حبيبت عادل :

والاكشن الي صار بالمستشفى كنا مجموعة حريم جالسين بالانتظار كلن لاهيه بشي ودخلت حرمه تمشي بشويش وجلست بكرسي جنبي وبعدين فجاءه وبدون مقدمات جلست تصيح وتشاهق كلنا رفعنا روسنا وناظر بعض مفجوعين ونظراتنا تتسال وش فيها ومرت ممرضه وشافتها وجلست تكلمها عاد انتم تعرفون طريقة الممرضات بالكلام يمططون كلامهم ايش فيه ماما ليش انتي يبكي بيبي فيه شي وجت ممرضه ثانيه يحاولون فيها والحرمه كان معها اوراق اخذو الاوراق يقرونها قالو هذي اشاعه ماما موعدك الضهر مو الحين ايش فيه ماما والحرمه تصيح ماترد عليهم راحو بسرعه وجابو عربية الضغط وقاسو ضغطها طبعا مرتفع ويقولون لها خلاص هدي الضغط مرتفع مو كويس وقالو لها يالله قومي الحين لغرفة الاشاعه يبونها بس تهدا شوي وهي بس تصيح والحريم اذكري الله قولي لا اله الا الله لا حول ولا قوة الا بالله وهي بس تصيح الممرضات راحو يشوفون شغلهم وهي جالسه تصيح شوي وقامت مشت خطوتين الا طاحت عند اول باب من ابواب العياده وجو الممرضات يتراكضون والدكاتره طلعو من غرفهم والي تقيس الضغط والي السكر ويشيلونها ويحطونها بكرسي متحرك والاستشاريه تكلمها والممرضات يهدونها وهي تصيح بقوه مو عارفين وش فيها بس تقول انا تعبانه قالت الدكتوره انا ما اقدر اسوي لك شي هنا وانتي ضغطك مرتفع لازم يودونك الطوارى وهي تقول لا موعدي مابيه يفوتني وبالموت الممرضات اخذوها على الطوارى طبعا تعطلت العيادات وحنا جالسين نشوف الاحداث ومفجوعين وراحت ولاحد يدري وش فيها وكلن يخمن من راسه الي يقول يمكن عمدهم حالة وفاة بالبيت والي يقول يمكن جنينها فيه شي والي يقول يمكن هي طلع معها شي ويالله هاتك من التخمينات والمشكله يسالونها الممرضات من جابك من معك تقول مامعي احد والله غريبه هالحرمه

والاكشن الي صار بالمستشفى كنا مجموعة حريم جالسين بالانتظار كلن لاهيه بشي ودخلت حرمه تمشي...