى يعمل لي وقاية فقط


2- ابرة رئة للجنين مرتين في اليوم صباحا ومساء<<كلنا نفس الجرعه لمدة يومين تكون اخر الشهر السادس او اول السابع
ويومين في الاسبوع الين الثامن<<الطريقه هاذي غريبه شكلك فاهمه غلط كيف يومين في الاسبوع الين الثامن ممكن قصده يومين في الثامن تاكدي
ايوه اخذها اسبوعيا الين الشهر الثامن يعني من كل اسبوع يومين الى نهاية الشهر الثامن

3- ابره في العضل اسبوعيا اسمها proluton depot واعتقد انها مثبت<<صحيح هاذي مثبت نفس الي اخذه ابره كل اسبوع

4- تحاميل السيكلوجست 400 وقال عادي اذا بتتركيها عادي بس انا باستخدمها<<انا ما استخدمتها اعتمدت على الابر اقوى والدفستون <<وقت الزوم يعني اذا حسيت اني بذلت مجهود

5- اليوتوبار وقت اللزوم فقط لان الدكتورة الغبية اللي اراجع عندها تقول ضروري نصف حبه كل 5ساعات وبصراحه هلكتني مره<<انا بعد قالت وقت الزوم ونص حبه كل ثلاث ايام احتياط ومن اسبوع صرت اكل حبه كل يوم او يومين من راسي لانبي بديت احس بشوي مغص
6-

واعذروني ولا تنسوني من دعائكم لا عدمتكم الله يشفيك ويتمم حملك يارب ويتمم علينا كلنا ولا يخسر احد

m-princess
ماشاء الله عليك احس جسمي كله يعورني
بس المهم قومتك بالسلامة وماتشوفين شر ياغاليه
والله يحفظ لك بدر ويرزقك بره وصلاحه

شر شر
مااتوقع ابد ولاعمري سمعت ان ابرة الرئه توئخذ اكثر من يومين بشهر ....يا انك فاهمه غلط يا الدكتور عبيط
يا ليت تستفسرين اكثر والبنات هنا الي عندها خلفيه ترد الله يعافيكم