بسم الله الرحمن الرحيم ..
بنات انا حبيت انزلكم هالموضوع بس عشان ما تفقدون الأمل بالله :26:
والله ما فكرت اكتب هالكلمات الا من غلاكم وحبي لكم
ولاني اشوف كثير منكم اللي متعرضه لحزن وظلم وهم
وودي بقصتي هذي اساعدها واعطيها أمل بحياتها
قصتي بدأت من سنه ونص مع أعز أعز أعز صدقاتي ..
انا لي صديقه قريبه مني مررره انا وياها مع بعض من أولى ابتدائي الى 3 كليه
زيارتنا لبعض متكرره وكثيره سواء تجيني بيتي او اجيها البيت
الكل في المدينه اللي انا عايشتها يعرفنا ويضربون المثل بصداقتنا
نحب بعض بجنون تقريبا شخصين بروح وحده
مافي مكان يلقونا فيه ما حنا مع بعض
انا ما استغنى عنها امها اعتبرها بمقام أمي احترمها وتحترمني جدااا
اسولف لها كل شي وماخذه راحتي معاها كأنها أمي
قبل تقريبا سنه ونص عزمتني عندها بالبيت كالعادهـ
أهلي ما يثقون الا فيهم ومستحيل ادخل بيت غير بيتهم
المهم وصلني أخوي لحد باب بيتهم وكان عندهم عزيمه كبيرهـ وحريم كثيييير
بس انا وصديقتي هذي مالنا دخل فيهم بس مع بعضنا حتى دخلت علىطول على غرفتها لاني ما اعرفهم
وقعدنا الى الساعه 11 تقريبا وبعدها اتصلت على اخوي وجاء أخذني رجعنا البيت ونمت هذيك الليله
ويوم صحيت الصبح ألقى بجوال 6 مكالمات لأمها انا انخرعت احسب فيهم شي
دقيت عليها وأول ما ردت والله يا بنات لحد اليوم والسالفه لها سنتين ما ني مصدقه اللي صار
منها تعرفون كيف بركان وانفجرررررررررررر كل كلمه وسخه واعذروني على هاللفظ قالتها لي من قذف من سب وشتم فيني وبأهلي وبعايلتي وبأبوي كل كلللللللللللللللل شي قالته قذفتني بشرفي ..
وختمهتا قالت لاعاد اشوفك مع بنتي ولا تدخلين بيتنا ..
انا وربي سكت ما ادري وش ارد وش أقول متفاجئه منصدمه شي مو متوقع ما ادري وقتها وش صار فيني المهم استمرت المكالمه 14دقيقه وكم ثانيه وقفلت بوجهي !!!!!!!!!!!!!!!!!!!!!!!
انا الى الأن ماااااااااااااااا أدري وش السالفه
دقيت على بيتهم محد رد على رقمي
دقيت على وحده خويتنا ثالثه وقلتلها دقي على فلانه واسأليها وش فيه وش صاير ؟؟
دقت عليها وسألتها وش صار ..
تدرون وقالت ؟؟
وش توقعاتكم بأ أأأأأأأأأأأأأاعز صديقاتك تسوي فيكي !!!!!!
تقول أمس يوم جتنا اللي هي انا شافها واحد من جيراننا نازله من سيارهـ مليانه شباب !!!
وجاء وقالنا انه هي
العزيمه كانت مليااانه حريم وعوايل وبيتهم كان مليان والله يا بنات اكثر من 20 حرمه عندهم
وانا ما اعرف بشارعهم كله الا بيت صديقتي هذي ولا أحد يعرفني ابدا من اللي كان موجود ..
المشكله اني مكلمه اخوي من جوالي وصديقتي عندي وكنت فاتحه سبيكر وسمعته وقلتله خلاص انا دخلت عندها ارجع للبيت وحتى يوم جاني برضوا كنت فاتحه سبيكر تعرفون لقافة البنات تبي تسمع صوت اخوي ..
يعني هي متأكده انه مو انا راعية هالحركات ولا اسويها ومو من حق امها تسبني وتقذفني بشرفي وتحقر من أهلي لكن للأسف كانت صدمتي فيها كبيييييييييييييرهـ وجرحي ما برى للحين منها
أيش تتوقعون انا كان تصرفي !!!
