مشاركتي معكن يا غالياتي ليست للمسابقه والدخول في التصفيات <<< آخدها الجو
بس هي مشاركه معنويه فقط ..
طبعا آعجبت وانبسطت كتير بمشاركه البنات الحلوين في يومياتهم .. ولقيت كل موضوع مختلف ومتنوع عن التاني .. وفي آشياء حلوه ... وبصراحه الواحد بيتعلم من غيره <<< يلى خلصينا وحاجه مقدمات ..
المهم يا جماعة ... يومياتي مختلفة ومتقلبة المزاج ... والله يستر ..
يومي يبدآ بصلاه الفجر عالساعه 6 تقريبا .. قبل آو بعد شوي ..
بعدها بصحي ابني عالساعه 7 بصحي ابني مشان مدرسته ... بيلبس يقبرني لحاله وبياكل وما بطول متل بقيه اخواته ... بيجي باصه عالسبعه ونص .. ما بياخد لنش لآن بحب ياكل من المدرسه ..
وهو طبعا بيعرف شو ياكل وشو لا ... لما بكون الآكل مو مناسب عندهم او فيه جيلاتين آو لحم غير الجاج بياكل بينت بتر آند جيلي ساندويتش آو آي سناك تانيه ..
برتاح نص ساعه وعالآغلب بغلي قهوه يمميميميمم وبلتف بالحرام
" يعني بغطي حالي ببلانكيت خفيف لآن الغرفه باااااارده الصبح والجو بشكل عام بارد ، وبعد عالمنتدى شي نص ساعه لبين ما يصير موعد تفييق آخواته على 8 تقريبا ... بقوم بفيقهم وبخليهم يلبسوا ويغسلوا وياكلوا ووووو<<<<<<< الخ هالكليشات ....
وانا بغير ملابسي واذا مالي خلق بلبس غطا الصلاه << طبعا بستحي اطلع لبرا بهالمنظر ،وبكون لابسه تنورة وجرابات سماك مشان اطلع معهم واستنى الباص وآمن عليهم الآمان بالله آنو راحوا فيه ...
بيجي الباص 8 و40 دقيقه << وانا طاير عقلي بهالتوقيت هون بمدينتي هي .. بالعاده آكتر شي بيتآخر الباص للسبعه ونص .. آما هون نعمه الحمد لله ... الولد بفيق براحته وبياكل وبليبس براحته وبتكون الام مصحصحه شويه ..
لما بطلع معهم عالباص بلاقي الدنيا ماشيه وطايره كمان مو ماشيه ... ناس عم تركض بالشورت والسوترز < بالله شو هالتناقض هاد " وناس راكبه بالسياره وعم تستني الباص لتنطلق .. هالمنظر بخلي الواحد بستحي على حاله لو لساته مكسل وقاعد ... برجع بفوت عالبيت بفتح الجلايل والستائر وكلشي ... وبسخن قهوتي اللي بردت وبرجع بشربها ..<< عفكره قهوتي بسخنها شي مرتين 3 لآن بحبها سخنه .. وما ببلعها بارده ..
بعدها بفيق ابني الصغير الله يحميه عمره سنتين ... وهون لازم يضل نص ساعه بحضني لبين ما يصحصح الآفندي ويروق مزاجه ... بفتحله على بي بي اس كيدز مشان يروق ..http://pbskids.org/ " هالقناه روعه ... للكبار وللصغار ... يعني لعمر ١١ بتضل ممتعه ومسليه ..
بكون طالع سوبر واي
و وورلد وورلد << كتييييييير حلو وتعليمي جدا
http://pbskids.org/wordworld/index_flash.html
... وبعدها كات ان ذا هات <<< حلو وآنا بتفرج عليه ،
وبعده <<جورج هاد كتير حلوه وانا بتفرج عليه كمان ...
المهم ... بخلص قهوتي .....وبطعمي ابني .. سيريل آو بطاطا مشكله : " بحب البطاطا بكل آنواااااااعها
يا آما بسلقها وبعدين باكلها مع رشه ملح ونعنع يابس وزيت ريتون ... يا بعملها سلطه مع بندوره وبصل وبقدونس وليمون ..
يا مكعبات بطاطا مقليه مع مكعبات مرتديلا << آحيانا بكترهم مشان أكلهم آنا ، واحيانا بيض مقلي مع بندوره وخيار ، وجبنه ولبنه وزيتون ......وباكل انا واياه ... بعدها بقوم لشغل البيت ... لو كنت مروقه ببلش من فوق لتحت ... يعني بطلع على غرف النوم بساوي السراير وبنظف الغرفه وبفتح الشبابيك لو ما الجو برررررررد ...آو بفتح نص شباك ..وبفضي سلل الزباله وبنزل الغسيل معي لتحت << مشوار الله يعين ...
