آآآآآآآآآآآآه ليتني ماتزوجت الله يسامحك يابوي

السلام عليكن ياأخواتي
أبدأ معاناتي وعسى يخفف هذا الشي بعضا ممافي من ألم وحزن ماني عارفه من وين أبدأ هل من طفولتي اللي كلها عذاب وشقا ولا مراهقتي اللي أمر وأقسى ولا شبابي اللي إندفن
على العموم راح طبعا من يوم ماعرفت نفسي وبيتنا مشاكل بين أمي وأبوي وأنا صغيرة أذكر دايما أمي تروح لأهلها ونجلس لحالنا بالبيت لاأكل زي الناس ولالبس وأبوي يطرد ورا الحريم وسيرتنا على كل لسان ولما كبرت وأنا بالإبتدائي اتحملت مسؤولية أخواني وخلوها على الله كرف وطبيخ ووو.. ولما كبرت شوي وصرت أدافع عن أمي أنها ماتخرج من البيت كنت أنضرب ضرب طبعا هذا في الجامعة لحد أن أبوي يشقق ملابسي وكان ناوي يطلق علي بمسدسه هذا وأنا ماسويت شي الله يسامحك يابوي..
وبعد كذا اتخرجت من الجامعة ولله الحمد وقدمت على وظيفة في أحد القرى وانقبلت وشديت على نفسي وكافحت علشان أثبت وجودي وأساعد أمي وأخواني كنت في غربة وألم وكنت وحيدة والشي اللي كان مصبرني صلاتي آخر الليل وقراءة القرآن بالرغم من أن الوالد كان معي وكان على طول مشغل الأغاني على آخر صوت وأحيانا كان يحبسني وكان باب الغرفة حديد ويشيل التلفزيون علي وأجلس لحالي الحمد لله مانجنيت وصبرت مع اني ماكنت أخذ من راتبي غير الشي البسيط وكانت بطايقي كلها بإيده كنت أشوف الناس لابسه وكاشخه وأنا اللهم لك الحمد بعد فترة بسيطة جدا نقلت عند أهلي واتقدم لي رجل الكل يمدح فيه ماحد يعيب فيه شي لكنه على قد حاله كنت متردده وفي الأخير وافقت علشان أنفك من ظلم الوالد الله يسامحه ووافق الوالد بعد عناء وتم الزواج الحين أكيد تبون تعرفون ليش ندمانه إني اتزوجت ...اصبروا جاية بالكلام كان زوجي أيام الملكة ملاك مافي أحد مثله أخلاق وذوق ورومانسية وكأنة أول مرة يشوف قدامه انثى ومؤدب لابعد حد اتزوجت وكان زواجي بسييييييط جدا أقل من مستوى عائلاتنا ورحت لبيتي وبعد شهرين تقريبا حملت وبدأت المشاكل مع زوجي كان دايما يحلف علي بالمصحف ويقول تحرمين علي زي أمي كان يسبني ويشتمني ويلعني ويلعن أخوي(طبعا كان الوالد الله يهديه ويسامحه يجلس معاه ويسب ويلعن في أمي ويقول كلام ماينقال )في يوم شكيته للوالد لكن أبوي ماسكتله ووراه بعد فترة صارت مشاكل بين الوالد وزوجي مشااكل كبيرة ورحت أنا فيها رجعت لزوجي طبعا الرجال شايل علي بسبب أبوي وش ذنبي ياناس وكل يوم أكتشف في زوجي شي أقسم بالله يشيب الراس أقسم بالله لو وحدة بمكاني ماتجلس مع زوجها دقيقة وحدة قلت معليش هذا ماضي حاولي تنسين ونسيت بالأصح تناسيت كل يوم وأنا يدي على قلبي لاأكتشف شي جديد حاولت أسعده وأرضيه لكن أبوي فهم علاقتي معاه ومحاولتي إسعاد زوجي شي ثاني يقول الملعونة هي اللي تعطيه(قصده حقه الشرعي)يسب فيني سب كبير وفي عرضي بإني زانية وبنت حرام طبعا صارت مشاكل كبيرة بيني وبين الوالد وطردني من بيته وحرمني والحين مالي حد غير زوجي حاولت إسعاده بشتى الطرق ساعدته في ديونه وصبرت عليه وحاولت أحل مشاكلي بنفسي تصدقون إني ماعندي سرير أنام عليه أنام على طراحه وبيتي أثاثه من النوع القديم نفسي يكون بيتي حلو زي باقي الناس نفسي ألبس وأشتري زي باقي الناس إذا رحت للسوق وشريت من مالي الخاص قام علي وهاوشني المهم صبرت على كل هذا لكن المصيبة أنه له فترة يخرج مع ولد عمتي وصاروا أصحاب دايم خرجات ماكنت أعترض أتفاجأت إن زوجه ولد عمتي اتصلت علي تقول انتبهي ترا زوجك يشكي لزوجي منك آآآآآآآآآآآآه وكانت هذي الصدمة الكبيرة لي يقول إني ماهتم فيه وكلالالالالالالالالالالالالام كثير لاحول ولاقوة إلا بالله وصل الكلام للناس ليه ليه يازوجي ليه بعد ماأمنتك على نفسي؟بعد ماعطيتك كل ماأملك؟بعد ماوقفت معاك وساعدتك؟بعد ماتحديت الكل وقبلت فيك والكل كان رافضك؟ليه تفضحني عند الناس ليه تتكلم عني بالشين وأنا ماأذكرك إلا بكل خير؟ليه تقسى علي ؟ليه ماترحم ضعفي ؟ليه متذكر وقفاتي معاك وصبري على العيش معاك؟ليه طبعا مالومك كل هذا بسبب أبوي علموني وش أسوي معاه أن تعبت من دنيتي تعبت من حالي تعبت من كل شي أصعب شي على الإنسان لما يثق في أحد وفجأه ينصدم فيه أكتب لكم وأنا دموعي على خدي من هول صدمتي في الإنسان الوحيد اللي وثقت فيه