371143
آآآآآآآآه ياراس المال
..أخواتي العزيزات كان هالموضوع شاغلني كم يوم ولما شفت موضوع اختنا ام يزن تأثرت وحبيت اكتب هالموضوع...
في البدايه واللي خلى هالموضوع يشغلني ,, قبل فتره كنت طالعه انا واولادي الله يحفظهم ويصلحهم لمنتزة قريب من البيت وفي نفس المنتزة في مجموعه حريم كل وحده عامله بسطه وكل مايخطرعلى بالك يبيعونه ,وانا واقفه عند وحده منهم اشتري لاولادي بعض الحلويات شدني كلام وحده تتناقش هي وزبونه عالسعر الزبونه تقول راعيني شوي والبائعه تقول وش اراعيك والله اني بايعته براس المال وش مستفيده انا بالله ,,وشدتني كلمتها
راااااااااااااااس المال
كل انسان بالحياه يطمح لشي ويبي يسويله شي ويسعون بهالدنيا الفانيه لتكوين راس مال ,بس نسو راس المال اللي مايعوضنا عنه شي والاستثمارالحقيقي اللي بينفعنا بالدنيا قبل الآخره
اولادنا ياناس هوفي اغلى منهم في اهم منهم هم راااااااااااااااااس المال والله هم راس مالنا بهالدنيا لاضاعو وش بتنفعنا اموال الدنيا لاضاعو ضاع كل شي ولاعاد لأي شي بهالدنيا له اي قيمه ,ليه مايكون استثمارنا هم اولادنا لامايكونو هم تجارتنا الرابحه بهالدنيا ,والله لوكل شخص بدابنفسه اولاوباولاده ورباهم التربيه اللي يرضاها الله ورسوله كان الدنيا صارت بالف خير,بس كلن شايل هم رصيده بالبنك والراتب وش بيصرف وش بيخلي ,كلنا نطمح انا نعيش اولادنا احسن عيشه ونأمن لهم المسكن والملبس والمشرب,بس وين الصلاة والحرص عليهاوين الاخلاق والتعامل الحسن ويييييييييييين القدوة الحسنه وهذي حطوتحتهاميه خط ,مثل ماتبون تورثون اولادكم المال والبيوت ورثوهم الدين اللي هو اغلى من اموال هالدنيا ....
{وَإذْ قَالَ لُقْمَانُ لابْنِهِ وَهُوَ يَعِظُهُ يَا بُنَيَّ لا تُشْرِكْ بِاللَّهِ إنَّ الشِّرْكَ لَظُلْمٌ عَظِيمٌ * وَوَصَّيْنَا الإنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إلَيَّ الْـمَصِيرُ * وَإن جَاهَدَاكَ عَلَى أَن تُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعْرُوفًا وَاتَّبِعْ سَبِيلَ مَنْ أَنَابَ إلَيَّ ثُمَّ إلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ * يَا بُنَيَّ إنَّهَا إن تَكُ مِثْقَالَ حَبَّةٍ مِّنْ خَرْدَلٍ فَتَكُن فِي صَخْرَةٍ أَوْ فِي السَّمَوَاتِ أَوْ فِي الأَرْضِ يَأْتِ بِهَا اللَّهُ إنَّ اللَّهَ لَطِيفٌ خَبِيرٌ * يَا بُنَيَّ أَقِمِ الصَّلاةَ وَأْمُرْ بِالْـمَعْرُوفِ وَانْهَ عَنِ الْـمُنكَرِ وَاصْبِرْ عَلَى مَا أَصَابَكَ إنَّ ذَلِكَ مِنْ عَزْمِ الأُمُورِ * وَلا تُصَعِّرْ خَدَّكَ لِلنَّاسِ وَلا تَمْشِ فِي الأَرْضِ مَرَحًا إنَّ اللَّهَ لا يُحِبُّ كُلَّ مُخْتَالٍ فَخُورٍ * وَاقْصِدْ فِي مَشْيِكَ وَاغْضُضْ مِن صَوْتِكَ إنَّ أَنكَرَ الأَصْوَاتِ لَصَوْتُ الْـحَمِيرِ}.
سمعت من احد مشايخنا الله يحفظهم ان الاخلاق تورث والبر يُورث كما تورث الاموال يعني اللي بنسويه بهالدنيا بنلقا حصاده في عيالنا خيركان او شر
وبالاخير اسفه اذا كلامي شوي مو مرتب كلام بصدري وحبيت اطلعه لخواتي
اسئل الله العلي القديران يصلح اولادي واولادكن واولاد جميع المسلمين وان يرزقنا برهم
اللهم آآآآآآآآآآآآآآآآآآآمين