صباح / مساءالله الخير اخواتي الغاليات
معضمكم هنا يعرف معاناتي مع تاخر الحمل وبعدها الحمل وفي الاخير خوفي وين اولد
والحمدلله بعد مساعده البنات قررت اولد ببروكير
لان في منكم اللي مثلي متردده وتبي تجارب اكثر حبيت اذكر تجربتي
انا من بدايه التاسع وانا كل يوم احس بالم والنفسيه دمار:44:
والخوف لاعب فيني وجا يوم السبت واشتد الالم رحت لهم وجتني دكتورة هنديه اظن
مااعرف اسمها قاست وقالت لسى الرحم مفتوح 1 واحتمال بكرى الولاده
واطلع من عندهم فرحانه لان ميته خوف منهم ماصدقت اطلع :icon28:
<< كاني مو راجعه لهم :09:
بس يوم اوصل البيت ذبحني الالم لحد الاحد واروح لهم جت
ممرضه طيوبه ركبت التخطيط والمغذي واخذت تحليل مني
وقالت الدكتورة بتجي سالت وش جنسيتها قالت مصريه وهنا مت
من الخوف لان البنات مامدحوها يوم جت تقيس والله دفشه :icon33:
لكن الحمدلله انتهي دوامها والمناوبه كانت على دكتورة بشرى
طيوبه صبرت معاي كثير
انا طولت وتعبت وتعب النونو وساعدتني بالطلق الصناعي قالت بحاول معك قبل احولك قيصري
بعد الولاده نقلوني للغرفه فوق وجت تطمن الاستشاريه السعوديه
والغرفه تجي وحده تنظفها مرتين باليوم ووحده تجي تشوف وش
ناقص وتظيف كلتوتات وفوط وانتم بكرامه ويوفرون لك منشفه وروب وشبشب حمام وانتم بكرامه
وخلال اليوم يجون الممرضات يقيسون حرارتك والضغط والنونو
معاهم متى تطلبينهم يعطونك والمستشفى بشكل عام مريح
طبعا 3 وجبات باليوم بينهم وجبات خفيفه
وان شاءالله قدرت افيدكم والله يسهل على كل حامل ويرزق كل محرومه يارب
ابي منكم تدعون الله يحفظ لي كل من احب ويسهل امورنا ويرزقنا بالبيت
غرفه الطلق والولاده