السلام عليكم بنات
الله يسهل لكم حملكم وولادتكم ولنا

ابغى اسئلكم سؤال؟
كم طول عنق الرحم الطبيعي؟؟

وانا عندي عنق الرحم 2.6 والدكتور قالي اربطي
علما في اطفالي الاثنين ماربطت بس نزلت مني موية قليل وادوني
مثبتات وكملت الحمدلله

تنصحوني اكمل بالمثبتات؟؟؟

ولا اربط؟؟

ومين نفس حالتي وربطت؟؟

الله يسعدكم الي تعرف تجاوبني

وربي يتمم لي ولكم على خير

السلام عليكم ورحمة الله وبركاته
صباح الخير
قبل لا اكمل لكم الجزء الثاني حبيت اشكركم على الترحيب وماقدر احط أسماء لاني ماحفظتها للحين
نرجع للقصه :
مثل ماقتلكم امس لما صار اللي صار رحت للعمره وهناك دعيت الله سبحانه انه يمسح على قلبي ويعوضي خير عن اللي فقدتهم ورجعت الدوحه مش مثل ما رحت رحت حزينه ومكسوره ورجعت فرحانه وقويه وغمرني شعور ان الله ماراح يتخلى عني بما اني لجأت له دون سواه وحبيت اقولكم ان انا من طبعي ما أحب ابين ضعفي وأنكساري جدام أي مخلوق حتى ان بعض المدرسات لما شافوني صاروا يقولون شدعوه ما كأنك فقدتي اثنين بعلاج وبعد انتظار 7 سنين وأولاد بعد ؟؟صج قلبج قوي ؟؟ يعني بعد ماسلمت من لسانهم :icon33:
وفي يوم من الايام فجأه وانا في بيتي الصبح ماعرف شلون لبست عباتي ورحت اعمل موعد لمحاوله انابيب ولما رحت هناك عند عامة الاستقبال قالتلي مافي مواعيد قتلها الا لازم اسوي الشهر الجاي وهي تقول يا مجبوس والله المواعيد زحمه - هي تعرفني والكل يعرفني لاني زبونه دايمه هناك خخخخخخ - وانا وياها نتكلم جات ويلما اللي هي الممرضه كأن الله سبحانه باعثها لنا وتسأل شفيكم قالت لها مجبوس تبي موعد ومافيه جان تقولي لا فيه الحين توها اتصلت مريضه وكنسلت موعدها وانا جايه احبر الاستقبال احجزيه بسرعه - مع انه المفروض يروح لاول وحده في لستت الانتظار لكن لحكمه يعلمها الله عطوني اياه وقالولي تحملي تعلمين احد
وعملت العمليه وكان طول فترة الانتظار يجوني امي وابوي - الله يرحمه - واخوي واخواتي وخالتي وبناتها يعني ما خلوني بروحي تاكلني الافكار والهواجيس يجوني كل ليله نتونس ونسالف ونتعشى مع بعض وعلى فكره كل محاوله اسويها هم يسوون نفس الشي وجا يوم التحليل وبعثت اختي تجيب النتيجه - انا ماحب اروح اشوف النتيجه ابدا - وكلمتني تبكي وتبشرني والله والله لو اقولكم شكان احساسي تلك اللحظه ماقدر اوصله لكم بكيت بشكل هستيري وانا اصارخ بكلمة الحمدلله بس الحمدلله ويوم تقولي كأن في عقلي غرفه مسكره وكلمة انتي حامل هي المفتاح اللي فتحها تدرون شكان في الغرفه ؟ عيالي اللي ماتوا انا رفضت اني اشوفه ورفضت اي احد يكلمني عنهم يوم دريت اني حامل حسيت اني قاعده اشوفه واني ربي ماراد انه يحرمني وعوضني عنهم
الغريب في القصه اني حملت في نفس الشهر اللي حملت فيه بأولادي اللي ماتوا في نفس الوقت والظروف كأنه شريط وينعاد
وجا يوم التلفزيون اللي يشوفون فيه نبض في الجنين ولا لا وانا كنت تقريباً متأكده اني حامل بتوأم لان قلبي يقولي انهم توأم وفعلاً طلع احساسي صح كانوا توأم لكني بصراحه مافرحت بهم فرحتي باللي قبل اول ما قالولي توأم مسكني روع مش خوف لا روووووع عليهم خفت يصير لي نفس اللي صار اخر مره
رجعت بيتي وصرت سجينه فيه ابدا ماطلع الا للمواعيد ومن السرير للصاله للحمام بس وقتلهم ابي ربط ورفض دكتوري :mad: قالي انتي جسمك حساس جداً من اولادك التهب جسمك فما بالك ربط يعني جسم غريب ؟
