آآآآآآآآه ... قلبي محروووووق على ولدي حبيبي

السلام عليكم ورحمة الله

مساءكم وصباحكم خير وسعادة


بناات انا اكتب لكم موضوعي وضااايق صدري حيييييل ... اللهم لك الحمد والشكر بس

بدخل بالموضوع على طوول ... عندي ولد عمره 6 سنوات عنده صعوبة بالنطق وتأتأة ،بدأت معاه وهو باربع سنوات تقريبا وكانت بسيطه وخفيفة جدا الى ان وصل لخمس سنوات وعرضته على طبيب نطق وتخاطب وساعدنا في التعامل معاه
لحد ما الأزمة عدت وتحسن الولد .... ولكن بعد سنه تقريبا انتكس ورجع أسوأ من أول بكثيررررر

والمصيبه الكبيرة انه صار بالمدرسة الحين وصاروا الطلاب يتريقوا عليه وهو ساكت ومو ملقي لهم بال
هالفترة صار يتحسس كثير منهم وصار يجيني البيت متضااايق .. اقوله حبيبي وش فيك اليوم وما يقول لي شي وامس سالته وش فيك متضايق ووزعلان احد مزعلك ؟؟ قال اصحابي يتركوني لحالي ما يبوني .. وصرت اتفسح لحالي سألته ليش
يمكن مزعلهم قال لا ........ لاني (ما أقدر أتكلم بسرعه) وآآآآآآه يا بنات حسيت بقلبي يتقطع من جوااااا عليه
قلت حاول تتكلم على راحتك حتى تقدر قال ماما ما اقدر الكلام صعب وقتها نزلت دمعه من عيني وحاولت اخفيها عنه حتى ما يحس فيني ويتأثر
بعد ما كان اجتماعي ويحب الناس بدأو يتركونه ... ما ادري وش اسوي له وما ودي يروح المدرسة خلاااص انا كرهتها علشانه فما بالكم به هو .. حتى صرت افكر اغيبه على الاقل لو مرة بالاسبوع مع انه مو حل ادري بس وش اسوي؟؟


في ايام العيد اللي راحت طبعا تعرفوا تجمعات الاهل والاقارب... شفته دايم زعلان ومتنرفز سالته ليش انت كذا روح العب مع العيال قال ما يلعبوني يوم رحت لهم اخاصمهم حتى ياحذوه معاهم يلعب
قالوا ما نبيه خلوه عندكم قلت ليش مو مشاغب ولا يضرب قالوا ندري لكن ما يقدر يتكلم وضحكوووووا كلللهم
وقتها تمنيت ان الارض تنشق وتبلعني ولا يكون ولدي سمع هالكلام قلت عادي مالكم دخل فيه لعبوه وبس
وطوووول الجلسة وانا متضااايقة عليه ما ادري كيف اتصرف ..؟؟ قلبي محروق عليه:(

الدكتور يقول تحسنه راح يكون بطئ بس لازم تساعدوني بالعلاج وفعلا تحسن بس ليش انتكس الله اعلم وبعدها راجعنا فيه مره ثانية وحسيت الدكتور يقول لاتجيبوه عندي ما عندي شي جديد غير الاول

فيه بنات نصحوني بالرقية وناس نصحوني اوديه اخصائي نفسي وانا محتاارة

الله يسعدكم بنات وش تنصحوني فيه .؟؟
فيه وحده مرت عليها زي هالحالة وتحسنت.؟؟
كيف اتصرف تعبت
ماني قادرة اسمع تعلقيات الناس من حوله وهما يطالعون فيه باستغراب ولدك وش فيه كذاااااااا؟؟
وش اقوووول تعبت وانا اسمع تعبت

كل وحده تحط نفسها مكاني وعندها ولد او بنت بنفس الحاله وش راح تسوي وكيف بتتصرف؟؟؟

الله يخليكم ابي ردود تفرحني وتساعدني .. الله لا يخليني منكم جميييييييييييعا