آآآآآه يابنات والله محد عارف الحره إللي بقلبي والمشكله أنا صار لي ثلاث سنوات مزوجه وعندي ولد حتى إذا سوت عيد ميلاد حق عيالها تعزم كل عيال خواني إلا ولدي ماتعزمه ومادري ألحين أنا مزوجه أحس صعبه إني أروح أقول لها بس يعني إحنا أقراب كلها سلام بالمناسبات وإحنا إللي ماشين مومتنزله تكلمني يعني بصراحه شنو أبي بزوجها وكنت بنت صغيره عمري 21سنه باخذ واحد متزوج وعنده عيال وماعلي قاصر الكل يتمناني والحمدلله خذاني واحد مركز وولد عايله أحسن من زوجها بوايد بس الغيره وماتسوي مع إنها صديقتي إهيا من أول ماتزوجته تغار مني كانت دايما تقول له ترا إهيا وجها موجذي بالصج دايما تحط مكياج وماصدقت على الله تلقى شي علشان تبين كرها عدل حسبنا الله ونعم الوكيل على من كان السبب.

ماشوف سويتي شي غلط ... خصوصا انها تدري ..

وبعدين هو من جد نذل ليه ماقال لها الصدق ؟؟؟ هذا مايسمى رجال .. هذا واحد نذل وجبان .. على الاقل يقدر موقفك واللي سويتيه .. ويروح يصلح الوضع بمعرفته .. بس الظاهر مبسووط عشان المشكله ماتجيه عليه تجي عليك ..

عموما انتي سويتي خير .. اولا ماخربتي بيتها .. وخليتي السبب فيك ..

ثاني شي .. سويتي اللي عليك وزياده عزمتيها بكل مناسبه .. وكل مره تبدين تكلميها .. وهي تصد ..


خصوصا انتي تقولي هي ماصدقت تلقى شي عليك .. دام كذا وش تبين فيها .. واذا تغار منك .. وانتي تقولي انه انتي حاليا احسن منها وزوجك احسن من زوجها .. وش تبين فيها هذي .. كفايه بتتعبين نفسيا .. وبتطقك عيون .. ولا بتتهني بحياتك ..

خليك رسميه .. ولاتعطيها وجه .. ومردها راح تعرف انه زوجها غلطان .. لانه حق المظلوم مايضيع عند الله ..

انتي كل يوم ادعي ربي .. وتقربي منه اكثر وترجيه بخشووع .. وخل يكشف الحقيقه .. ساعاتها .. اذا عرفت .. برضو خليك رسميه معها .. وماعليك منها ..لانه صفة الغيره مو زينه .. ممكن تأثر عليك بحياتك من الناحيه الزوجيه .. الصحيه .. السعاده ...الخ ..

والله يوفقك بحياتك ..

حاولي تكلميها بالموضوع لازم تبيني لها كل شي

سوري أختي ..

بالنسبة لكلامها عنك .. أنك مو حلوة وكثير تستخدمين المكياج وهلم جرى .. أعتقد من حقها

وأسمحي لي بهالكلمة .. مهما كان الحرمة تبغى تبعد زوجها عن أي شيء .. تشوفه يميل له ..

ويمكن حست أن بينكم علاقة أو ميل حق بعض .. بدت تقول عنك هالكلام .. صدقيني ..

الحرمة ضعيفة .. وأنا لو مكانها بسوي كذا .. لأنه أيش يضمن لي زوجي ما يرجع من جديد

للف والدوران .. بعدين بتقولين أنتي متزوجة .. يالغالية .. الشيطان فررررق بينكم وأنتم أرحام ..

وما يعجز عن تفريق بين زوجين .. الله يكافينا وأياك شره ..

ابن عمك ليس من محارمك ويجب ان تتحجبي الحجاب الكامل بغطاء الوجه عنه

وكان المفروض من اول ما بدأ يرسل لك الرسائل
تتنبهين لخطأ كشفك وجهك له و تتغطين عنه
فحجابك هو أقوى رد ويغني عن ألف رسالة وكلمة

وبالنسبة لزوجته اما انك تفاتحينها وتبينين ويمكن تصدقك او لاء والخوف تكبر السالفة

او تطنشين لان السيرة لو انفتحت الخوف توصل لزوجك

لكن لو صار طاري وفتحت هي الموضوع ممكن تنوضحي لها الوضع على حقيقته




الي فات مات وانتهى عليك بالحجاب