فيونهـ

ما تشوفين شر يارب لا انتي ولا البيبي ان شاءالله

فديتج اول شيء استخيري وبعدها اتوكلي على ربج

وان شاءالله امورج بتكون طيبه انتي والبيبي

وعقبال ما تقر عيونج بشوفته وانتي وهو بصحه وسلامه ان شاءالله..



لؤلؤة البر

ماتشوفين شر يارب

ريحي ظهرج وان شاءالله يخف منج الألم..



newgirl2009


هلاااااااااا وغلا

والحمدلله على سلامتج ياقلبوو

اوكي فديتج ننتظر تفاصيل فك الربط:27:

والله يهون عليج الولاده يارب



danaa111


الف الف مبروك يالغلا

دخولج الشهر السابع عقبال دخولج الشهرالتاسع يارب

وعقبال ما تقر عيونج بشوفت البيبي وتقومين انتي وهو بصحه وسلامه ان شاءالله..


احلى شعور

الف الف مبروك لاختج وبنت خالتج

عقبال ما تتجهزين لعرس بنوتج يارب:04:

بالنسبه لي اشوف اللون الموف حلو


تبوله بلدي

جزاج الله خير يارب

والله يسمع منج يارب


رأي حر

حبيبتي في اخر اسبوع في الشهر السابع

اطلعي وتشري للبيبي مو لازم تطلعين يوم واحد وتشترين كل شيئ

اطلعي كل اسبوعيين مره وتجهزي وبالمره غيري جو والنفسيه راح تتعدل ان شاءالله الثقل لا تتكلمين عنه بصراحه الشهر الثامن مره فضيع وثقيل الله يسهل علينا يارب..


smily547


وعليكم السلام

الحمدلله بخير..اخبارج انتي والبنوته.؟

الحمدلله على سلامتج وسلامتها

والله يوفقج يارب في الامتحان ..

السلام عليكم ورحمة الله

مساء الخير يابنات اسفه على التاخير بس ماحبيت ادخل البيت بدون ما اطمنكم المهم القصه بالتفصيل

موعد التنويم كان اليوم الصباح في مستشفى سعد بالخبر عند الدكتوره حنان السبيعي 7ونص نمت امس بالموت الساعه 2 وقمت 5 نومه 3 ساعات زي الزفت المهم قمت على مغص مو تقلصات امعائي ومعدتي زي اللي دخلني هوا المهم ماقدرت اتحرك الين جت الساعه 6 ونص وانا الله يعزكم ابي ارجع شي بصدري حار زي حموضه تبي تطلع المهم انا عند اهلي كلمت زوجي وقلت ماني رايحه اخاف تجيني ولاده وانا بموت من بطني قعد يقنع فيني المهم قمت وتسبحت واستشورت ولبست وطلعت لحالي مع السواق وامي كانت تبي تجي بس عييت قلت اذا احتجتك بناديك خلاص اساسا تعودت على التنويم صار المستشفى كله يعرفني المهم

دخلت متاخر 8 ونص واخذو نص ساعه عشان يضبطون اوراقي ويوقعوني على اوراق التامين وبعدين دخلوني غرفه وسيعه توقعت بيفكون فيهاالربط طلعت مو هي ماحطو لي تخطيط ولا شي طبعا كل هاذا زوانا لحالي وزوجي بالدوام يوم جت 11 ونص نقلوني غرفة فك الربط وحطو لي التخطيط من 11 ونص الى 12 وجا زوجي وطول هالمده ماشفت الا الممرضات ولا دكتوره بعدين جت الدكتوره لواء الله يسعدها مره طيبه وبشوشه رائعه جدا المهم قالت ننتظر الدكتوره حنان لانهم الثنتين بيفكون الربط لاني ربطتين سالفتي سالفه

المهم اللي حصل جتت الدكتورتين الساعه 12 و45 دقيقه وعلى طول رفعو رجليني على هاذاك الشي (قمة الاحراج)دكتورتيم مو وحده خخخخخ
ةدخلت يدها الدكتوره حنان عشان الربطه الطوق طبعا كنت شاده وكان مؤلم بس يعتبر شيل الطوق رحمه جنب فك الربطه الغرز
وشالت الطوق في 10 ثواني ماخذت وقت مع اني كنت شايله همهااكثر من الربطه الغرز

المهم جا دور الربطه الغرز وكان فكها على لواء لان اساسا ماتسوت الربطه عندهم عند اميمه بالمانع يس مواعيدهم زفت فنقلت عند ححنان المهم حطو لي حديده زي فم البطه يدخلونها وبعدين يفتحونها بحاجه زي المسمار بمعنى تثبت على نفس الاتساع عشان المهبل يكون مفتوح وتشوف الربطه المهم ما كانت كفايه احتاجو حديده اكبر وطلعو هاذي ودخلة ثانيه طبعا انا شاده طول الوقت ودخلو اكبر منها هنا انا قعدت اصرخ المهم فتحو قعدو يقولون الغرز مو حنا اللي مسوينها لازم نشوف كم عقده ومادري كيف المهم وانا اصيح خلصتو خلصتو وهم يقولو لسى مابدينا المهم لما شافوها قطعوها وبعدين طلعت كل شي ودخلت يدها تحوس تشوف باقي شي المهم خلصو الساعه 1 وعشر بغيت اموووووووووووووت بس لانهم طولو عشات ما يعرفون الغرز وانا خوافه ودرجة التحمل عندي ضعيفه جدا يعني اتوقع ان عند كثير من الناس محتمل لكن انا خوااااااافه فلاحد ياخذ بتجربتي مقياس خاصه انهاا ربطتين

المهم نزل دم بني واحمر نقاط حق فوطتين بس كم نقطه الله يعز القاري والحين نقط نقطتين بالكثير

بدا معاي الم شديد لمدة 10 دقايق بعدين خف ماجت الساعه 1 ونص لا وانا اسولف عادي مافي الا الم الجرح والم مكان تدخيل الحديده بس مافي تقلصات
المهم ماكان فيه تخدير العمليه المفروض 5 دقايق لكن بالصراخ والشد زادت 10 دقايق المهم حطو التخطيط يقولو ساعتين اذا ماطلع شي تطلعين البيت بس يوم شافو ان بعد ساعه بخير مافيني شي طلعوني بعد ساعه يعني خلو التخطيط ساعه

افتكيت الحمد لله وعقبالكم وسلامتكم

اعذروني على اسلوبي يمكن ملخبط شوي بس انا عند\ اهلي وازعاج ماني قادره اكتب برواق

بنات من يذكر كم قعدت دانه وام ايزو بين فك الربط والولاده

newgirl2009


الحمدلله على سلامتج يالغلا

عقبال الولاده الميسره يارب

انا سألت الدكتورة يوم كانت ناويه اتفك لي الربط وانا رفضت قلت لها خليني لين ادخل التاسع قالت بدون بنج ولا تخدير وقلت لها يعور يقولون قالت لا ما يعور ما ادري اتقص علي شكلها ههههههههههههههه:hahaha:

المهم يا قلبي سلامتج وسلامة البيبي عقبال ما تقر عيونج بشوفته يارب



بالنسبه لدانه وام ايزو مو متأكده بس اعتقد بعد اسبوعيين ولدوا

نيوقيرل والله عورني بطني من فك الربط
الله يعين
انا مثل حالتك اللي سوت لي الربط سافرت الحيناجازة
ان شاءالله ترجع وتفك لي الربط هي لأني خااايفة

ام ايزو ودانة والله اعتقد اسبوعين