اختي مشكلتج يبالها شوي قوه
سيري زوريها ادي الواجب و ايلسي وياها و خلي يلستج ما تتعدى 10 دقايق بس لاداء الواجب و لا اتحطين في خاطرج وايد عليها لان يمكن طبيعتها متكبره <<< هي متكبره
لا الي هب متبكر ماا يفرق .. صح ؟؟

و الله يحنن قلبها و اهم شيء ريلج و عيالج داريهم .. و الله يحفظكم لبعض
و يرزقنا الازواج الصالحين <<< نحن البنات ..

سبحان الله

غلا الفلاحي .. الغلا الفلاحي .. كلهم واحد .. وكلهم انا !! .. فديتني و فديتج يا اماراتي

سلام اختي...

اولا الله يعينج على مشكلتج.. بس تأكدي اختي انه ما فيه مشكلة في هالدنيا الا و لها حل..لان مشكلتج في علاقة من علاقاتج و هذا الشيء مرتبط بمشاعر الناس و احاسيسهم.. و صدقيني لو فكرتي عدل الا ما توصلين لحل يرضي جميع الاطراف و يصفي القلوب باذن الله

بس اختي،، فيه نقطة مهمة انتي ما تطرقتي لها في طرح مشكلتج.. و هي شلون علاقة ريلج بامه؟؟؟ ترى هالنقطة كلش مهمة.. و من خلالها تقدرين باذن الله انج تحلين مشكلتج و ان شاء الله حل جذري

عموما انا عندي لج اقتراح ما ادري اذا فكرتي انتي و ريلج فيه من قبل او لا... و اتمنى انه يفيدج و يحل مشكلتج

ليش ما تخلين ريلج يكلم امه.. مو هو ولدها و هي امه.. و الام مهما قست و تحجر قلبها لكنه في النهاية ام و ما يهون عليها ولدها و فلذة كبدها.. خلي ريلج يعزم امه في مكان او حتى يروح لها و يقعد معاها قعدة صرااحة طويلة و يكلمها بهدوء و بحب.. و يطلع اللي في قلبه.. و خله يقول لها انه كلامه لها مو عشانج انتي.. لا لكن عشانه هو.. و خليه يخبرها انه معاملتها لج.. تعور قلبه اكثر مما تعور قلبج لانج في النهاية مرته و اللي يمسج و يضرج و يعور قلبج لازم بيعور قلبه.. خله يسألها اذا يهون عليها تشوفه حزين و ضايق صدره بسببها.. و عادة الام لازم هي تكون مصدر الحنان و الحب و هي اللي تريح عيالها.. و تسعى لانها تسوي كل شيء عشان راحة عيالها و سعادتهم..خليه يسألها هي شنو مستفيدة من كل اللي تسويه غير التفرقة و البعد بين الاهل .. و خله يذكرها انه هالشيء مرفوض شرعا.. و الله ما يرضى اللي هي قاعدة تسويه.. خليه يقول لها انه طالبها طليبة.. و يتمنى انها تساعده و تتعاون معاه.. و يأكد لها انها بجذيه قاعدة تفرج عن مؤمن كربة و هذي اجرها عند الله عظيم... فما بالج لو كان هالمؤمن ولدها..خليه يذكرها ان معاملتها لج يمكن تكره عياله فيها باجر حتى لو انتي ما خبرتيهم شيء.. بس اذا كبروا و فهموا ما راح يفوتون هالشيء لجدتهم.. و ما اظن انها تحب تكوون مكروهة من احفادها..

ما تدرين اختي يمكن يحن قلبها على ولدها.. و يمكن تتغير عشان خاطره و حتى لو ما حبتج.. بس على الاقل تتقبلج و تقدرج عشانه... و بعدين عاد يجي دورج.. حاولي تتقربين منها.. من خلال هدية بسيطة تهدينها في مناسبة معينة او لما تدشين بيتهم تدشين و في يدج شيء حلو لها.. و جذيه..

طبعا هالموضوع ما راح يتم بسهولة.. لان ثمان سنين مو شوية.. و اكيد القلوب شايلة عدل من هالمدة الطويلة.. بس انتي طولي بالج.. و ان شاء الله امورج كلها تنحل..

الله يوفقج و ييسر لج امرج يااا رب

مشكورين اخواتي على مروركم


أختي لوزة الأمورة ان شاء الله يكون كلامج عدل بس ما ادري اذا انا ازورهم بالمناسبات بس مو كفايه؟



أختي Lojain99 صحيح ان زوجي معاي بس احنا نفكر في باجر يعني ما يدري الواحد شنو يصيده


أختي املي بعد الله بهم صحيح كلامك والله انا ما اروح ويدي خاليه بس الظاهر القلوب ما تصفى من صوبهم وانا اخلي عيالي يروحون مع ابوهم عشان ما يقولون اني ماسكه عيالي عنهم وما اكون اشجع على قطع صلة الأرحام


أختي دارييييين ساعات الوحده منه لها طاقه يعني ما تقدر تتجاهل وخصوصا اذا كان شي عشان اغاظتها


أختي montreal girl مشكوره حبيبتي على الادعيه والله يجعلها في ميزان حسناتج تدرين انا لما ازورهم ما اخلي دعاء ولا قرآن حتى زوجي يقولي انتي ترتعدين كله لاني عارفه اني بيقهروني


أختي today عدل كلامج ان زوجي معي بس انا اقول هذول اهل عيالي ما يصير نواصل على هالحال


