آآآآآآآآآه يا قلبي

بسم الله الرحمن الرحيم


يا بنات المنتدى الرائع >> يا ريتكم توقفون يمي في مشكلتي اللي ماني عارفة اطلع منها ابدا واحس خلاص مافي حل لها

تعبت من هذه الدنيا وهذه الحياة ،، وكل املي الاقي من اي واحدة فيكم كلمة اسند فيها قلبي من الانهيار

تعبت وزوجي تعبني ويا رتني ما حبيته ولا عرفت الحب معاه

زوج عطيته كل شي في حياتي ، خليته هو الملك وانا الخادمة ، تعبت والله ، وبحكيلكم عن حياتي مع زوجي

وماني مطولة عليكم بالتفاصيل ،، زوجي من الآخر تزوج علي واحدة ثانية

ماساة حياتي كلها ، ولو انا ما احبه كنت قلت بالطقاق كيفه الزواج مو حرام ، بس انا احبه وهو يحبني بجنون ، يوم زعنا من بعض ما رجع من السفر الا وهو متزوج علي سورية

طيب ليه ، ونا مو مقصرة لا ماديا ولا معنويا ،، تخيلوا انا اشتغل بس انا اللي كنت اصرف على نفسي

وعلى العيال بعد ما كان حاطلي شقة بعد سبع شهور من الزواج طلعني منها سوالي فلم علشان يطلع منها

وهذا الكلام كلامه مو كلامي يا بنات يعني هو اعترف بهذا الشي امامي وانا صدقته شسوي

قعدني في بيت اهله بغرفة واحد انا وولدي مع ان زوجي ما يحتاج مرتاح حده وماعلينا قصور
قلت ما يخالف الحمدلله انا الله غانيني ماني محتاجة شي ولا بنزل نفسي لاحد علشان فلوس


وصرفت على العيال


بس للاسف زوجي عديم المسؤولية كل شي انا اللي اسويه وكل ما اقوله هذا شغل رياييل يقولي مافيها شي نتساعد ، اي نتساعد وانا كل شي اييبه بنفسي


انا اودي العيال الطبيب والا المدرسة وانا اطلعهم
وانا اشتري اغراض البيت من الجمعية
ووالله انا اشتريله هدومه وكل شي
هو بس قاعد امير
يتشرط
لا تلبسي هذا وحطي هذا
ولا تقولين جذي ولا تسوين جذي
تعبني بشخصيته وآخر شي


راح تزوج علي سورية
مطلقة
ما عندها شهادة متوسطة من هذيل الفلاحات حمص
كل هذا علشان يغيظني ليه لان انا الحمدلله هو يحس اني احسن منه في كل شي
يا بنات نسيت اقولكم زوجي متعقد من وهو صغير يعني من قسوة ابوه وابوه يضرب امه وخواته بعد ويضربه ومسبب عاهه مستديمة لامه وحياتهم جحيم مع ابوه

في حين اني انا والحمدلله طلعت من بيت في الرحمة والحب شي اساسي عندنا والحنان والعطف والتسامح
يعني الكل والله ما يتكلم الا عن طيبتنا واصلنا الطيب



المهم هو يقولي انتي محظوظة في حياتج كل شي عندج شهادة وجمال واهل طيبين ولقيتي شغل بسرعة في مكان راقي قوي وكل شيء

احس احياناي يحسدني اقوله اذكر الله يابو فلان لا تحسدني .


لو اقولكم عنه والا عن اخلاقه اللي كان يعاملني فيها والا ظلمه لي والا شكه والا عدم

حفظه لاسرارنا


والا والا اشياء ما تكفيها السطور والا الصفحات
ياما بكاني ياما فكرت انتحر بسببه بس الحمدلله الايمان عندي مانعني والا كنت موت نفسي من زمان


والحين الطامة المشكلة الكبرى انه تزوج علي

وانا خايفة انه ما يحبني والا يسيء معاملتي والا يظلمني من كثر ما اسمع القصص عن ظلم الرياييل لزوجاتهم الاولى


والله اني خايفة ،، واحس خلاص مافي حياة بيني وبينه


ولا تجي واحدة وتقول ليش دور على واحدة ثانية >> ترى والله الحمدلله مريحته اخر راحة وهذا باعترافه والحمدلله جمال ودلال والله انه يقولي انها مهي احلى منك بوريك صورتها شكلها بالثلاثينات مع انها صغيرة 24

ولما تزوجها
قام يقولي والله مافي منك وانا ندمان
ويا ريتني ما تزوجتها
بس الحين ما اقدر اكسر قلبها ما سوت شي
تخدمني مثل الخدامة


لكن انتي ظفر ريلج الصغير يسوى الدنيا كلها
وانا ما عرفت قدرج الا لما جربت غيرج ولا راح اتركج ومن هذي الاشياء

بس انا الحين مو مصدقته
احسه يكذب علي
يقول انه قالتله " تحبني والا لا " جان يرد عليها لا ما حبج >>> جان تقوله مو مشكلة بعدين تتعود علي


والله اني بموت من القهر يا بنات مادري شسوي احس انه بتهوره هدم بتنا وحياتنا

وانا احبه وابي لي وحدي ادري هذا ممكن يكون غلط بس شسوي زوجي الي طلعت فيه من الدنيا

شتنصحوني فيه يا بنات

اطلق منه واعيش حياتي اربي العيال على الاقل ما اخونه مع احد في الماسنجر والا شي

والا استمر معاه بس خايفة من زود ما يقهرني افش غلي بالماسنجر واتعرف على احد يخفف عني المعاناة

والا اني تعبانة ما ابي اغضب رب العالمين بس انا بشر
ولا اقدر اقول لاهلي بشي
دايما احسس امي باني سعيدة ومستانسة لانها مريضة وابوي بعد مريض وهما من النوع اللي يحبوني وايد\ ويفكرون باي شي حتى لو شافو في ويههي زعل خفيف قامو يحاتون وكل ساعة شفيج قولي
شسويتي اشما سويتي

والله اني اتهرب من امي هرب علشان ما تشوف دموعي
والله انها مرة انفجرت من البجي بعد صلاة الجمعة اقولها ليش
تقولي اشوفك تحترقين ومقهورة ومكسورة جدامي ولا ابكي
مع اني ما قلت لها شي
هي حست فيني
وجان اقولها
لا الحمدلله انا بخير ونعمة وما في اي شي
عادي يا يمى والدنيا مرة حلوة ومرة مرة
ونمشيها
صرت انا اواسيها


ساعدوني يا بنات والا ان احس بتييني جلطة من الحزن والقهر والتفكير والالم والجرح اللي سببه لي


حسبي الله ونعم الوكيل :(