آآآآآآآآآآآخ.... خيانه؟؟؟؟؟؟؟اللي يبغي يتعلم الخيانه..زوجي خبير فيها!!!!!

:( مع الاسف قصه حقيقيه وفصولها من واقع حياة صديقتي العزيزة..

:16: اكثر شي يقهر المراه ويذبحها خيانة زوج بليد ومريض وووووقح :icon33: واللي مايخاف الله ...بيخاف زوجته؟؟؟؟ مستحيل قصتها طويله.. بس اسمعوا...

- تزوجته بعد ماكانوا اهلها شبه معارضين بس مشا الموضوع...تنازلت عن المهر ماعدا شي بسيط..اخذت سلفيه علشان العرس والشبكه والفندق...بصراحه مش رجاااال زوجها ابدا.. المهم... تم العرس وتخيلوا اهله ماتصلو الا قبل العرس باسبوع ..وبكل وقاحه يسالون هااااااا...تبون شي؟؟؟؟ لاتعليق...المهم تم العرس وفي الصباحيه الساعه 6 صباحا دخلت التواليت الله يكرمكم وهي تفكر زوجها نايم على اساس ماجاها نوم وبتاخذ شاور.. نست حاجه وهي واقفه عند باب الحمام :(
طبعا تعرفون نظام الفنادق ممر صغير..و..و..الخ.. المهم وهي واقفه الاتسمع الاخ يكلم وحده ويتغزل فيها.... انصدمت ودموعها كانت سيول من الصدمه....... هذي الصباحيه تخيلوا .. تبون تعرفون الباقي تكمله القصه بكره..( ملحوظه ..احتمال اكمل لكم القصه بكره اوبعد شوي حسب الظروف..لان الجهاز يستخدمه اكثر من شخص..استحملوني رجاااااء)


- انا باكمل القصه الواقعيه علشان الخوات اللي طلبوا تكملتها لكن ان دخل اخوي ويبي يستخدم الجهاز انا اسفه راح اضطر اقطع السالفه لاتقولون ماقلت..


المهم ... صديقتي امسحت دموعها وتماسكت بعد اول مصيبه.. وسالت زوجها من تكلم ؟؟؟قال واحد من الربع ليش؟؟ قالت الساعه6 الصبح؟؟ قال عااادي...سكتت وابلعت قهرها..والظهر اطلعت من الفندق رايحه تقضي اول اسبوع من العرس بيت اهلها كما جرت العاده عند بعض الاسر..تكررت الماساه..تدخل تلقاة يهمس ويشوفها ويسكت..المهم اصبرت لحد ماراحت بيت اهل زوجها...وسبحان الله من اول يوم بعد الغداء زوجها دخل ينام وماجاها نوم العصر والكل نايم..راحت الصاله تشوف التلفزيون الا السواق جايب الفواتير ويعطي الخدامه توصلهم للصاله..دورت الا لقت فواتير زوجها...ايش تتوقعون الكارثه رقم 2؟؟؟؟؟؟؟؟؟


- الكارثه رقم 2 ان الزوج الخاين.. كان وقت الملكه الخطوبه يعني ( طبعا كانت تفكره ملاك) كان يقول لها نامي حبيتي وارتاحي ورانا دوام انا تعبت ولازم انام..وهي مسكينه متقطع قلبها تبي تسولف معاه..اكتشفت ان الاخ..كان يصكر التلفون من عندها ويشغله مع صديقاته العديدات :( .. طبعا ايش اللي ذبحها انها هي كانت تدفع الفواتير...ادري بتقولون غبيه...بس الحب اعمى وياما نصحناها..بس...لاحياه لمن تنادي.. المهم ماستحملت الصدمه وراحت سوت اعصار في البيت وتواجهت معاه ..انكر في البدايه لكن لما شاف الفواتير انصدم.. واعترف بكل وقااااااااااحه.. اقعدت تصرخ وتبكي وتطلب الطلاق من اول اسبوع مارضى يطلق ..ووعدها انه يتغير..وخلته يكلم البنات قدامها اللي كان يخونها معاهم وحده..وحده وانهى علاقته معاهم وهي بردت قلبها وهزئتهم :30: بس هل تعتقدون انه ذيل ال.......... يتعدل ؟؟

والله تعبت ارتاح واكمل...( بنات التعديل والاضافه له فتره معينه .. هذا للبنات الجدد اللي مايعرفون ..احتمال ماقدر اكملها الليله.. بس بتلقون تكملتها بصفحات ثانيه..)




نكمل القصه... اللي مروا شكرا واللي قالوا كلمه طيبه اوقسوا شوي شكرا...بس يابنات البنت هذي طيبه زياده عن اللزوم...وتشوف الناس طيبين كلهم علشان كذا صدقت الاعيبه..وعلى فكره اهلها ماكانو معارضين بقوة يعني ماتزوجت غصبا عنهم لا عادي بس تركوا لها القرار..وكل اللي خلاها تستحمل بلاويه انها كانت تحبه... المهم حبيباتي بعد ماحلف لها انه يتوب توبه نصوح..صدقت ..وتمر الايام وصاحبنا على الصراط المستقيم ...لحد يوم من الايام...كانت تدرس عندها امتحان وقبل لاتروح الجامعه جايبه معاها الغداء الا تسمع الخاين............ يشتكي لوحده من الزمن وقسوته وظروفه وهمومه :icon33: انهارات عند باب الغرفه وسمع طيحتها عند الباب ..وكالعاده هوشه على مستوى وهويحلف انه كان يقرا قصيده :16: بلاااااااااوي بعيد عنكم وحلف انها ااااااخر مرة ( ليكون صدقتوة ).... المهم تطور الموضوع وصارت تشك بكل شي بطلعاته وجياته وصارت تاخذ الجوال لحد ماصار عندها وساوس وتاخذ كل الارقام المسجله باسامي شباب وتتصل وتلقاهم ... بنااااااات... فيه حقاره اكثر من كذا ...ماظن...صدقوني البنت اقعدت ثماني شهور بيت اهلها مرضت وسافرت مكه تسوي عمرة واستخارت في الاخير تطلقت ( بس خلع ) لكن ... زوجها جن الحين يراكض وراها وحالف يدفع مقدم وموخر وبيت وكل شي بس ترجع ...لكن الجرح والصدمه والحب والوجع اللي بقلبها صعب ينسيها القهر... بتقولون ليش ماصبرت اقول لكم بعض الاسباب...

- الضرب المبرح قدام امه واخته والخدامه والسايق
- طوله لسانه عليها في انها قبيحه واللي يقارن بينها وبين نانسي ينقرف؟؟؟؟...
- اجباره لها انها تخدم امه واخته وترجع من الجامعه تسوي العشاء ومن الدوام تسوي له البلعه لانه ماكان يشتغل كان يدرس ...
- رفضه المعاشره الزوجيه من 9 شهور كامله...لاسباب واهيه.. منها...مايبي اطفال..عنده مرض..... الخ....

والله اخوي جاء اسمحوا لي ...اكمل بعدين مع انه مابقى شي.

النهايــــــــــــــــــــــــــــــــــــــــــــــــــه... وجهة نظر شخصيه الطلاق من شبه رجل مثل هذا....اتصور والله اعلم انه حلال للاسباب السابقه الذكر....ولا العيش بهم وحرق اعصاب وفوق هذا ( على شينهم قواة عينهم :16: )

واخيـــــــــــــــــــــــــــــــــــــــــــــــرا... اسال الله التوفيق لكل متزوجه واسمحوا لي على الاطاله...انا ذكرت القصه يمكن وحده تشبه قصتها قصه هالبنت.......وتتعض...