أختي ام طاارق هذا اللي انا اسويه ،، والظاهر ان لازم نتكبر عليهم يعدين يحبونا اما اذا صرنا طيبين وحاولنا نساعد ما ننحب ،، المشكله ان اهل زوجي ولا شي نافع معاهم

أختي نسايم امل هذا اللي تقوله امي لي تقولي ما تدرين باجر شنو يصير الدنيا دواره ويمكن هم اللي بيحتاجون لكم


أختي marocaine زوجي كلمها اكثر من مره بس دايما تقوله انا ما افرق وانا مافيني شي على زوجتك واهي عمرها ما غلطت علينا ،، بس الظاهر انها ما تقدر تقول اني ما سويت لها شي بس اهي ما تحبني


أختي غلا الفلاحي
يا ريت السالفه سالفه تكبر جان تكبرت على الكل ،، لكن السالفه سالفه انها ما تحبني وتحاول تقهرني دايما


أختي أم جاورس علاقه زوجي بامه علاقه بارده يعني ما تقولين علاقه ام بولدها ، اهو دايما يقولي امي ما تحبني او امي تحب اخوي اكثر مني ،، اتذكر لما كنا بنمشي من بيتهم عشان نسكن ببيتنا امه نادته يقولي كنت اتوقع انها تاخذ بخاطري او تقولي كلام طيب بس تدرين شنو قالت له قالت له روح خذ باقي ثيابك اللي في خزانه اخوك وقالت له عطني مفاتيح البيت ،، والله انه رجع لي واهو يبكي يقول ليش انا حرامي هذا مو بيت ابوي يعني انا باسرق البيت؟ ،، امه وايد قاسيه عليه حتة من فتره كان نايم بالمستشفى ومسوي عمليه تدرين انهم ما زاروووه الا لما اتصل لهم وقال لهم ليش ما زرتوني لا والزياره كانت مده خمس دقايق يعني كانوا متعمدين انهم يزرووونه مع اذان المغرب عشان يتحججون بالصلاه ،، وحتى لما زارته ما كانت تقول له ما تشوف شر او شي كانت تقوله عادي هذي العمليه الكل يسويها مع انه كانت تعبان من العمليه والغرزات اللي في بطنه ، يعني تصدقين اختي امي علاقتها معانا وايد فرق مو بس امي يعني اما اشوف كل الامهات وحنانهم وعطفهم يعني ياما سمعنا عن مشاكل بس بالأخير الاهم تحن لولدها حتى لو كانت ما تحب زوجته يعني ياما امهات ما كانوا موافقين على زواج ولدهم بفتاه ما ولكن يعد الزواج يحبونها ويتقبلونها عشان محبتهم لولدهم ،، ولد جيرانا تزوج وحده كانت تشتغل راقصه في فندق واهلله ما كانوا موافقين بس الحين تعالي شوفيهم شلون شالينها من على الارض شيل بس عشان ولدهم ،، احنا من طلعنا من عندهم وزوجي ما اكل ولا وجبه عندهم ساعات يقولها يمه انا اشتهي هذي الاكله اللي كان يحبها واهو عازب بس تقوله انا تعبانه ما اقدر اطبخ ، زوجي يقولي يعني زوجة اخوي الغريبه تستاهل وانا لا ، اهو دايما عقب ما يرجع من زيارتهم يقولي لا تغصبيني على زيارتهم ما ابي ازورهم يقول زوجه اخوي الغريبه صارت تدش وتطلع وتاكل على كيفها وانا مثل الغريب اروح ازورهم مثل الغريب مو مسموح لي اني اتحرك من مكاني ، يقول لما اروح المطبخ تلحقني امي وتقولي تبي شي؟ يقول لي انتي واهلج اهلي انا ما ابي اروح، بس انا اغصبه اقولها زورهم عشان الله يرضى علينا ويوفقنا ،، زوجي بعض الاحيان يفضفض لي واحيان كثيرا ما يقولي شي بس انا اشوف الحزن في عينه حتى امي تقولي مو زين جذي مو زين الواحد يكتم بقلبه وما يفضفض ،،وطبعا امي تقولي اهو ما يقولج لان راح تقلبينها هم وتزيدين عليه بس اهو يشتكي لأمي ،يقول انا لما اقول حق اي احد عن مشكلتي يقولي لا مهما كان هذي ام لان كل واحد يشوف امه وحبها وحنانها كل واحد يشوف انه لو مهما صار امه يتحن عليه حتى لو ما كانت تحب زوجته بس الظاهر يا أختي ان امه كرهت ولدها من كرهها لي

الله يهون اللي بالنفوس ومشكوره حبيبتي على نصيحتج وكلامج


مشكورين اخواتي والله يجعله في ميزان حسناتكم

أخني

معقوووووووووولة في قلوب بهالقسوة؟
يا الله شتبي من الدنيا غير حب عيالها واحفادها
والله يا اختي الله يهونها عليج وعلى زوجج وبصراحة اكيد هو يتألم اكثر منج بمليون مرة لانها امه اللي معتبرتنه غريب لكن راح تدور الدنيا والحال مايضل كما هو والله اعلم يمكن يجي يوم وهي تمرض وودها بأحد يجلس معها ويداريها وماتلقى لا زوجك ولا ابنها المدلل

وانتي ماقلتي لنا شلون العلاقة بين زوجج واخوه وهل عنده اخوان واخوات ولا لا وماهو موقفهم من زوجك وكيف يعاملونه؟؟

اصبري غاليتي واحتسبي الاجر..
ان الله مع الصابرين..
اوصي زوجك بزيارة اهله مهما كانت الظروف..

اسأل الله ان يهديهم ويرجعهم لصوابهم بقدرته..