السلام عليكم حبيت اشارك معكم انا ام لطفله خديجه ولدتها في نص الشهر الثامن وكان وزنها 800 غرام والسبب انها من الشهر السادس مانمت كويس للأسف ماعرفوا السبب فولدوني قيصري ودخلوا بنتي العنايه لمدة شهر وبعدها خرجوها للحضانه العاديه لمدة شهر واسبوع يعني ظلت بالمستشفى شهرين واسبوع ولما كملت كييلوا و900خرجوها للبيت كنت خايفه كيف اعتني فيها وخاصه انها صغيره مره وصوتها ماينسمع وظليت شهر نومي قليل اتناوب مع امي في النوم وحتى لما انام كنت اقوم مفزوعه الحمدلله هذي الفتره الصعبه مرت بسلام واللحين عمرها اربعه شهور بس وزنها توة 3 كيلوا وماترضع كثير ودايما تبكي من الم البطن فيها غازات ومغص شديد كنت ابكي لما يجيها المغص وكان يطول احيانا اربع او خمس ساعات بسالحمدلله كل ماكبرت قل المغص حاولت ارضعها طبيعي بس سبحان الله رفضت صدري تماما على العلم اني طوال شهرين ونص كنت اشفط لها من صدري واوديه للمستشفى بس لما خرجت من المستشفى انشغلت وماكان عندي وقت للشفط وانا الحين نادمه اني ماحاولت وصبرت اكثر اني ارضعها طبيعي لانها مفيده لها ولاني احس اني ماعطيتها حقها في الرضاعه بس قدر الله وماشاء فعل
حبيت افيدكم بتجربتيوحابه اعرف مين مثلي ماقدرت ترضع طفلها لما خرج للبيت ولاهذا شي طبيعي ان الخديج مايرضع من صدر أمه على اني كنت كل مره اروح المستشفى احاول اخليها على صدري .أنا عارفه طولت عليكم وشكراً كنت حابه أفضفض.

السلام عليكم

هلا ام ضاري

انا مثلك ولدي خديج ولد في السابع ومارضعته طبيعي ..
لا يانبك ضميرك مره صح ان الرضاعه الطبيعيه مفيده بس الحمدلله احنا بخير ونعمه وياكثر انواع الحليب اللي بالسوق خاصه بالخدج


الحمد لله ولدي الحين قرب يكمل سنتين
والحمدلله لو تشوفينه صحته حلوه وطبيعي مثل اي طفل ثاني(بس ماوصل هالمرحله الا قريب )
لانه بيضل الين يوصل سنه ونص وانتي تحسين انه اصغر من سنه

بس الحين صاار طبيعي جدا جدا جدا

مساء الخير خواتي
مافيه تجمع جديد للخدج
هالتجمع اخر مشاركه فيه من سنه تقريبا