آآآآآآآآآآآآآآآآآآآه ياقهري من حماي شوفوا وش سوى فيني..!!!

يابنات أحس الأرض تدور فيني من القهر بقول لكم سالفتي وأنتم أحكموا أمس الجمعه بالليل كانت ملكة حماي أخو زوجي والملكة في بيت أهل العروس وطبعا قالوا بيخلون الملكة مختصرة وعائلية يعني بس أهل المعرس وأهل العروس المهم وإتفقنا أنا وسلايفي نروح كلنا طبعا إحنا 6 ورحت أنا للمشغل على أساس أسوي شعر وميك أب تخيلوا وأنا طالعة من المشغل إلا زوجي يوم ركبت السيارة يقول لي ترى خلااص منتي رايحة على بالي بيلعب بأعصابي شوي المهم وإلا يقول والله من جد ماراح تروحين قلت ليش قال أخوي اللي هو المعرس يقول زوجتك لا تجي وبقول لأخوي الثاني ما يخلي حرمته تروح قلت وش معنى زوجتي وزوجة أخوي الثاني مايروحون والباقين يروحون عادي قال بعدين أقول لك وبس وأنا إرتفع ضغطي خلاااص للدرجة هذي وقاحة وقلت حيا حتى ما إحتلرم أخوه وزوجته لا تقولون يابنات يمكن إنك مسوية شئ له ولا حاجة والله ولا عمري إحتكيت فيه بس أنا شاكة في أختهم السوسة وأنا خلاص عصبت وقلت لزوجي والله ما أحضر زواجه لو يموت قال زوجي موبكيفك ما وراك رجال قلت رجلي ما أخذ حقي ولا رد إعتباري من الحيوان هذا والحين يابنات أبي رايكم باللي صار لأن حتى أمي أخذت في خاطرها تقول ماأخذوك علشان يذلونك عندهم والمفروض ماتحضرين زواجه لين يعرف قيمة بنت الناس اللي جرحها