اللي كثير يمدح نفسه هذا فيه مرض الثقه الزائده بالنفس وانا ارحم اللي كذا


خلي علاقتك معاها رسميه وخليك احسن منها في الرد لان اخلاقك العاليه ماتسمح لك




الله يوفقك حبيبتي

غاليتي طيوبة الامارات ، باين عليك انك بنت عاقلة و فاهمة ، والدليل حسن معاملتك لصديقتك و مراعاتك لها ، حبيبتي ،،ممكن صديقتك مرت في ظروف معينة ، او مشاكل او عقد نفسية في الطفولة او المراهقة و الان هي تنفس عن هذي الامور بطريقتها ، انصحك غاليتي اذا كانت البنت خلوقة ، وبنت ناس لا تفرطين فيها وفي النهاية مافي انسان كامل ولكل منا عيوبه..

بنت الكويت العسل
حنو
ريووف
حبيبة ابوها
اشواق القلوب

لكن كل الشكر والله مادري شو اسوي بس هي صارت وايد تدور الاشياء المش حلوه فيني وتذكرها ومرات تذكر شئ حلو بس تعلق علي وانا ما ارد استحي والله.

حبيايبي والله اني وجدت في هذا المنتدى الناس الي صدق احتاج صداقتهم
( بس مرات ما حد يرد علي) ههههههههههههه

المهم تعرفون طبعا انا ذكرت موضوع اني كنت ضعيفه ونفسيتي زفت والكل يعلق وهي اكثر وحده ويوم كانت تذكر اني ضعيفه ما تقولها عادي لا تقولها بقوة وكانه اتهام ( انزين انتي ضعيفه ) وبصوت قوي وكان هذا الشئ يحطمني ودايما تذكر انها متنت وتبا تسوي رجيم مع انها مب لهذي الدرجه والله يعني وزنها 63 وشكلها اوكى

المهم تعرفون اني متنت والحمد لله الف مرة على النعمه وصرت حلوه والله المتن يحلي والله

تعرفون يوم نشوف بعض اول شئ تقوله ( ضعفتي ) وانا اقول لا والله وزني ثابت ما ضعفت ولا متنت

تسكت ولا كانها قالت شئ . لان صدق وزني لين الحيين ثابت

والله تحاول تحطمني لانها كانت عارفه انا اشكثر كنت ابا امتن وكنت متضايقه من وزني

غير هذا اخر مرة شفتها قالت لي بشرتج تحسنت انتي ايام الدراسه كان ويهج كله حبوب

وانا استغربت لان ويهي كان تطلع له حبوب عاديه اوقات الدورة يعني حبه حبتين بين فترة وفترة وانا استغربت منها وقلا لها لا كان عادي مب لهذي الدرجه

وللحيين ما قلت شئ

والله متضايقه منها وااااااااااااايد

اختي طيوبة الامارات .. انا بعد عانيت مثلج صداقتنا بدات ايام الجامعة كنت اشوفها قمة في كل شي... اتاريها كانت صداقة مصلحة لان بعد ما انتهت الدراسة بدات تتغير وتطلع الصفات الحقيقية فيها وصارت تتصرف معاي تصرفات تجرح مادري متعمده ولا هذا طبعها وانا اسكت واتحمل منها على اساس العشرة اللي بينا ومرت اربع سنوات على هذا الحال دوم اعذرها واعذرها لدرجة حسيت ان شخصيتي بتنمسع قدامها مع اني مش جذيه ... واكثر شي يذبحني تعاملها بتعالي يعني انا فوق والباقي تحت... لقيت نفسي عطيتها من الفرص ما يكفي وخلاص
ما حبيت اواجها وابرز عيوبها تدرون ليش؟؟؟ لاني ما حب اجرح احد وبالخصوص هي مهما سوت تبقى لها افضال علي واعترف بهذا لكن ...
خلاص ما عندي استعداد اقدم تنازلات على حساب نفسي قدامها فبدات ابعد عنها واخلي حدود فاصله توقف عندها ما تعديها وفعلا قدرت مع ان هذا الشيء بعد خلاها تتصرف بطريقة تجرح
بس قاعده اقنع نفسي انها انسانه انتهت من حياتي وخلاص فليش اعور راسي

صداقتها ان كانت فادتني في اشياء لكن دمرت وايد اشياء حلوة بداخلي قاعده احاول اصلحها واهمها حسن الظن بالاخرين اللي فقدته بالمره بسببها وبسبب تصرفاتها اللي خلتني اشك بكل انسان

وان شاءالله انتي بعد تقدرين تسوين هالحد اللي ما تقدر تتخطاه ولو تخطته راح تلاقي اللي يردعها مهما كان الثمن حتى لو فقدتي صداقتها

اختي بنت - الكويت اغبطج على هذي الصداقه والله يديم المحبه بينكم
واسال ربي يرزقني صديقه تحبني لله وفي الله
لان بقلبي كلام ودي حد يسمعه

تحياتي لكم