شلونكم بنات
فيني الصيحة
معزومة على الفطور اليوم
وهوشة مع زوجي لأني ما أبي أروح
وهو يقول لازم تروحين
العزيمة عند أخته
هي مقدرة وضعي وقالت لي إذا ما جيتي ما راح أزعل
بس هو ما أدري شفيه أول مره يسوي
كذا ويلزم على شئ تافه
ما أدري ليش

خيتووو اهات ..

هونيهااا وبتهون ان شاءالله ..

واذا على العزيمه .. ريحي بالك الحين ..

واذا جاء وقت العصر كلميه باسلوب .. واذا مره مسكت معاه روحي

وخلي بالك انك بتغيرين جو .. وخبريه ما تتاخرون بالعزيمه واطلعوا بعدها تمشوا ..

بعض السوالف تضيق بوقتها والطفش وبعدها تمشي الامور ..


والحين اذا مو نايمه خيتوو اقري المصحف بيشرح صدرك اكيد ووكلي امرك لله سبحانه ..



نووومي ابد مو شي مع القلق والتفكير
والله يعين 

مساكم الله بالخير جميع

شلونكم



خيتو آهااات سوي مثل ماقالت لك خيتوو محبوبة وإن شاء الله من الحين للعصر تكون تعدلت نفسيتك

وإذا ملزززم أبو الشباب على روحتك روحي وأنا أختك وحطي ببالك إنو شايل همك إذا طلع وإنتي وراه لاتتعبين وإلا يصير لك شيء مسكين يحاتيك ويبيك تحت عينه لو صار معك شيء يفزع لك من قريب
وبعدين ياأختي الأخ يبي يكشخ فيك قدام أهله يعنني زوجتي معي << فيس مغرور أبو نظارات سوداء خخخخخخخخخخخ

الله لايخليك منه ويطول لك بعمره ويحفظه لك ويحفظ لنا أزواجنا وأهالينا وأطفالنا

السلام عليكم كروشآآت

أخبآركم ؟؟

النفسية لكم عليهآ لاني بتنفس بشقتي وشايلة هم النفاس

وأمي مو معآي .. مع أن أهل زوجي مارآح يقصرون بس تعرفون الوحده لجلست في بيتهآ

تشيل هم النفاس والبيت والنآس وغيره من الأمور لانهآ في بيتهآوأحآتي بعد بنتي مع النونو الصغير كيف بجلس مع الثنتين ههههههههه الله يستر بس ههههههههههههه .. الله يعين بس ويآرب تمشي أموري تمآم

وربي شآآآيله هم حيييل ماأبي أكلف بعد على أحد الله ييسرهآ من عندهآ ..

وماأبي أولد برمضآآن خآيفة يجيني أكتئآب لان جو رمضآن غير سبحآن الله ماأحسه يصلح للنفآس

ولاااا الأخ يقولي شكلك على 18 أو 20 والده قلت ليش من بيفضى لي برمضآآآن بجلس لحآلي

تهي تهي تهي ... الله يكتب لي الخير يآآآرب ...

دعوآتك لي خوآتي يسهلها من عنده

وعليكم السلام ورحمة الله خيتوو الجوهرة

عاد إنتي حالك أرحم من حالي مليووووووون مررة لكن ماأقول غير اللهم لك الحمد على ماقدّرته لي
راضية بقضاءك ولك حكمتك في ذلك سبحانك

أنا في غربة يعني لا أمي ولا أم زوجي ولا أحد غير رب العالمين ثم زوجي

وكمان حاولت جاهدة أجيب لي شغالة ومايسّر لي ربي ذلك

مجرد شغالة تجي تنظف البيت متى ماأدق عليها وتكوي الملابس وتروح لكن أنا كنت أبي شغالة عندي بنفاسي تقوم فيني وفي النونو وأعلمها على أكلات النفاس
بس ربك ماكتب لي .. ألف حمد وشكر لك يارب

زيني نفسيتك وأنا وخيتك مابها الدنيا شيء مستاهل الكدر دام لك رب كريم ومن كرمه ورحمته أنزل لنا كتابه الكريم علاج لضيق صدورنا :)

مادام أهلك بخير وزوجك وبناتك وإنتي بخير وأهل زوجك حولك الحمدلله فأنتي في نعمة عظيمة إحمدي ربك عليها ليل نهار

شوفي وش عندك موجود ولاتفكري بالناقص والمفقود وراح تلاقي نفسك بجنة بإذن الله


ربي يشرح خاطرك وخواطرنا ويعمر قلوبنا بذكره