اصريت ورفض :icon33:قلت الخيره فيما اختاره الله وفي يوم ما انساه كان يوم اربعاء حسيت بثقل غريب والم وطيران على دكتوري الخاص جان يقولي عنق الرحم صار 1 سم بسرعه الطوارئ اعملي عمليه واروح الطوارئ وانا دموعي مطر وادخل واتصل في دكتوري اللي بالحكومي وأزفه واصرخ عليه واجرجره بالليل يجيني و جا مسكين على وجهه واعطيه كم كلمه حلووه:mad: ويعملي تلفزيون ويلقى عنق الرحم مسكر وطوله 3 سم ؟؟
ومن داك اليوم ادخل المستشفى وما طلعت منه الا بعد 3 شهور ونص ؟؟ نعم كنت نزيله بالمستشفى مش تقولون انتوا موسوسين لا حبايبي انتوا جنه عندي وكن التجمع فعلاً يخفف علي ليالي المستشفى جبتلهم الجنان في المستشفى كل شوي عملت جرس واصيح بطني يعورني الا راسي لا البيبيات ما يتحركون وعلى هالمنوال وهم ما يقدرون يقولون شي لاني حاجزه غرفه خاصه يعني على كيفي اتأمر عليهم وكنت كل اسبوع مسحه وتلفزيون وفي الاسبوع 23 لقوا الرحم مفتوح من داخل على شكل الرقم7وعملولي ربط متأخر - نسيت اقولكم ان دكتوري يوم اروح الطوارئ بعد رفض الربط وانا استخرت وطلبت من الله ان ادا كان فيه خير ييسره وادا كان شر يبعده وسبحانه سخره لي في الوقت والظرف المناسب -
ويوم بديت احس بالامان صار لي شي ماكان على البال مات ابوي - الله يرحمه ويغمد روحه الجنه - مات فجأه فجر الجمعه قبل عيد الاضحى بـ 4 ايام مات وانا بعيده حضرت اول يوم العزا اصريت اني اطلع ودكتوري ماسك فيني يقول لا تروحي الحزن مش زين لك وانا الا اطلع واروح واشوف امي وخواتي ويجيني انهيار عصبي وابتدي اصيح بشكل هستيري ويرجعوني المستشفى غصب عني ويركو التخطيط علي ويلقون ان فيني طلق وبسرعه يركبون علي مغدي ويعطوني تحميله ويهدأ الطلق وتمر الايام وانا في غرفة المستشفى وناستي الوحيده لما يروحون زوجي واهلي عني تلفوني افتح التجمع واشاركهم من بعيد يعني بس اقرا قصصهم واقول لو دروا عني شبيقولون؟ ولما وصلت السابع طلعت من المستشفى كنت مثل السجين اللي عفوا عنه لكن والله لو اقول لكم ماراح تصدقون كنت خايفه اطلع :icon33:وزوجي فديته هو اللي اصر اني اطلع كنت في خوف مش طبيعي قالي الحمدلله انتي في السابع الحين يعني عديتي الخطر ودكتوري يقولي خلاص طلعي \بحتينا خخخخخخ وحرام عليج زوجك تدفعيه فلوس اول كنتي في خطر الحين خلاص واطلع وارجع لبيتي وولدي لقيت مستواه نازل في المدرسه خبركم الاب مهما كان مش مثل الام وانا في نص السابع جاني طلق مبكر والمدلله سيطروا عليه واستمريت على ه\ا الحال مواعيد بس:icon33:
لحد مادخلت الثامن فجأه كل الخوف راح سبحان الله ولا كأنه صار نسيت كل الخوف والتعب :hahaha:وبديت اطلع بس في السياره نتمشى :arb: وخليت اختي هي اللي تجهز كلللللل شي ومانسى يوم رحت انا وزوجي وولدي نتمشى جان نروح مادركير مانسى الفرحه في عين زوجي وولدي شرينا اشياء نبيها ومانبيها من الفرحه وفي يوم 1\2 \2011 كنت قاعده الصبح مثل عوايدي وانتو اخبر بالنوم في الثامن ضربت نفسي ابرة السكر وفطرت مع الغوالي - زوجي وولدي - وضحكنا شوي وراحوا ولدي مدرسته وزوجي شغله حسيت بحركه غريبه في بطني ومش الم لا كأنه كهربا في بطني وكنت في الاسبوع 34 ورحت الحمام لقيت شي في ملابسي عزكم الله مثل الصمغ واتخرع وركض على المنتدى وقريت انها سدادة الرحم واروح المستشفى ويقولون فيه طلق لكم الربط مش مشدود يعني الرحم مرتخي ويحطونلي التخطيط وقالوا ادا خف راح نرفعك غرفه لكنهم لقوا نبض البنت بدا يضعف ويعملون لي قيصريه مستعجله ويولدوني والله سبحانه عوضني بأحلى بنت وولد :04::04:هنا تدكرت قوله تعالى لإن شكرتم لأزيدنكم
هدي هي قصتي و***** الله تكون لكم عبره وتاحدون منها الامل

