وانا اقلب في الكام
لقيتها مليآآآآآآنهــ صور اكلات
سويتها ف اوقات مختلفه ع اساس
انزلهم في المنتدى بس اكسل
وانسى واليوم كنت ابغى انظف الكام عشان الذاكره
فلللل وماقدرت احذفهم قلت اتوكل على الله وانزلهم
من دحين اقولكم اكلات عااااديه مرررره ولاتجي جنب
طبخاتكم ومافيها جديد بس حبيت اشارككم
واذا مداني حنزل البقيه بيوم تاني اكون فايقه ورايقه
زي اليوم :)
حنزل الصور ورى بعض واي سؤال ف الشرح والطريقه
من عيوني :26:
بسم الله الرحمن الرحيم
اللهم صلي وسلم على حبيبنا محمد
دي بليله قصدي اسرع بليله ب5 دقايق تكون جاهزه
تجيبي خياره وشمندره وتقطعيهم او تبشريهم براحتك
وتحطيهم بقدر وتصبي فوقهم كوب مويه وملعقتين خل
ورشة ملح وتغطيهم وتسيبيهم يطبخو حق 5 دقايق
والبليله غالبا اجيبها جاهزه من بنده
بس اغسلها واحطها في الصحن واحط عليها مخلل الخيار
والشمندر وترشي كمون على الوش ولو حابه شوية دقه وشطه
ودي النتيجه بالعافيه عليكم
يتبع حبايبي..:)
اخدتها من هنا بس والله ماافتكر العضوات سامحوني
جزاكم الله خير بدعيلكم بظهر الغيب الذاكره مخبطه عندي
قبل
بعد
واحد زبادي
نصف كوب لبن
ربع كوب زيت
معلقه خميره
معلقه pp
رشة ملح
كوبين ونص طحين
ممكن تشتغل فيها بعد 10 دقايق
♥
♥
♥
♥
♥
♥
♥
ودي قراميش حقت وحده من الاخوات جزاها الله خير
ادور الرابط مو لاقيتو بس اتوقع اسمها ام ناصر
♥
♥
♥
♥
♥
♥
♥
♥
♥
♥
ودا كشري معروف مايحتاج ههههه كسلانه اشرح
♥
♥
♥
♥
♥
♥
♥
♥
♥
♥
♥
دي كوب كيك والله ماافتكر صاحبتو
بس لذيييذ وعملتو اكتر من 4 مرات
اشكرها جزيل الشكر
مررررررره مشهووووور هووون
معليه حوسه صورت ف صحن الصبصبه ههههههههههه
لانو ماحلحق اصورو في صحن التقديم ماشاءالله لذيذ بسرعه
يطير
♥
♥
♥
♥
♥
♥
♥
♥
اخر حاجه:
كيكه لها قصه بتضحك
مره كنت واعده ولدي الي عمرو 5 سنوات
اذا فاز فريقو اعملو كيكه ونسسسسيت
راحت من بالي واشوفو كلو اليوم مبوز وزعلان
ولما جيت انومو الساعه 9 الليل
قلي ماما انا ذعلان مع دمعتين ههههه
قولتلو ليش حبيبي وذكرني بعملتي السودا
والولد عندو كرامه ماطلب مستنيني اتحرك من حالي
مو عارف اني نسايه ومابجمع
وماهان عليا انومو وبخاطرو شي واخدتو هوه واخواتها وع المطبخ
حوسنا ولعبنا في الاغراض وطلعت معانا كيكه غريبه لانو
ماكنت مستعده والاغراض مش متوفره بس كانت ليله حلوه
والعجيب انو اكلناها كولها سبحان الله
ترى ضحكت عليهم ع بالهم دريب ويب وانا عاصره الكراميل
ومشي الحال لادققو