آآآآآآآآآآآآآه زوجي يلعب الميسرآآآآآآه أنجدوني

الله يهــديـــــــــه

الله يصبرك عليه ويتوب عليه من ها المحنة.

جاب ربي ما قتلوش اللي انت فقت بيه والا تعاود تنكد على روحك، نصيحتي ليك ما عادش تعطيه فلوس بالكل، وقت يلقى روحو ما عندو منين يجيب تو يبطل وحدو.

والراجل مطالب دينيا وقانونيا بنفقتك ونفقة بناتك، اذا ما يخلطش وباش تعاونو ما فيها باس ................ اما باش تعطيه ويزيد يمشي يعمل الحرام ما قالش ربي تولي هكاكة تحلو في عينيه وتعاون فيه

عزيزتي امشي اعمل حاجة تحت راسك للزمان : قطعة ارض، شقة، ذهب... وكان سالك قللو راني عملت كذا وكذا وقاعدة نخلص ما عنديش الزايد باش نعطيك، واحمد ربي على خدمتك وشهريتك.

عزيزتي الراجل كان وريتو الضو ما عادش يبطل وما تخافش الكلنا عندنا المشاكل هذي : الكلهم يستسهلو فلوس المرا، انت عندك 2 بنيات وما تعرفش على الزمان ما دامو ممحون ينجم يتداين والا لا يقدر يدور على دبش دارك وانت وقتها اش باش تعمل.

يزي من الرجعان لدار امك ......... هذاك يطيح القدر بين العائلات وما يتنساش بالكل، كولو بعضكم في داركم ما راكم حد ............. اما عزيزتي بالصبر والحكمة توصل ان شاء الحل معاه، والمثل يقول : الله لا ينحي شاشية على ولية حتي كان مهرية.

وكان احتجت اي حاجة اسالني، تعدى على راس اختك .......... اما توا الحمد لله.

اختى سؤال هو بيصلى ؟
انا اعرف اللى يشرب ويلعب قمار ما بيصليش لان الصلاة تنهى عن الفحشاء والمنكر.

أختي kenza1
يعطيك الصحة اللي جاوبتيني
و الله هونتي علي
ربي يفرحك و يناولك اللي في بالك
هانا صابرين و انشاء الله ربي يعوضهولنا خير
المرأة اللي تخدم تعاني و اللي قاعدة في الدار جناحاتها مكسرين كيف كيف تعاني
ما عرفنا أماهي حالة نتبعو

أختي أم عطاء
شكرا على مرورك
طبعا لا يصلي انشاء الله ربي يهديه
نقولها من كل قلبي في يوم الجمعة المبارك
يا رب تهنينا و تسترها علينا و تناولنا اللي في قلوبنا و تفتح علينا يا رب
يا ربي توسعلنا في بالنا و تهدي أمه سيدنا محمد عامة سبحانك إنك مجيب الدعاء