آآآآآآآآآخ يالقهر البيت بيتي وجاراتي يسرحون ويمرحون فيه !

مراحب ,,,


انا ساكنه في الدور الثالث وعندي حوشين ...واحد بابه بجانب باب شقتي والثان داخلي ...طبعا تابع لنا وملكنا

والدور الثالث مافيه الا شقتنا يعني مايطلع احد غيرنا ...

الحوشين هذولا دايما مغبرين ودايما اترجى زوجي وألح عليه ينظفهم ويغسلهم عشان اتسلى فيهم انا وولدي وهو

رافض ..قلت له مره طيب انا ابوسع صدري وابغسلهم ....رفض وهدد وتوعد ...ووو

بعد كم يوم طلبت منه يحط لي حبل غسيل ع الاقل عشان نستفيد من الشمس ........قال اييه اييه بعدين ..

اليوم تفاجات انه واحد من الجارين اللي تحتي طالع فوق وبالضبط بحوشنا ومعاه عامل يغسل الحوش ..

انا استغربت ...؟؟ بعد كم ساعه وتحديدا بعد مانشف الحوش طلعت جاراتي الثنتين اللي تحت ..وكل وحده معاها

كاس (مغ) كابوتشينو او نسكافيه مدري ...ومعاهم فرشتهم ...

وعادي دخلوا الحوش وضحك وسواليف واصله اخر بيتي وزوجي كان موجود ............

رحت له سالته الحين تحرمني انا من بيتي ...وجاراتي كانهم داخلين بيوتهم ...حتى طالعين وهم كاشفين وجوههم

وانا عندي عين سحريه ع الباب يعني عيب طيب افرضوا لو زوجي اللي يطالع من هـ العين ...او افرضوا لو زوجي

بالصدفه نزل وهم طالعين .؟؟

غير كذا انا شباك صالتي مطل ع الحوش هذا ....هل عشان ياخذون راحتهم وعشان خصوصيتهم اسكر الشباك ؟؟

ولا اخليه مفتوح عشان اذا كانوا يبغون يطلون ع البيت ويتفرجون عليه حياهم ....؟؟

انا مشكلتي اني مالي علاقه بهالجارات لان زوجي رافض اني اتعرف ع احد ايا كان ...

ولما رحت وخانقته يا يا يا يا ............... رد ببرود : انتي اصلا حاسدتهم !!!!!!!! وانهم قبل مايطلعون الحريم واحد من

الرجال مو اللي جاب العامل لا الثان شاف زوجي بالصدفه وقال له ...اذا زوجتك (يعني انا ) تبغى تطلع معاهم ؟؟

انا مدري مين اذبح ....اذبح زوجي اللي حارمني من بيتي .؟؟ والحين بعد ماطاب خاطري منه ومن بيتي وبعد سنتين

من سكني ببيتي جاي يقولي خلاص خلاص اغسلك الحوش الثان واسرحي وامرحي فيه انتي وولدك؟؟

ولا اذبح جيراني اللي تحت اللي مايستحون ومايعرفون حق الجار ؟؟؟

ولا اذبح نفسي لاني زي ماقال زوجي حسووووده ؟؟

طيب شسوي ..؟؟؟؟ فرشتهم موجوده ...يعني يمكن يطلعون بكرى وبعده وبعده ....

انا اليوم لما جو للحوش كنت اتهامس انا وزوجي وكل شي بهدوء ببيتي .... لانهم كانهم عندي عجزت اخذ راحتي وانا ببيتي ..

وبعد ماطلعوا ...تخانقت انا وزوجي وزعلت منه ...واتفق معي انه راح يطلع الفرشه حقتهم ويغير قفل الباب ...

بس انا حسيت ان تصرفه فيه شي من الحسد ..خاصه انه ماله علاقه بالرجال ...وايش بيقولون عنا ولا بكيفهم ويستاهلون ...ايش

رايكم ؟؟

حبيت اوضح شغله ..باب السطح كان مقفل والسطح هذا موعادي عشان يصير مشترك لا ...فيه مكان للشوي وتابع لنا ودايما مقفل زي ماقلت
بس لانه فيه عمال واشتغلوا فيه قبل كم يوم صار مفتوح الباب وماقفله زوجي ..

هذي المره ال3 اللي اعدل مشاركتي عشان اضيف فيها حاجه ..
البيت كلللللللللللللللللله لنا ...اوكي ؟؟ الحوشين كلهم فيهم مكان للشوي....بس الداخلي للحريم واللي برا للرجال ....اللي برا لمين ؟؟؟للرجال
مو لهم ومو مشترك ...جننتوني تقولون الحوش مشترك بيننا وبينهم....طيب لنفرض انه مشترك ..عادي يطلعون كاشفين ؟ ماعقبتوا ع النقطه ؟؟؟
عادي افتح الشباك والا عيب اسكره ؟؟ عادي ترتفع اصواتهم ويضحكون بصوت عالي ؟؟ بعدين استغرب اللي يقولون اذا كنتم مستاجرين فحالكم حالهم
ايه حنا مستاجرين بس مستاجرين الدور الثالث بكامله ...

عموما انا حليت المشكله ...انا طلعت ..وطلعت فرشتهم برا وقفلت الباب بالمفتاح واللي يصير يصير ..ويقولون اللي يقولونه ..