تدرون داومنا بالكليه والله جت تسلم على ولا كأن شي صار وقعدت تعتذر عن نفسها ان مالها دخل بتصرفات امها وانها هي ماهي مصدقه فيني ؟؟
حتى والله ما شهدتلي عند اهلها ولا أكدتلهم ان اخوي اللي جاء ياخذني ولا شي صار منها ابداا
المهم جتني هي بدمعتين وانا ما اقدر استغنى عنك ولا اقدر اعيش من غيرك ومستحيل تنتهي ايامنا بهالسهوله وانتى الموضوع من عندي
والله يابنات اني كتمته بصدري ولا تكلمت ولا أحد عرف بالموضوع
ووكلت ربي ياخذلي حقي وكنت ما اردد الا حسبي الله ونعم الوكيل
أيش تتوقعون اللي صار بعد هالقصه هذي
جلسنا سنه وانا مشيت ايامي وتركتها على ربي
جاء يوم من الأيام ان وحده خويتنا ولدت
فراحت هذي صديقتي هي وأمها عند خويتنا يباركون لها
جلست ام صديقتي تتكلم فيني وتقول لام خويتي كيف تدخلينها بيتك وترى صار كذا وصار كذا
والله يابنات كله كذب وظلم وافتراء
طبعا انا ماقلت لا لأمي ولا أبوي خفففففففففففففففففففففففت لان راح يصير فيها ذبح وقبايل
وخصوصا اهلي مررررررررررررره شديدين علي يعني ممكن يضربون والخوف لعب فيني وسكت وقلت السالفه راح انساها
طبعا ام خويتي وخويتي اللي ولدت يموتون فيني وعارفيني زيييييييييييين ومستحيل يصدقون فيني يارب لك الحمد اساس كل وحده من البنات لما سمعت السالفه قالت مستحيل كتكاته تسوي كذا وهذا من فضل ربي
دقت على خويتي وقالت يا كتكاته تذكرين الموضوع هذاااااااك قلت لها ايوهـ قالت ترى ام فلا ن ماتركته ولا تركتك بحالك قاعده تمشي وتتكلم فيكي وبسمعتك انا ما توقعت هالحقارهـ فيها لهدرجه
خصوصا ان الأم مقابلتني أكثر من مره بالنادي وتسلم وتتعتذر عن اللي صار وانهم عرفوا منهي اللي كانت نازلهمن السيارهـ اللي فيها شباب وان الموضوع كان فيه لبس والكلام اللي قلته من قهري عليكي لاني اعتبرك مثل بناتي
رديت عليها قلت لو تعتبريني مثل بناتك ما ترضيلي القذف اللي سمعته منك ولا السمعه الشينه ؟؟
ماقدرت ترد غير تقول يابنتي ان الله غفور رحيم وانا غلطت وسامحيني انا من بعد هالسالفه وكل يوم ابي اتطلق من زوجي !!
انا من بعد ما قالتلي خويتي انها تتكلم فيني وانا اروح لأمي واقولها السالفه كامله من طق طق لسلام عليكم
امي طبعا ردت فعل طبيعيه جتني كم ضربه ليش اسكت سنه ونص كامله وادري اني غلطانه بس شسوي
وقالت لأبوي الموضوع وأخذت ضرب يابنات الله لايوريكم بس يالله فدا روسهم
المهم دق ابوي على ابوهم وقال ابيك بالشرطه راحوا للشرطه وتواجهوا بالسالفه وطلب ابوي اثبات شرف وطلبوا زوجته اللي هي ام صديقتي وقالوا صدق انتي قلتي هالكلام عن فلانه قالت ايه قال وين شهودك على هالكلام قالت ماعندي شهود شوفوا سبحان الله كيف ربي نصرني
اقاموا عليها عقاب واللي هو الجلد بس بواسطات وطلبات لأبوي انه يسامح وافق وخلها لربي
وربي يابنات انها تبكي بالشرطه وتترجى بأ أبوي وزوجها راميها يقول بحريقه خليهم يسوون فيكي اللي يسوونه لان هذي مو اول وحده تتكلمين بشرفها وصلت فيكي لأقرب الناس لنا !!!
المهم بعد ما انتهوا من سالفة الشرطه قالها زوجها تروحين لبيتهم وتعتذرين من كتكاته وامها وابوها واذا دق علي ابوهم وقال ان خلاص الموضوع انتهى تدخلين بيتي واذا ما ارضيتيهم تراكي طاااااالق بالثلاث ..
وجتنا البيت بس امي ماقصرت فيها هزئتها بس بحدود الأدب وربي ما وصلت للسب
بس عاتبتها وطلبت العذر والسماح واننا نحللها .. وفعلا هذا اللي صار
وقالت ان كل هالكلام قالته وهي مو بوعيها وماهي حاسه باللي قالته !!
شوفوا يا بنات كيف نصر ربي سبحانه طلع شرفي وبرائتي ونصرني بعد سنه ونص
والحمدالله ربي أعطاني هديه تقدملي واحد بنفس المواصفات اللي ابيها
والخطبه تمت بعد هالسالفه بشهرين وانصدمت لما عرفت اني ملكت
وقعدت تدق على خوياتي وتسألهم عن صحة الخبر !!
والحمدالله تم كل شي على خير وربي عوضني خير الحمد الله
كل وحده عانت من الظلم توكل ربي والله مافي احسن من نصرهـ سبحانه
واتمنى بقصتي هذي تكون نافذه أمل لكل وحدهـ عانت ظلم البشر
ولا تسكر الدنيا بوجهها ابدا ولا تيأس دام في رب فوقنا ..
وكل اللي بيدي اساعدكم فيه يا بنات حواء ما راح اقصر فيه
لأنكم اغلا خوات ربي عوضني فيهم خير
وأمنيتي أني اشوف كل وحده فيكم سعيده ومتهنيه ومتحققه أحلامها وأمانيها يـاررررب
دمتم بخير وحب يا أغلا خوات :26:
كتكآته @ktkath_2
عضوة نشيطة
يلزم عليك تسجيل الدخول أولًا لكتابة تعليق.
سبحان الله صدق الصبر مفتاح الفرج0ياربي ايش الناس هذول الي مايخافون الله ؟؟؟؟؟؟؟؟؟؟؟؟؟؟؟؟؟والحمد لله اختي على برائتك من القذف0
ياااااااالله معقووووووله تصرفاتها هالام
لاحول ولاقوة الا بالله
الحمد لله الله نصرك
والله يوفقك ويسعدك يااااااااااارب
لاحول ولاقوة الا بالله
الحمد لله الله نصرك
والله يوفقك ويسعدك يااااااااااارب
الصفحة الأخيرة
ومبروك يالغالية الخطبة بس بسألك ياترى علاقتك بصديقتك كيفها الحين نفس اول !! والله يوفقك ويهنيك