معليش قطعت الرد البيبي يصيح تونا مطهرينه البارح ويتالم حبيبي


المهم بعد ماصليت جلست بروحي قرات سورة مريم بعدها حسيت بجوع رحت لزوجي قلتله روح البقاله مشتهيه كيك سوسرول وحليب السعوديه وابي بعد ايسكريم اودعه قبل مااولد ضحك قال يعني خلاص اعترفتي بتولدين:hahaha:
قلت ايه بس عجل بالاغراض جوعااااااانه
اخذ الاولاد وراح
وانا شلت التلفون واكلم سلفتي ابي اتناسى الالم سبحان الله وانا اكلمها نزلت المويه وقفت الا هي تصب انجنيييييييت
قفلت وقمت اتصلت على زوجي وقلت له تعال بسرعه مابي شي ودخلت الحمام فكيت المويه الدافي وتحممت لين وصل زوجي لبست وطلعت والمويه تسيييل وانا خايفه ورجولي ترجف شافني وصار مثل المجنون مايدري وش يسوي كلنا مرتبكين :09:ونزلت اولادي وهم يصيييحون وماسكين عباتي طلعت جارتي وبنتها واسحبوهم بالقوه واركب السياره
اول ماطلعنا من الحي الا نصادف حادث وزحمه والطرق تقفلت صارت المويه مثل النافوره وصلت بطني وبللت السياره حتى ظهري وصلت الميه وكانت تدفع اكثر كل ماجت الطلقه زكان الطلق كل عشر دقليق دخل زوجي بالحواري
وانا ماسكه على فمي وشاده اعصابي مابي زوجي يحس يوم ضرب بالمطبات والحفر صرخت :11:وقام يضرب على الدركسون ويدعي يااااااااااااارب ماتولد عندي بالسياره وصار يقطع الاشارات كله من الخوف اولد عليه وانا قول له يابن الحلال باقي بدري على ولادتي ماراح اولد عندك
ووصلنا للمستشفى وجابوا لي عربيه دخلت الطواري وركض فيني على طواري النساء جات الدكتوره كشفت علي قالت 3سم انا هنا انصدمت كل هالالم و3بس تحطمت حسيت اني بتاخر وانا ودي اولد وانفك وحطولي التخطيط
وجات تركب ابرة المغذي تخيلوا الاورده صغرت ومارضت الابره تدخل وحاولت بيديني كلها قمت ابكي من الالم والتحطيم اخر شي ركبت الابره بمكان غريب بنص الساعد والالم الله لايوريكم لايطاق قلتلها اشلون اولد وانا الالبره بها المكان قالت مدام مافيه وريد ولازم مغذي
جات الدكتوره شافت التخطيط بعد ربع ساعه قالت يالله بسرعه بنطلعك قسم الولاده الطلق حامي دخلت الكشك واستلوني قابلات فلبينيات والحمد لله كانوا مره طيبين ركبوا التخطيط وجلسوا عندي بعد نص ساعه كشفت والحمد لله يدها خفيفه مثل البلسم لقت الرحم 4سم اعطتني حقنه شرجيه بالبدايه خفت قلت ماابيها قالت هذي تساعد عالولاده ونزول الراس قلت يالله سويها بس على خفيف لان عندي بواسير والحمد لله ماحسيت فيها بعدها قومتني الحمام عشان تنظف البطن وفعلا زاد الطلق ولاحظت ان الم الطلق يحتمل وانت جالسه اكثر من لما تكوني مسدوحه
وطلعت من الحمام الله يكرمكم كشفت علي لقته 5سم قلتلها شكلي مطوله اعطيني مخدر ودقتني ابره مسكنه وجابتلي الكمام المخدر قالت بس وقت الطلق استعملي الكمام وانا ماصدقت خبر كنت اشفط من كل قلبي وقات الالم ولما يخف افكه واقعد ادعي وحسيت مثل الضرب بمعدتي سالتها ليه قالت هذي رجول البيبي قاعد يدف نفسه ياحياتي حتى هو يتعب
جنبتني عاليسار وزاد الالم مره الله يكتب لي الاجر وجت كشفت عالساعه 10لقته 7سم قالت ممكن اسوي توسيع قلتلها سوي امري لله ابي اخلص ووسعت الرحم بيدها ورجعتني على جنبي اليسار والساعه 11وربع حسيت بضربة الطلق وانسدحت على ظهري واتنفس بعمق والضربه الثانيه قلتلها البيبي بيطلع تعالي لما شالت الشرشف صرخت قالت يالله حبيبي البيبي نزل الراس وحطت رجولي علي العمودين التكايه اللي بالجنب وقالت دفي وبدات ادف يعني اخذ نفس عميق ثم احبس وادف كاني بالحمام بس اقوى دفيت المره الاولي ووقفت ولما بدات الطلقه اللي بعدها دفيت بقوووه
ونزل الجنين اخيييييييييييييييييييرا طلعوه وقعدت احمد ربي واشكره ونزلت رجلي من التكايه وصرخوا الممرضات
لا يامدام بتموتي البيبي لان رجلي بغت تجي عليه بس مسكوها ونظفتلي وقالوا ماتحتاجي خياطه بس اصريت يسوولي لان بولدي الثاني ماسويت وجات الدكتوره خيطتلي وشلت الجوال وبشرت زوجي واهلي ومن كثر ماني مستانسه ليلتها ماقدرت انام ودوني التنويم الساعه 2باليل ومانمت الا الصبح من الفرحه ياربي لك الحمد