بتاخد معي ساعه تقريبا ترتيب وخصوصا خزانه ملابس الولاد ربي يهديهم ويصلحهم اللي بيخربوا كلشي بلمح البصر ..
وبعدها بنزل بشوف المطبخ وغرفه القعده ..وكل مره بعمل شي مختلف ... مره بكنس الآرض وبلمع البلور والطاولات وبفضي الكاونتر بالمطبخ كلو ..ومره بساوي بس الضروري الضروري ... وهكذا ...
بعدين بعد بفكر شو بدي اطبخ ... بشوف الفريزا والبراد شو عندي خضر تازه آو مفرزه ... وبقرر ..وبطالع اللحمه آو الجاج من الفريزا ليفك تفريزه .. مشان استعد للطبخ على ٢ تقريبا ...
بيجوا ولادي ٣ ونص .. الله يحميهم دغري ببلش المشوار التاني ... ضبوا الصبابيط والشناتي بالخزانه المخصصه ... وليفوا ايديكم والبسوا ملابس البيت ... الخ الخ
واحيانا بغديهم لو ابوهم مطول .. واحيانا منستني سوى رجعه زوجي ومناكل مع بعض ... اللهم لك الحمد ولك الشكر ..
طبعا حسب الطبخ لو كانت الطبخه ما بحبوها الولاد " وتقريبا كل الاكل " ربي يهديهم ويصلحهم بعملهم معكرونه آو سباكيتي مع ميت صوص
آو بريغو صوص .. كتير طيب جربوه نصيحه
آو لزانيا بالسباكيتي عالسريع ... آو بعملهم تشيكن باتيز جايبتها من عند العربي كتير طيبه
.. واحيانا بعملهم تشيكن نوغتز ... يعني شي سهل ويمشي الحال ..واحيانا بجرب عضلاتي معهم وبجبرهم عالآكل معنا .. وطبعا ما بيخلى الامر من شد الآعصاب والتوتر ...
آحيانا بتجيني ايام بطبخ اكلات سهله كتير وسريعه .. يعني فول مقلى آو فاصوليه بالزيت آو بمشيها باللي موجود ...بس بعدين بعمل اكله مرتبه ومحرزه
وبطالع الفرق .. هههه
بعد الغدا منشيل الغدا والصحون ... وبحط ابريق شاي عالنار ... طبعا زوجي ما بيلحق يشرب شاي بكون ار بسابع نومه ... الله يعينه ..
بشرب شاي وبصير وقت الكراتيه للآولاد بوصلهم ..آو اذا مافي بخليهم يطالعوا الوظايف ومنبلش بكتابه الوظايف والحفظ وووووووو ... شي ساعتين تقريبا .. من فولدر لفولدر ومن بلانر لبلانر ... وبعدين منطالع وظايف العربي والقرآن ومنعمل فيهم كل يوم شوي مشان مدرسه السبت ...
وبهالآثناء بكون ابني الصغير الله يحميه عم يخرب الدنيا ويشلح اخواته الآقلام والوراق .. وبعد معارك وطيسه منعطيه اقلام ودفاتر وكذا .. وبتخلص المعركه برسوم خياليه عالحيطان ...:icon33::icon33:
بعدها بفيق زوجي وبعمله قهوه مرتبه ... وبعدها بتبلش طلبات الولاد .. تشوكلت ميلك وبان كيك وزعتر وفواكه وسناك ووووووووووووو.... الله وكيلكم المطبخ بينتلى صحون وكاسات وفناجين وكياس مفتوحه وكذا ...وبعملهم سندويشات زعتر وجبنه وكذا .. وبيتعشوا
بعدين بفوت عالمطبخ وبحاول ضب كلشي واجلي ورتب .. " اذا فيني حيل طبعا "
بعدها منخلص عالستعه ونص الكل لازم يكون بتخته ونايم ... ما عدا أخر العنقود ... لازم يضل شوي معنا ... بعدها بحطو بتخته وبضل معو لينيمني آول ...
بعد ما ينام بآمان الله ورعايته وحفظه . بنزل بلاقي كمان في طلبات ... عشاء ...:icon33:
بقى حسب المزاج آحيانا حواضر عاديه :لبنه وجبنه وزيتونه وشاي ..
واحيانا بيض مقلي او نقانق آو شي زفر خفيف ..آو اذا كان عندي مسبحه " حمص " بكون يا سلالالالالم
وبعدين بقرا الآذكار تبعي قبل النوم ولو معي وقت بقرآ بكتاب حاطتته بجنب مخدتي ... ما بلحق صفحتين تلاته بكون بسابع نومه ..