مرحبا بنات
حبايبي ولا تزعلون ولا تتضربون على سالفة عنق الرحم يقوى او يضعف مع الربط
انا كنت محتاره مثلكم وكل ما اسئل استشاري احد يقول يقوى واحد يقول لا يمكن يتمزق عنق الرحم مع كثرة الربط وفي حالات كذا وفيه حالات كذا
لكن بالنهايه الي استنتجته من كثر الاسئله
انا فيه عنق رحم يكون خلقه من ان ولدت المراه وهو ضعيف هذا تحتاج كل مره ربط و لا يفرق اذا كررت الربط او لا لان تركيب العنق نفسه ضعيفه فسيوجيا
وفي عنق يكون ضعيف نتيجه ولاده متعسره او عملية تنظيف سيئه تم فيها ايذاء عنق الرحم وهذا مع تكرار الربط يقوى عنق الرحم بعد كذا المراه ما تحتاج في المستقبل للربط ودليل هذا انها عند فك الربط في الشهر التاسع ما تولد بسرعه تجلس اسبوعين او كثر واحيانا تكمل التاسع وزياده
والحاله الثالثه الي عندها عنق الرحم اصل قصير خلقه سواء فيه حمل اول لا فهذي حسب طول عنق الرحم عنده اذا قصير مره ما يتحمل الربط المتكرر ويتمزق مع الربط حتى في بعض الحالات تحتاج لربط من منطقة البطن لان العنق من شدة قصره يصعب مسكه في الربط العادي
ارجوا ان تكون اجابتي شافيه وافيه

بنات ربوطات اسمحولي اقترح عليكم اقتراح
انا اشوف البنات دايما يشتكون من الملل وطول فتره الحمل عليهم طبعا السبب هو انهم ينتظرون ويحسبون ويفكرون كثير ويتكلمون كثير عن الربط
عشان كذا اقترح عليك انا نغير الموضوع نحاول كل يوم نختار موضوع نتناقش فيه ونتكلم عنه ونتبادل في الخبرات عشان تمر الايام بدون ما نحس فيها انتظار الشي يزيد من الاحساس بطول الوقت
والي حابه تسإل سوال عن الربط عادي بس يكون كل يوم في موضوع رئيسي وش رايكم

ياكروشات
اشتقت اطبخ وانظف بيتي وادخل واخرج واروح اسواق وزيارات والعب مع بناتي حاسه اني ظالمتهم حتى نفسيتي مره سيئه صرت عصبيه ما اتحمل شقاوتهم صاروا يستغلون اني ماقدر اتحرك كثير فا استباحوا كل المحضورات
في احد حاس زي والا انا لحالي حاسه بهذا الشي

مينونه لوووووووووووووووول بكتب النكت في البي بي وانشرها ههههههههههههههههه سمعي هالنكته تشبه نكتتج الاولى
يقول لج فيه باكستاني راح للصيدلي قال له الفياغرا لشنو قال له الصيدلي يخليك تحل الواجب مرتين ثلاثه باليوم قال له الباكستاني يعني مهدىء (وخر عن الخان) لووووووووووووووووووول

امي سر سعادتي حتى انا اتغشمر والله من كثر ما اتكلم مع سعوديات ساعات اتكلم مع هلي بعض الكلمات سعوديه يقولون شعندها السعوديه شسوي من عاشر القوم خخخخخخخخخ ولدي يوم كان صغير كنت اخذه معاي بيت خالتي في الخبر وبنتهم طبعا سعوديه وكلامها سعودي وتلعب مع ولدي عاد تعالوا شوفوهم كل واحد مايفهم على كلام الثاني كل شوي يجونا شنو معنى هالكلمه هههههههههه والسنه اللي بعدها قام ولدي يغير كلامه ويكلمها سعودي قمت وهاوشته قلت له تكلم عدل قامت بنت خالتي هاوشتني انا قالت الا كلامنا العدل مب كلامكم هههههههههههههاااي

اهاااات كلامج صحيح مليون في الميه (اهاات من طول العنا طاولتني ونفسي من الفرقا وحالي سخيفه عااااااش بونايف خخخخخ)

انوار الكل يقول السادس اقوى حركه للبيبي لانه بالسابع يبتدي يكبر ويضيق عليه المكان وتكون حركته اقل

رحيل اصلا الربط عدوه الاول الالتهابات فعالجيها ونظفي رحمج من الافرازات قبل الربط احسن لج والله معاج

سن فلور ايه والله صادقه مب بس العيال استباحوا المحضور حتى الخدم والسواقين كلن يخربط من صوب ويستغل عجزنا تصوري البوك مفتوح كلن ياخذ منه ويروح بالغرفه لاني بالصاله اتكيسل اروح اجيب فلوس والجمعيه تروح الشغاله كل شهر تاخذ الاغراض للبيت بنفس المبلغ اللي انا كنت اجيب فيه الاغراض ومايجي نص الشهر الا الاغراض مخلصه وين راحت الله اعلم يالله كلها كم شهر واوريهم العين الحمرا ههههههههههه

الحين القطريه فهمت عليكم شنو تقصدون صح كلامكم فيه ضعف وفيه قصر بس انا من رايي القصر ارحم لانه اذا كان قصير يكون عيب خلقي بس يستحمل البيبي ولا يفتح مثل فوشياء بحملتها الثنتين تفتح الربط وتعوشر ماتولد انا قلت لها انتي ماتحتاجين ربط قالت لي عنق الرحم قصير وايد لدرجه انه اذا يبون يربطونه يكون طوله واحد يادوب يربطونه قلت لها اوكي صح بس ماشاء الله يقوى للبيبي بس طوله هذا هو من الله وفيه اللي مثل حالتي قبل الحمل يوصل 4 بس خليني ادخل الرابع يوصل واحد خخخخخخخخ وتوته توته انتهت الحتوته والخلاف على القصر والضعف اهم شي استفدنا وفدنا بعض الله يعطيكم العافيه

صبـــــــــــــــاح الخيــــــــــــــر للجميــــــــــــــــــــــــــع