حبيتي / ليت أني شاعره / انتي صار لك مثلي كل ما قلت بأربط يطلع لي شي يمنع العمليه وكل هذا لحكمه ما يعلمها الا الله انا كنت احن على الربط من الاسبوع ١٤ وسبحانه يسره لي في الاسبوع ٢٤ يعني الله سبحانه سخره في وقته المناسب بعني لو كنت عاملته قبل يمكن كان تجد أمور !! توكلي على الله والخيره فيما اختاره الله

غلا روحي / ***** الله ماعليج شر بوز البطه اذا مره وحده مافيه ضرر وحته لو كل مره مايضر بإذن الله لان عنق الرحم اساساً مربوط لكن إحنا نفسياً نخاف وفيه ترا نوعين من المسحات مسحه عاديه اللي ياخذونها بدون بوز البطه وفيه نوع اسمه ( high viginal swap ) وهذا النوع أدق من العادي

صباح الانوار

الحمدلله بخير من رب العالمين

وان شاء الله نتواصل مع بعضنا حتى بعد مايكونوا النونات في ايدينا

انا جهزت والحمدلله بس باقي شغلات بسيطه

جهزت ملابس النونو وملابسي ان شاء الله انزلها لكم اول ما ارجع بيتي لانها في بيتي وانا عند اهلي

نصيحتي ياعسوله تكتبي مقاضيك في ورقه وتنزلي السوق وماتسوي مثلي نزلت السوق واحترت ايش اخذ

والله يدوم الاخوة والمحبة بيننا



صباح الورد

عن نفسي بخير والحمدلله

لازم تتغذي كويس وترفعي نسبة الهيموجلوبين في دمك

وان شاء الله ربي يتمملك ع خير

والله ياعسوله انا افتقد الغايبات لما اكون بيني وبين نفسي ولما ادخل التجمع انسى اسأل

وبعد ما اطفي الجهاز افتكر واتعجيز افتح الجهاز مره ثانيه

والدليل ع كلامي اختنا aleeen غايبه لها مده وكل مره ادخل ابغا اسأل عنها انسى

واليوم تذكرت بعد كلامك

ان شاء الله تكون في صحه وعافيه وننتظرها تطمنا

ومثل كلام الجوهره احنا صرنا اخوات

والله اخواتي مايدروا ايش يصير معايه

الله يديمها علينا ويتمم علينا ويرزقنا ذرية صالحه ياااااااااارب

وعليكم السلام ورحمة الله وبركاته

هلا وغلا اختي

بالنسبه لطول عنق الرحم الطبيعي 4سم

وانتي عندك 2.6 يعني اقصر من الطبيعي

نصيحتي لك يا اختي تستخيري وتربطي وماتجازفي في نفسك وفي اللي في بطنك

بنت عمي مثلك عندها ولد وماكانت مسويه ربط وولدت في التاسع يعني كل شيء كان طبيعي عندها

وولدها الثاني ربطت وتم حملها ع خير

يعني مو شرط انك حملتي اول مره بدون ربط يكون حملك الثاني كمان بدون

فيه بنات في التجمع مثلك

وانتي عندك مشكلة نزول المويه بس ماقلتي اذا كانت تنزل عليك قبل التاسع

عموما يا اختي استخيري واربطي

الله يكتبلك الخير ويتمم حملك ع خير