آآآآآآآآآآآآآآآآآآآآآآآآآآآآآآ آخ تعبت ساعدووووووووووني

اول شي تعوذي من ابليس وكثري من قراءة القران لانه سبحان الله يشرح الصدر

ثانيا انت رتبي وقتك لانك اعلم وحدة بضروريات حياتك

مثلا خصصي وقت يوميا للمذاكرة وايام الاسبوع لاتطبخين جيبوا من برا كل الناس يسوون كذا لانك تدرسين في مرحلة جدا حساسة من الدراسة يتحدد عليها دخولك الجامعه واطبخي الخميس والجمعه عشان تعوضين زوجك شوي

ثالثا حسني اخلاقك مع اللي حولك واحتسبي الاجر في ذلك حتى لو نفسيتك تعبانه وكثري الابتسامة تراها تعكس على النفسيه وقولي لنفسك دايما انا اليوم نشيطة ونفسيتي حلوة يقولون المتخصصين النفسيين ان لها اثر كبير على النفسية لانها تتسجل في العقل الباطن

وبالتوفيق

انا درست ثاني ثانوي وثالث

عند زوجي بصراحه يبغالها نشاط وقوه جسم وتنظيم شديد

واول باول كل شي لا من ناحيه البيت ولا من ناحيه الدروس

لانه اذا تراكمت عليك ضعت وتشتت عشان كذا اذا تبغي الثنتين (الزواج والدراسه )

لازم تصحصحي

واكيد لازم يكون فيه تقصير من احد الجانبين ولو بسيط

انا فضلت زوجي وبيتي وكان التقصير من ناحيه دروسي

عشان كذا كانت نسبتي عند التخرج 83%

الحين انا مستوى ثالث بالكليه .................ادعو لي

انا تزوجت صغيره وعندى اهلى ماشاء الله مقتدرين بس مايحبون يتدخلون بحياتنا عشان مايخربونى بالدلال والله حبيبتى مرت فينى ظروف مايعلم فيها الا اللله بس الحمد لله من فضل ربي مرت على خير
شوفي انت دايم حطى في بالك ان هذى دراستك انتى بالطول بالعرض لازم تاخذينها عشان مايجلس زوجك يعايرك تعبتينى واخر شئ رسبتى وبعدين شوفي ظروفك كيف وانتى نظمى جدولك واذا على المذاكرة صحيح مهمة بس عاد خففي عن نفسك شوى روحى لجرير هاتى كتبي عن شئ تحبيه او اى حاجة ثانية تحبينها روايات وغيره وكل ماحسيتى انك مليتى من المذاكرة اقري في القصص او اقري قران او روحى زينى اى حاجة في بيتك الى ان تروح ساعة الملل من المذاكرة بعدين ارجعى ذاكرة راح تلاقين انك بالساعة اللى غبتيها اشتقتى للمذاكرة غير كذا حاولى تخففين زياراتك لاهلك عشان ماتتشوقين لهم بزيادة ويصير ودك كل شوى تروحين لمهم اذا ماعندك شغالة ومليتى من الكرف والطبخ جهزى الغدا في الليل قبل ماتنامين ورتبي بيتك قبل نومك عشان الصباح تتكشخين وتفطرين وتمشين للمدرسة
وحاولى وانتى في المدرسة تحلين واجباتك قد ماتقدرين واذا رجعتى للبيت وتغديتى سواء نمتى الظهر او حبيتى ماتنامين اول شى تحلين واجباتك وتذاكرين اللى عليك عشان تتفرغين ومايصير عندك هم تفكرين فيه طول الليل والعشاء سويه خفايف ونواشف واجلسي وسعى صدرك باي شئ واقري كل يوم اقل شئ سورة حتى لو قصيرة عشان ترتاحين نفسيا ودلعي زوجك لاتنسينه سوي له مساجات وتدليك وخليكى دايم اذا كنتى ساكنة بلحالك لابسة قمصان نوم او بيجامات كشخة وخلى البخور يملى البيت واى حاجة جديده اذا كنتى مقتدرة اشتريها لنفسك عشان زوجك مايمل خصوصا اذا ماعندك اطفال او دوبك معرسه ولاتتذمرين قدام زوجك عشان مايطفش ويمل ترى هذى حبيبتى بعض تجاربي لانى مريت بنفس ظروفك والحمدللله وماشاء الله علي هذا انا تخرجت تبارك الله من الكلية وعدت الحمدلله امورى وانا كنت اظن انى مستحيل اخلص دراسة والله مرت على ظروف صعبة بس بالثقة بالله وثم بالنفس وعمل جدول محدد مثل ماقلتلك والصلاة وادعاء وبنفس الوقت صلة الرحم راح تشوفي النتائج وعن تجربة معليش طولت عليك بس حبيت افيدك من تجربة والله يوفقك

حياتي أنا ما قريت الردود بس أبغى أقولك نقطه : أمسكي زوجك وفهميه إن هالأزمة فترة وبتعدي..وأنك محتاجة مساعدته في هالفتره .. وإنه أكيد بيكون منك تقصير أططلبي منه يعذرك وإنك بتعوضين عليه بعدين إن شاءالله..

حبيبتي شهادتج هي سلاحج حتى لو ماشتغلتي او حتى لو ريلج ميسور حاله
الواحد مايعرف شوتكون ظروفه بعد شهر ...
مثل ماقالوا لج الخوات اتعوذي من ابليس لانه هدفه انكون فاشلين وماعندنا طموح
انصحج تكثرين من الاستغفار واذكار الصباح والمساء وقولي بعد كل صلاة سبحان الله والحمدالله ولااله الا الله والله اكبر بتحسين كل الويع الي في جسمج بيروح وبعد بتحسين بنشاط ... والله عن تجربة ... :)
ونظمي وقتج متى تقومين الصبح ومتى تنامين ومتى تتريقون وتتغدون وتتعشون
خصصي وقت للمذاكره الحين انتي في بداية التيرم الثاني ادرسي اول باول وحلي واجباتج واكتبي بحوثج من الاحين قبل ايام الامتحانات والعفسه ...
والله يسهل عليج امر دراستج وينجحج يارب ...