حكي الانامل :

اهلين حبيبتي اشكرك اولا لتقبلك نصيحتي والشي اللي سألتيني عنه اللي هو حجابي هو كالتالي: عباية سوداء عالكتف ونقاب ماطلع الا جزء بسيط من عيوني وفوقه على راسي حجاب اسمه الحورية من محل اماراتي اسمه شرقية فيه منه فروع بمكه والمدينة المنورة الحجاب يغطي اكتافي ورأسي مثله مثل الخمار بس ارتب واريح بكثييير لان فيه مغاط يمسك وكثير يسألوني عنه لراحته وشكله المرتب في نفس الوقت وانا بكندا وطريقة تقبلهم للعباية ولله الحمد رااائعه واكثر وماشفت اي موقف يضايقني وبالعكس كلها مواقف ترفع الراس يمكن لان نيتي اني جاية بعثة عشان انشر ديني بحجابي ومن المواقف الرائعه انهم كلهم يجون يتكلمون معي ويضحكون معي مثلي مثل اي انسانة بل ان بعضهم يقولون لي انت انسانة مميزة وفيه وحده جت وسألتني وقالت لي ابغى اعرف اسم لباسكم هذا بالضبط في لغتكم فقلت لها اسمه حجاب وكان ودي اقول لها بعد التفاصيل بس قلت بتنحاس المسكينة خخخخ وهي ماسألتني الا عشان تعلم اطفالها على اسم لبسي وتقول ما ابغى احط في راسهم اسم خطأ فقلت اسألك. وطبعا كل كلامي عن الناس بغض النظر عن الاطفال لان بعضهم يتنحون فيني او يجون يسألوني ليه تلبسين هذا اللبس والحمدلله يجون بكل ادب وبعدها يجون اهلهم يعتذرون وهم منحرجين جدا من سؤال طفلهم.. طبعا فيه اطفال يجون يلعبون مع اولادي ويسولفون معي عااادي كأني مو محجبة. وارجع الفضل الى الله سبحانه وتعالى اللي عزني بديني وحجابي واتمنى لكم ذلك واكثر بس عندي ملاحظة اخيرة: بالنسبة للحجاب ايا كان لازم يكون لكل مرأة خط احمر لها عندها بحيث انها ماتتعداه ابداااا لان الانسان سبحان الله يمشي ورى الفتن وهو مايدري ( خصوصا المرأة) فعشان كذا انصح الكل بأنه مايفتح لنفسه مجال بسيط في الحجاب ويتساهل في شي حتى لو شاف انه حلال هالشي لانه الحلال راح يتحول بعد فترة وبعد عوامل التعرية خخخخ الى حرام مثال للتوضيح: يعني لاتجين للبعثة وانت تقولين بلبس عباية واغطي شعري والبس نقاب مغاط والحمدلله هناك عادي الموضوع لا حطي لنفسك خط احمر انا ما اغير حجابي ولا اغير اي شي فيه من اعلى راسي الى اطراف قدمي لانه مافيه اي سبب اقول اني بغير حجابي عشانه.. الا في حال لو اتأذيتي واقصد هنا الاذية اللي تؤدي للموت مثل اللي يرجمونها او يضربونها بعدها ممكن تغيرين بس حاولي جاهدة انك تغيرين مثلا لون او تغيرين شي بعد مايضر دينك لان الانسان يتساهل وهو مايدري عن نفسه واعرف بنات سافروا بعبايات ونقاب ورجعوا ببنطلون وبلوزة طويلة وفاتشة وجهها وتقول انا ماتغيرت!!! وهي عند نفسها انها ماتغيرت لانها شوي شوي وصار لها التعري الله يحفظنا اجمعين ويثبتنا يارب العالمين. اعتذر عن الاطالة ودمتم في حفظ الرحمن،،،

اهلين حبيبتي اشكرك اولا لتقبلك نصيحتي والشي اللي سألتيني عنه اللي هو حجابي هو كالتالي: عباية...