ღ.¸¸.عيد بأية حال عدت ياعيد ,,,,بما مضى أم بأمر فيك تجديد.¸¸.ღ
نزلت أنا وأختي نشتري ملابس العيد من محل جوفريز درنا درنا مالقينا شئ قالت أختي الله يصلحك بس لو أنا رايحين
باتشي ملابسهم حلوة ومنزلين بضاعة حلوة,, قلت لها لا والله ماتحصلين الزين الا عند أنوش
يوم وصلنا ونشوف زحمة وسيارات غريبة جيوب صغار وعليها سفتي مثل الدوريات,, واسمعه ينادي
بالمكرفون من السيارة يالله شيلي قشكم اخلصي ,, هات الطراطيع حطها بالسيارة ,,وواحد من اللي معه شايل
كرتون طراطيع موديها السيارة ,, طبعا كانت هالسيارات والرجاجيل تابعين لهيئة حكومية بس للأسف ماعرفت هي
شرطة والا جوازات بالضبط ايش ما أدري,,
المهم مالكم بالطويلة صادروا طراطيع البياعة وخلوها تقش عفشها,, بدون ماتفتح فمها بكلمة لانها غلطانة ماتكلمت,,
وطبعا المسكينة متناثرة أغراضها ,,منا ومناك ,,حلاوة على مناديل على قواطي بيبسي على مويه وتلمها وهي
حافية القدمين منظر ماسأوي صراحة,,
كسرت خاطري قمت أنا وأختي وحريم معنا نلم معها ونساعدها اللي تلم غطاء ثلاجة تبريد البيبسي واللي تلم
أكياس البطاطس والحلويات كأن بضاعتها كانت على لغم وتفجرت ,, وكان ولدين معانا يلمون اشلاء البضاعة المتفجرة ,,
واحد بالغ فاهم عمره حول 15سنه والثاني عمره 10 سنوات ,, وأمهم جالسة تكلم جوال بعد ماخلصنا ولمينا
وساعدنا الجرحى ,, جلسنا وشفنا حبتين حلاو أبو نص ريال ,, مالميناها قمت بآخذها واحطها مع اغراض
المسكينة ,, الا جاء الولد ابو 15 سنه وشالها من الأرض ,, كبر بعيني صراحه ,,,
خذها وبدل مايعطيها البياعة أعطى أخوه حبة وخذ هو الحبة الثانية ,,,, ماشاء الله تضحية وإيثار نعم الأخوة ,,
وأمهم جالسة وتطالعهم بعين الرضا عادي يأكلون وليتهم عطوا المسكينة فلوسها لاذمة ولاضمير ولا استسمحو
منها عادي متساهلة بدل ماتنصحهم وتعلمهم انه حراام عشان مايتعودون ويتساهلون في هالأمور حتى لو الشئ
كان بخس الثمن ولايستاهل ,, على الأقل كان دفعت حق الحلاوة للبياعة تبري ذمتها ,, حتى لو كان نص ريال ,,
عاد ليتني اشتريت شئ الا رجعت البيت ,, وكلي صدمات من هالموقف غير موقف وحكاية شعوى الله يصلحها بس,,
ღ.¸¸.إضاءة.¸¸.ღ
قال رسول الله صلى الله عليه وسلم,,
« لا يحل مال امرئ مسلم إلا عن طيبة من نفسه »