وتوته توته خلصت الحتوته:icon28:


بنات اهم شي النفسيه لاتخاااااااااااااااااااافون صدقوني تعب ساعه وينسي تدربوا على طريقة التنفس والدفع وحاااولوا انكم ماتصارخون لانكم بتتعبوا اككثر
الله يسهل عليكم وييسر لكم ولادتكم


طبعا العريس سميته زياد
ولدت بعد ام ايزو بيوم
تاريخ 24\1\1431
10\1\2010
الساعه 11و20دقيقه مساااااااء
واللي بشركم زوجي بعد ماطلع من عندي يشركم الساعه 3الفجر

حبايبي نسيت اقولكم اني دعيت لكم كلكم وحده وحده
ودعيت لاحلى شعور بالذريه الصالحه وانا واثقه ان ربي راح يطعمها الذريه قريب وتصير عميدة التجمع من بعدنا


واعذروني على قل الدخول بس البيت على طول ضيوف والبيبي لما افضى يبدا الصياح


ابشركم رحت الرياض مع امي بعد ولادتي بعشر ايام لان اولادي بهذلوني على اخوهم فرحانين فيه يحسبوه لعبه

بس من يوم جيت لاهلي انشغلوا عنه والحمد لله جو الرياض هالايام حلو مو بارد مرره

القهر ان شغالة امي حسبي الله عليها انحاشت ولين الحين ماعنها خبر على ان امي مدلعتها مررره بس لئيمه مابين بعيتنها


بنات ولدي بسبب السكر طلع متنفخ مرررره شفته جاني احباط كانه اندونيسي لاني لما كنت اتوحم كنت باندونيسيا وكرهتم توحمت عليهم والناس قالولي اذا توحمتي على احد يطلع شبهه

يوم شفته الله يحفظه قلت بس اكيد هذا وحمي عالاندونيسييين خشمه منتفخ وجفونه منتفخه عيونه ماتنشاف بس الحيمن مرررره تغير وصار يشبهلي الحمد لله
بس اول مره اجيب بيبي وزنه صغير 2كيلوو800جرام والتنفيخ بس بوجهه

دانة والله دخلت معك جو الولاادة بغيت ابكي الله يعينك احس ولادتك جت فجئة والطلق كان قووي مرة الله يخلية لك

عاد انا قيصري ادعي لي اقوم بالسلامة وان الله يربط على قلبي ولااا ابكي لما اشوف غرفة العمليات

يالله يادانه والله دخلت جو الولاده معاااااااااااااك الحمدلله اولا واخيرا الحمد لله حمد الشاكريييييين
انا والصمت الله يقويك على العمليه

يا الله اندمجت بالقصه ياحظك يادانه ولدتي وافتكيتي عقبالنا ان شاء الله نولد ونفتك